ПС

Мојата Мики (новинарката Мирка) прочитав дека предлага Македонија да ја викаме Бранкостан наместо моето Сашедонија. Секој има право на предлог, тоа го почитувам. Ама некако ми се меша во главата - пишува Бранко бил пијаница и шмркал Љубчо, се соблекувал и кршел, само Никола бил прав државник. Да ви кажам право, ако е и од неа е многу. Јас Мики те паметам како кога дојдов на начелен договор во кабинетот на Бранко на Бихаќка, негде пред изборите во 2002-та покрај опозиционерот Бранко на мое изненадување беше седната и ти. Ти наместо Бранко ме праша што ќе го прашувам во интервјуто и ми ги бараше прашањата. Се сеќавам ти одговорив дека тоа е во живо во вестите и немам прашања. Ти стана, направи два три чекори и се врати накај Бранко, а мене ми дофрли - Да си го поздравам детето и го бакна во чело. На Бранко чинам му беше непријатно, а јас се изнасмеав и знам дека дофрлив – леле ќе му кажам на Фрчко. Сега кога читам дека тврдиш дека пиел и шмркал си мислам - каква мајка беше ти за да имаш таква љубов кон дете со толку пороци. Мики, затоа подобро е да не се натегаме вака како што е во државава повеќе одговара Сашедонија отколку Бранкостан. Барем тебе ништо не ти фали. Ѓаволица си ти, се снаоѓаш, единствено мразиш опозиција оти многу сакаш власт.

Ацо Кабранов