Ajde be nema li nekoj koj si e dosal od more da kaze lako si e pominal i da pokaze sliki.

Националната туристичка организација во соработка со локалните туристички организации, туристичкото стопанство и стратешките партнери, подготвува специјална кампања во регионот, т.е. кон соседните земји од каде пристигаат половина од вкупниот број туристи. Станува збор за пазари од Србија, Босна и Херцеговина, Косово, Македонија и Албанија.

- Посебен предизвик оваа година претставуваат пазарите на Србија и Македонија со оглед дека се укинаа визите за земјите од шенген зоната. Голем предизвик за туристичкиот сектор за Црна Гора е да ги задржи туристите од овие земји. Само од Србија секоја година има од 32 до 38 проценти од вкупниот број на гости. Ние сме на добар пат, бидејќи подготовките за агресивната кампања се во завршна фаза чија основна цел е да ја разбие погрешната слика дека Црна Гора е скапа дестинација. Ќе се претставиме како дестинација за сечиј џеб.

Во црногорските летувалишта во шпицот на сезоната престојот за 10 дена ќе чини 100 евра. Тоа се однесува на главната сезона јули и август, а не само на еден месец пред и потоа, кога во квалитетно приватно сместување, едно ноќевање може да чини и 6 евра, потенцира Саша Радовиќ, директор на Националната туристичка организација. Ќе бидат задоволни и тие кои сакаат ексклузивна понуда со комфорни апартмани, велнес центри, тениски и други терени. Секако, цените ќе бидат соодветни на квалитетот на понудата.

Според Радовиќ, целта на претстојната кампања е понудата на приватните издавачи да се пласира на пазарот на регионот, најнапред во БиХ и Србија. Значи, идејата е целокупното приватно сместување да се пласира на пазарот како голем хотел. Во однос на условите кои ги наметнува економската криза, ќе се формираат примамливи цени за туристите од регионот.

- Наша целна група се тие кои се уште се двоумат дали воопшто да одат на летување оваа година. Уверени сме дека такви има многу и со атрактивни пакети сакаме да ги привлечеме да се определат за летување во Црна Гора на нашето приморје - потенцира директорот на НТО.

Со потсетување дека на Црногорското приморје имаме 200.000 такви кревети, Радовиќ вели дека потенцијалните туристи набрзо ќе се уверат дека Црна Гора не е скапа дестинација. Презентацијата на понудата за Косово е планирана во соработка со општината Улцињ, додека на пазарот во Албанија нашата понуда е добро прифатена и во зимскиот и во летниот период, а тоа го потврдува зголемениот број на туристи од таа земја. За целата промотивна активност ќе се потрошат околу 2,5 милиони евра. Цените нема да бидат поголеми од лани. Некои веќе најавуваат дополнително намалување. Полупансион чини од 35 до 40 евра во хотели со три ѕвезди, а во тие со 4 ѕвезди е околу 80 евра. Во Националната туристичка организација владее голем оптимизам, бидејќи очекуваат дека и во оваа кризна година нашата земја да прими ист, ако не и поголем број на туристи од лани. Очекувањата имаат покритие во договорените дејности на презентации во странство.

- Со кампањата за овогодишната сезона стартувавме во септември минатата година. Отидовме во Париз каде во соработка со Монтенегроерлајнз ја претставивме понудата. Се вративме уверени дека од францускиот пазар оваа година ќе имаме 30 отсто поголем број на туристи од лани. Посебно ќе придонесе „воздушниот мост“, кој нашата национална авионска компанија ќе го воспостави со 5 летови неделно за Париз, а туроператорот „Томас Кук“ најави еден чартер лет - вели Радовиќ за Побједа, истакнувајќи дека тоа е клучен модел за останатите западноевропски пазари.

Британскиот пазар има добри сигнали. „Томсон“ направи квалитетни договори со 6 хотели на Црногорското приморје во кое ќе доведува англиски туристи кои во Црна Гора ќе пристигнуваат со чартер летови. Од Берлинската берза исто така имаме добри сигнали за зголемување на прометот од тој значаен пазар.

- Во тек се преговори со домашни и неколку германски авионски компании за превоз на туристи од 5 германски градови до Нирнберг, од каде во текот на сезоната ќе има постојана авионска линија за Тиват. Туристите од таа земја во текот на летото ќе престојуваат во хотелот Ривиера во Њивице, чиј капацитет го закупија за целата сезона - вели Радовиќ. 

Нов пазар оваа година е и Скандинавскиот регион, од каде туристите ќе доаѓаат во период пред и по главната сезона. Сепак и оваа година за Црна Гора најзначаен е рускиот пазар, од кој, наспроти исклучително зголемената конк*ренција, стигнуваат добри најави.

- Се што преземаа туристичкото стопанство и националната авионска компанија на Црна Гора, во креирањето на поволни понуди со намалување на цените, зголемување на квалитетот и атрактивноста на аранжманите за букирања и подолг престој на руски туристи во Црна Гора наиде на исклучително добар прием кај партнерите и туристите од регионот на Руската Федерација. И на тој пазар, од кој лани во Црна Гора пристигнаа 145.000 туристи, јасно се покажува дека само со разумна ценовна политика и разновиден квалитет на понуда можеме да парираме на конк*ренцијата. Потребно е се да се направи за да можеме цврсто да се позиционираме на тој пазар, кој е на второ место по број на туристи кои Црна Гора ја означија како земја во која ќе дојдат на одмор и кој учествува со 13 проценти од вкупниот туристички промет.

Со Србија и Словенија во Јапонија

Националната туристичка организација на Црна Гора заедно со туристички организации на Србија и Словенија кон крајот на овој месец ќе ја претстават туристичката понуда на нашата земја во Јапонија. Пазарите на Индија, Кина и Јапонија се препознатливи како најдобри растечки пазари во светски размери. Свесни сме дека таму можеме да бидеме интересни само како регион, па договоривме заеднички настап со Србија и Словенија - вели Радовиќ.

Ценовна шок-понуда

Црногорски удар на хрватскиот туризам: „Ден на море за 9 евра“ е еден од насловите во хрватските медиуми во кои туристичката кампања на Црна Гора се оценува како добар „маркетиншки трик“. Во новинскиот прилог се констатира дека „Црногорците не ја измислиле шок-кампањата“. „Тоа со години го прават Турција и Тунис, кога сакаат да привлечат дополнително внимание кај туристите“, констатира авторот на текстот.
Во истиот прилог се наведува дека „црногорските цени од 99 евра (за 10 дена) не е нешто невидено и поволно. Во јуни и на хрватскиот брег цените за двокреветна соба во приватно сместување се исто така по 10 евра“.