Конфузно и со непознавање на македонското законодавство, експертите тврдат дека Хашкото обвинение е со низа фалинки, кои лесно ќе се разоткријат во доказната постапка.

Професорот Никола Матовски предупредува, рано е за прогнози, да се сослушаат прво сите сведоци и да се видат сите докази од Хаг.

Според него, командната одговорност на Бошкоски тешко ќе се докаже, иако за таа цел Обвинителството веќе се обиде да наметне дека имало две страни во конфликтот.

„Која беше втората завојувана страна? Според мене тие не можат да добијат квалитетна завојувана страна, тоа се терористи“, изјави Никола Матовски, универзитетски професор.

За обвинителската тенденција се свесни и адвокатите. Воздржани се од коментари, но не кријат дека не се изненадени од она што го слушнаа вчера.

„Ние сме подготвени на сето тоа, Одбраната е подготвена, на секој еден доказ што ќе го изнесат да контрира со своја теза“, рече Едина Рашидовиќ, адвокат на Љубе Бошкоски.

Матовски е еден од многуте професори на Правниот факултет од кој поддршка барале хашките обвинители да сведочат против Бошкоски. Дури, за возврат му било понудено да ја испрати и својата биографија во Хаг.

„Тој што го застапува обвинението, јас мислев дека ќе го застапува самата обвинителка Карла дел Понте, тој долго време престојуваше во Скопје и настојуваше по секоја цена да изнајде некој професор по кривично право, кој би бил сведок против обвинетиот“, додаде Матовски.

По Матовски, Сакосон се обидел да најде други професори. Сите го одбиле. Незадоволен, се пожалил и во владата дека не сакаат да соработуваат со него.

Дури и оние што прифатиле да бидат дел од Хашкото обвинение, сега се откажуваат како сведоци и одбиваат да одат во Хаг.

Тешко дека ќе успеат да го докажат обвинението против љубе и Јохан. Они освем 3 или 4 селљци од Љуботен немаат ништо друго.

Чувствувам должност да посветам внимание на нашите неправедно затворени во ХАГ, така да сеа правам копи паст од www.dnevnik.com.mk 

Молитви за Љубе и за Јохан

Во храмовите на МПЦ вчера се одржа молебен за духовна поткрепа на двајцата обвинети, на кој беше побарано праведно судење

Со излагање на обвинителниот акт, денеска во Хашкиот суд почнува судењето на Љубе Бошкоски и на Јохан Тарчуловски, единствените двајца македонски државјани што Хашкото обвинителство ги обвини за воени злосторства во конфликтот во 2001 година. Во пресрет на денешниот почеток на судењето во Хаг, вчера во сите храмови на МПЦ се отслужи молебен за духовна поткрепа и праведно судење на Бошкоски и на Тарчуловски.

Во Соборниот храм „Св. Климент Охридски“ во Скопје, пред членови на семејствата, нивни блиски пријатели и соработници, како и голем број граѓани, со молебенот началствуваше неговото блаженство, архиепископот охридски и македонски г.г. Стефан во сослужение на повеќе архијереи и свештенослужители на МПЦ.

- Возљубените Љубе и Јохан нека бидат горди, зашто верувајќи во нивната праведност, нивниот суд го прифаќаме и како наше судење, како судење и на нашата татковина. Тие двајцата и другите со нив, беа меѓу оние што се удостоија и во наше време да ја бранат својата татковина и својот мирољубив македонски народ, а никогаш и никаде не е грев да се брани својата татковина - рече г.г. Стефан.

Во текот на судењето, кое по почетното излагање на Хашкото обвинителство ќе продолжи на 7 мај, треба да бидат сослушани 96 сведоци. Хашкото обвинителство очекува нивното сослушување и вкрстеното испрашување да трае единаесет недели. Одбраната на Бошкоски и на Тарчуловски ќе ја водат адвокатите Едина Решидовиќ и Антонио Апостолски, а ќе им помагаат францускиот адвокат Генел Метро и српскиот експерт Јасна Живковиќ.

