ИНТЕРНАЦИОНАЛЕЦОТ ЈОВИЦА СИМОВСКИ НАЈВЕРОЈАТНО И СЛЕДНАТА СЕЗОНА ЌЕ НАСТАПУВА ВО БЕЛГИСКАТА ЛИГА

"Засега останувам во Авербоде"

Нашиот интернационалец и еден од предводниците на репрезентацијата, Јовица Симовски, најверојатно и следната сезона ќе остане во својот досегашен клуб, белгискиот Авербоде. Симовски иако изминатава недела имаше понуда и сериозни преговори со третопласириот тим во белгискиот шампионат, Асе- Леник, не успеа да го оствари трансферот бидејќи сегашниот клуб за раскинување на договорот бараше висока отштета.

"Имав интересна понуда од третопласираната екипа во Белгија, Леник, да преминам во нивниот тим, а во текот на преговорите во целост беа прифатени моите барања. Но, Авербоде не сака да ме пушти да заминам од клубот и за раскинување на договорот бараат висока отштета. Во договорот кој го имам со нив стои дека доколу имам понуда од некоја екипа која настапува во Лигата на шампионите, нема да ми прават никакви проблеми и ќе ме пуштат да заминам, но бидејќи тоа не е случај со Леник, управата на Авербоде се труди да ме задржи. Засега останувам во клубот, но доколку во текот на летниот период се појават и други интересни понуди, тогаш можно е да ја сменам и средината", вели Јовица Симовски.

Популарниот "Гума" изминатава сезона беше најдобар поентер во белгиската лига и е еден од клучните играчи на Авербоде, па оттука сфатлива е и реакцијата на клубот кој се труди да го задржи својот најдобар играч. Симовски на 1 август почнува со подготовките со екипата, а во истиот период треба да стартува и подготвителниот циклус на машката репрезентација за баражот за ЕП. Интерналецот уште од сега најавува дека нема да може да биде дел од комплетните подготовки бидејќи Авербоде ќе му дозволи отсуство од само една недела.



Повредата санирана

Повредата на скочниот зглоб која Симовски ја доби во квалификациите за ЕП е санирана. Отокот е комплетно повлечен, а Јовица се надева дека нема да има никакви проблеми до стартот на новата сезона и бараж натпреварот кој ја очекува репрезентацијата.

ПРВОТО КОЛО ОД СВЕТСКАТА ЛИГА 2008, ВО ЗНАКОТ НА ШАМПИОНОТ

Бразил го обележа "мечот на неделата"

Првиот натпреварувачки викенд на Светската лига 2008 помина во знакот на актуелниот шампион Бразил, САД, Русија, Бугарија и Франција, кои имаа одличен старт и со две победи во разигрувањето со противниците го затворија првото коло.

Бразилците во "натпреварот на неделата" успеаја на двете средби, пред својата публика да слават со 3:2 против Србија. "Кариоките" откако ја забележаа првата победа, во вториот меч им преостануваше да ја потврдат добрата игра, но Србите беа решени да го возвратат ударот.

Домаќинот имаше предност 10:7 во стартниот сет, но Србија изедначи на 14:14, по што следуваше долга борба и игра поен за поен с$ до завршницата, 21:21. Со фантастична игра на мрежата, особено во блокот, Србија во финишот дојде до минимално водство 23:21, кое го задржа до крај искористувајќи ја втората сет топка за 25:23. Бразилците доминираа во вториот сет и без поголеми проблеми со 25:19 изедначија на 1:1. Стабилната игра "кариоките" ја задржаа во продолжението, што им донесе водство од високи 16:9. Србија, која како да ја бараше својата играта во тие моменти, успеа да излезе од кризата, изедначувајќи на 23:23, а подоцна прави и комплетен пресврт освојувајќи го сетот со 26:24. Србите со силна иницијатива го почнаа четвртиот сет и имаа 4:0 на стартот, но Бразил многу брзо се стабилизира и ја презема работата во свои раце, и со 25:23, се избори за тајм-брејк. Домаќинот решеноста за победа ја покажа во петтиот сет, кога со одлична игра го неутрализираше отпорот на конк*рентот и со 15:11 го реши натпреварот во своја корист.

Во вториот дуел од "А" групата Франција запиша две победи против Венецуела. Во групата "Б", Куба и Италија имаат изедначен скор, една победа и еден пораз, додека Русија двапати ја совлада Кореја. Фаворитите во "Ц" групата, САД и Бугарија немаа проблеми во мечевите со противниците. Најинтересна група викендов беше "Д" каде се одиграа четири неизвесни натпревари, во кои конк*рентите ги поделија бодовите.

Второто коло од Светската лига 2008 се игра следниот викенд.

СВЕТСКА ЛИГА 2008

1. КОЛО

ГРУПА "А"

Бразил - Србија 3:2/3:2

Венецуела - Франција 2:3/0:3

ТАБЕЛА:

1. Франција 2 2 0 6:2 4

2. Бразил 2 2 0 6:4 4

3. Србија 2 0 2 4:6 2

4. Венецуела 2 0 2 2:6 2

ГРУПА "Б"

Куба - Италија 3:2/1:3

Кореја - Русија 2:3/1:3

ТАБЕЛА:

1. Русија 2 2 0 6:3 4

2. Италија 2 1 1 5:4 3

3. Куба 2 1 1 4:5 3

4. Кореја 2 0 2 3:6 2

ГРУПА "Ц"

Финска - САД 1:3/0:3

Бугарија - Шпанија 3:0/3:1

ТАБЕЛА:

1. САД 2 2 0 6:1 4

2. Бугарија 2 2 0 6:1 4

3. Финска 2 0 2 1:6 2

4. Шпанија 2 0 2 1:6 2

ГРУПА "Д"

Египет - Полска 3:2/1:3

Кина - Јапонија 2:3/3:2

ТАБЕЛА:

1. Полска 2 1 1 5:4 3

2. Кина 2 1 1 5:5 3

3. Јапонија 2 1 1 5:5 3

4. Египет 2 1 1 4:5 3

НАЈТРОФЕЈНИОТ МАКЕДОНСКИ СТРАТЕГ ЈА ПРЕКИНА СОРАБОТКАТА СО ЦРНОГОРСКИОТ ПРВОЛИГАШ

Миленковски ја напушти Будванска Ривиера

* "Поради "замрзнувањето" на функцијата на досегашниот спортски директор на клубот, Раденко Маровиќ, со кого и ја почнав мојата соработка, сметав дека најкоректно е со меѓусебен раскин на договорот да се повлечам од позицијата тренер на Будванска Ривиера", вели Миленковски.

Нашиот најтрофеен тренер и поранешен селектор на машката репрезентација, Јошко Миленковски ја прекина соработката со црногорскиот прволигаш Будванска Ривиера со кој минатата сезона се најде на третото место во европскиот ЦЕВ куп. Причини за напуштањето на Миленковски на оваа позиција има повеќе, но приоритетна е "замрзнувањето" на функцијата на досегашниот спортски директор на Будвани, Раденко Маровиќ со кого нашиот стратег и ја почна соработката во црногорскиот клуб. Разделбата е направена во меѓусебен пријателски договор, со можности во иднина квалитетната соработка да биде обновена.

"Поради 'замрзнувањето' на функцијата на досегашниот спортски директор на клубот, Раденко Маровиќ, со кого и ја почнав мојата соработка во клубот, сметав дека најкоректно е со меѓусебен раскин на договорот да се повлечам од позицијата тренер на Будванска Ривиера. Маровиќ комплетно ја поддржуваше мојата работа изминатава сезона, па оваа постапка може да се каже дека е од лојалност кон него и од големото заемно почитување. Секако оставен е простор во иднина да ја обновиме соработката. Пресудно беше и тоа што морам да се вратам на обврските кои ги имам како професор на Факултетот за физичка култура, како и кон екипата Работнички Фершпед", изјави Јошко Миленковски.

Нашиот најдобар стратег во моментов на прво место ги става работните обврски кои ги има кон факултетот, но воедно посветува големо внимание и на клубот Работнички Фершпед. Миленковски со успехот кој го постигна изминатава година го привлече вниманието на реномирани европски клубови, но засега тој само ги разгледува понудите.