Бошкоски и Тарчуловски се обвинети за кршење на законите и на обичаите на војување. Бошкоски е обвинет за командна одговорност, односно дека не ги открил и казнил извршителите на кривичното дело. Тарчуловски, пак, е обвинет дека ја формирал и ја предводел полициската единица, која во август 2001 година спроведе акција во Љуботен, во која настрадаа седуммина жители од албанска националност.

Хашкото обвинителство пред Судскиот совет ќе треба да ги докаже обвинувањата дека Бошкоски две недели пред нападот, во јули 2001 година, му наредил на Тарчуловски да одбере група луѓе што ќе бидат под негова команда за да учествуваат во полициски операции. Според изјавата на Тарчуловски, што ја наведува Обвинителството, Бошкоски му наредил да изврши истрага во Љуботен во потрага по Џавит Асани, за кого ексминистерот верувал дека е виновен за поставувањето на мината од која загинаа 8 припадници на македонските безбедносни сили. Тарчуловски регрутирал стотина луѓе со кои попладнето на 10 август заминал пред полициската станица во Чаир. Тој го информирал командирот на полициската станица Чаир дека министерот Бошкоски наредил напад - наместо потрага - во селото Љуботен, се наведува во документите на Обвинителството. На 11 август Тарчуловски двапати побарал од мајор на АРМ да дејствува со 120-милиметарски оган врз селото. Утрото на 12 август Тарчуловски контактирал со Бошкоски и барал од него возило „хермелин“ како помош за време на нападот. Бошкоски наредил ова барање да се исполни.

Обвинителството тврди дека Бошкоски повеќе од 3 часа го набљудувал нападот, а пред завршувањето на акцијата, тој и лично се сретнал со Тарчуловски.

Според Хашкото обвинителство, шестгодишниот Ерџан Алиу загинал во артилерискиот напад, а 70-годишниот Хаџи Мета Џавит починал од срцев удар откако неговата куќа била погодена од граната. Останатите загинале на 12 август - еден од шрапнел, еден од последици на тепање, а другите биле убиени од припадниците на македонските безбедносни сили.

Правдата да не се заборави

Според неговото блаженство, г.г. Стефан, 2001 не е далеку. Знаеме каде и како почна, како се одвиваа работите, знаеме како е со сите, но и од кои е. Има многу како беше и многу како е сега, а зошто беше сето тоа ќе одговори некој некогаш пред народните несреќи и пред црнилото што обви многу мајки.

- Она за кое од ова свето место апелираме е следното - сите што сметаат дека врз некого имаат право на суд, никогаш нека не ја заборават правдата, нека не заборават дека кога судат неправедно, всушност, себеси си пресудуваат - рече г.г. Стефан.

Пресврт на процесот против Љубе Бошкоски. Иако сведок на обвинителството, полицискиот генерал Ристо Галевски драматично го менува обвинението во Хашкиот суд, тој потврди дека Бошкоски во Љуботен отишол по налог на претседателот Борис Трајковски.

Тоа е всушност и снимката која Хашкото обвинителство ја врти и за која тврдеше дека е доказ, како поранешниот министер ја надгледува акцијата во Љуботен.

Галевски на третиот ден од сведочењето во Хаг појасни, Бошкоски не знаел за никаква акција, уште помалку пак, планирал.

„За разлика од другите министри тој скоро редовно одржуваше колегиум. Претходниците пред него, многу ретко се случуваше, поготово министрите после, воопшто не држеа колегиум. Тој негуваше тимска работа“, изјави Ристо Галевски.

Според него, поранешниот министер дури попладнето на 12 август испратил полициска единица да ги раздвои жителите Албанци тргнати кон Скопје, од околу 1.000 вооружени македонски цивили кои ги нападнале.

Според Галевски, иако поранешниот министер формирал комисија која требало да испита што се случувало во Љуботен, немало успех, жителите не пуштале да влезе истражниот судија.

Тој појасни и дека за претепаниот и починат во затвор жител на Љуботен немало истрага зашто никогаш не стигнале ниту поплаки, ниту пак пријави.

Тарчуловски повторно не успеа да излезе привремено на слобода, Хаг не го пушта. И покрај тврдењето дека причина се владините гаранции кои останале неизменети, неговиот адвокат Апостолски тврди, дека образложението е друго.

„Судската пракса пред хашкиот трибунал, што е основа за право пред тој суд, имаат предвидено, од хуманитарни причини, за болести или за смрт на некое лице, да бидат привремено пуштени лицата во притвор. Во овој случај судот зазема став дека раѓањето на детето не е идентична причина“, изјави Антонио Апостолски, адвокат на Јохан Тарчуловски.

Со гаранциите се предвидуваше 24 часовен надзор на Тарчуловски и негово враќање во Хаг кога ќе го побара.

По паузата на 21 август продолжува судскиот процес. Обвинителството се откажа од речиси половина сведоци, останаа уште 25.

Токму во август се појавува еден од побитните, вешто лице од странство кое ќе толкува дали имало или не воен конфликт во Македонија и ќе ја објаснува улогата на ОНА и АРМ.

И покрај тоа, адвокатите на Бошкоски и Тарчуловски не очекуваат изненадувања кои би ја разнишале за сега успешната одбрана.

Обвинителот Ден Саксон се очекува со своите сведоци да заврши до октомври. Потоа, некаде во ноември настапува одбраната со своите сведоци, што значи дека судскиот процес нема да има завршница оваа година.

Ne znam za niv kako ke zavrsat, ama sepak mislam deka imase ¨podobri´kandidati od niv za tamu. Onoj zaostanation ALI AHMETI i companijata teroristi nikoj od niv ne zamina za tamu. Mnogu Makedonci ostavija bez tatko, brat itn. Eve jas kako Prilepchanka da kazam deka i 8 prilepchani ni ubija...site znaeme kako gi otepaa... da ne dolzam. Nikoj od niv (ubijcite) ne vidov tamu vo Hag... 

ОБВИНИТЕЛСТВОТО БАРА

За Јохан 15, за Љубе 12 години затвор

Затворска казна од 15 години за Јохан Тарчуловски и 12 години за екс-министерот Љубе Бошкоски, побарало Хашкото обвинителство во завршниот збор на 200 страници, доставен во писмена форма до Судскиот совет. Иако на барање на Обвинителството беа сослушани над 50 сведоци, дознаваме дека завршното обвинение за случајот Љуботен се темели на изјавите на само двајца сведоци. Ваквото барање е досега најмала затворска казна за обвинети од судот во Хаг. Најниска казна од 25 години затвор претходно беше побарана за косовскиот лидер Рамуш Харадинај, кој доби ослободителна пресуда.

Од 8 мај тече рокот во кој Трибуналот треба да се произнесе дали Бошкоски и Тарчуловски се виновни или пак ќе го отфрли обвинението. Обвинителите при усното излагање во мај ќе се обидат уште еднаш да го оправдаат покренатото обвинение за Бошкоски и за Тарчуловски.
Адвокатите се оптимисти и сметаат дека обвинителство не успеало да го докаже обвинението. Завршниот збор на Обвинителството покажа дека тие немаа сведоци кои би можеле меродавно да зборуваат за структурата и надлежностите во рамки на МВР, ниту вештаци од криминалистичката полиција, во чија надлежност е преземањето мерки за откривање на извршители на кривични дела. Немаше ниту судии кои учествувале во таквите постапки. Нивните сводоци беа контрадикторни, а некои дури и признаа дека во 2001 година биле платени од ОНА.

Бошкоски е обвинет за командна одговорност, односно дека како министер за внатрешни работи му одобрил на Тарчуловски да ја формира и предводи полициската единица, која во август 2001 година спроведе акција во Љуботен, во која настрадаа седуммина жители од албанска националност. Судењето за случајот Љуботен почна на 16 април минатата година. Двајцата обинети веќе три години се во притвор во Шевенинген.