"Во моментов сум посветен на обврски кон факултетот, а работам и во конструирањето на екипата на Работнички Фершпед за следната сезона. Градењето на кариерата како одбојкарски тренер во иднина многу зависи од договорот со ФФК. Имам неколку конкретни понуди од екипи кои настапуваат во Лигата на шампионите, што за мене претставува голем предизвик, но засега само ги разгледувам понудите. Доколку не успеам да се договорам со нив, како опција секогаш останува Работнички Фершпед, што воедно одлично се усогласува и со моите работни обврски како професор", додава Миленковски.

Јошко Миленковски во последните две сезони, прво како тренер на Работнички Фершпед стигна во фајнал-форот на Топ тимс купот, а лани како предводник на Будванска Ривиера го постигна најголемиот успех во историјата на црногорската одбојка, освојувајќи го третото место на завршницата во ЦЕВ купот.

В. Зарева

Вуковиќ на тренерското место

Селекторот на машката репрезентација на Црна Гора, Веселин Вуковиќ, ќе биде новиот тренер на Будванска Ривиера. Новото раководство на клубот има долгорочни цели и планови, меѓу кои будванската екипа догодина да биде составена само од црногорски одбојкари и да претставува расадник на сениорски репрезентативци.

Маровиќ: "Задоволство ми беше да работам со Јошко"

Досегашниот спортски директор на Будванска Ривиера, Раденко Маровиќ потврди дека станува збор за пријателска разделба, која се надева дека во иднина ќе има можност да се обнови.

"Заминувањето на Миленковски е поврзано со моето 'замрзнување' на функцијата спортски директор на клубот поради здравствени причини. Бидејќи Јошко и јас бевме еден тим кој квалитетно функционираше, тој реши да се повлече заедно со мене, што го ценам како особено пријателски гест, па токму поради тоа и нашата разделба беше таква, пријателска. Морам да напоменам дека Миленковски одлично ја одработи својата задача, му донесе на клубот еден голем, историски успех и ми беше задоволство да работам со еден таков човек и стратег како него", ни рече во телефонскиот разговор спортскиот директор на Будванска Ривиера, Раденко Маровиќ.

Максимално посветен на Работнички Ф.

Миленковски овој период максимално е посветен на формирањето на екипата на Работнички Фершпед и играчите со кои ќе настапува тимот следната сезона. Нашиот стратег се надева дека ќе успее да се зачува костурот на екипата од минатата година бидејќи тоа ќе биде добро не само за клубот туку и за машката репрезентација во која настапуваат поголем дел од одбојкарите на шампионот. Миленковски смета дека треба да се заборават личните несогласувања и да се работи за едно општо добро на одбојката, со што и најдобро ќе се искористи шансата до која се изборија репрезентативците, бараж натпреварот кој води на ЕП.

ИНТЕРНАЦИОНАЛНАТА ОДБОЈКАРСКА ФЕДЕРАЦИЈА НА 31. КОНГРЕС ВО ДУБАИ ДОНЕСЕ НОВА "ИСТОРИСКА" ОДЛУКА

14 играчи и две либера во секој тим

На 31. конгрес на Интернационалната одбојкарска федерација, кој изминативе денови (16-17) се одржа во Дубаи и на кој учествуваа над 200 национални федерации, Генералното собрание на ФИВБ донесе нова "историска" одлука со која направи важни промени во одбојкарските правила. Започнувајќи од 1 јануари 2009 година, во секој тим бројот на играчите ќе се зголеми од 12 на 14 одбојкари, од кои во составот ќе се најдат и две либера, а правилата дозволуваат само еден од нив да биде на теренот. Конфедерациите и националните федерации новото правило ќе можат да го имплементираат веднаш по завршувањето на Олимписките игри во Пекинг.

Покрај оваа одлука Конгресот исто така го разгледуваше и го одобри предлогот наметнат од Бордот на ФИВБ за користење на топка со помал притисок со цел да се зголеми должината на сервисот и МВА 200 да биде официјална топка за Олимпијадата оваа година.

Конгресот ја потврди одлуката на Бордот која се однесува на интернационалните трансфер сертификати (ИТЦ) со цел да ги заштити домашните играчи, како и идентитетот на националните лиги, со што ќе се запре и монополот на финансиски моќните клубови. Од сезоната 2010- 2011 клубовите ќе имаат право во својот тим да имаат колку сакаат странски играчи, но на теренот во истовреме може да се најдат само двајца. ФИВБ им дозволува на националните федерации сами да одлучат дали на своите клубови ќе им дозволат уште еден странски играч во полето.

Генералното собрание за следната сезона определи рок од седум месеци, од 15 октомври до 15 мај, за комплетирање на натпреварувањето во националните лиги.

ФИВБ со нов претседател

Актуелниот претседател на ФИВБ, Рубен Акоста, на 31. конгрес на Федерацијата го најави своето повлекување од позицијата, поради приватни причини, а на неговото место едногласно беше избран досегашниот прв потпретседател на ФИВБ, Жижинг Веи.

Акоста е втор претседател на Светската федерација и 24 години одлично ја вршеше својата функција промовирајќи ја одбојката во светски рамки и правејќи спектакуларен развој на овој спорт.

Јованов на конгресот во Дубаи

Претседателот на ОФМ, Марјан Јованов, заедно со селекторот на машката репрезентација, Александар Тасевски, присуствуваа на 31. конгрес на ФИВБ во Дубаи. Нашата делегација на овој собир покрај воспоставувањето на нови соработки и продлабочување на старите исто така успеа начелно да се договори со претставниците на словенечката федерација, за заемна соработка во текот на подготвителниот период на машките репрезентации за баражот за ЕП 2009.

ШАМПИОНОТ ЈА ПРОДОЛЖУВА СОРАБОТКАТА СО ДВАЈЦА СТАНДАРДНИ ПРВОТИМЦИ

Модев и Трајчевски остануваат во Работнички Фершпед

ПОРАДИ ПОКЛОПУВАЊЕ НА ТЕРМИНИ ЧЕШКАТА ФЕДЕРАЦИЈА БАРА ПРОМЕНА НА ТЕРМИНОТ НА БАРАЖОТ

Чешка бара нов датум

Чешката федерација достави барање до ОФМ со кое бара одложување на датумот кога треба да се одигра првиот натпревар од бараж фазата на ЕП 2009, меѓу нашата и чешката машка репрезентација. Причината за ова барање е поклопувањето на термините, односно викендот 6-7.09 кога треба да се одигра првиот меч, Чешка треба да биде домаќин и на завршницата на младинското Европско првенство во Брно. За нов датум е предложен 9 септември, а само пет дена подоцна, на 14, треба да се одигра вториот дуел. Пропозициите велат дека доколку се постигне договор меѓу федерациите тогаш ЦЕВ и покрај тоа што ги има веќе определено термините нема да прави проблеми. Чешка чека одговор од ОФМ, кој треба да биде доставен по враќањето на претседателот Јованов од Конгресот во Дубаи.

ОФМ во потрага по компромис

Одбојкарската федерација на Македонија во текот на следната недела официјално ќе одговори на барањето на Чешката федерација, дали првиот бараж натпревар за ЕП 2009 кој двете машки репрезентации треба да го одиграат во Чешка викендот 5-6 септември ќе биде одигран три дена подоцна на 9 септември. Чесите барањето за промена на терминот го поставија поради поклопување со завршницата на Европското младинско првенство, каде Чешка се јавува како организатор, како и со немањето можност за ТВ пренос на бараж дуелот. Промената за Македонија е прифатлива само доколку домаќинот на првиот меч се согласи да не прими еден ден повеќе или, пак, натпреварот да се одигра на 10 септември. Поради лошата комуникација со чешките официјални лица, како и одбивањето на рецепроцитет со екстра денот, ОФМ ќе се потруди да донесе најдобро решение и по пат на компромис да го реши настанатиот проблем. Во спротивно ќе се придржуваме кон датумите пропишани од ЦЕВ и ќе бараме баражот да се одигра во дадениот термин.

"Промена на терминот е возможна, но зависи од соработката со Чешката федерација. Поради лошата авионска конекција, побаравме ден повеќе да бидеме гости на Чесите, а потоа и во реваншот тие да престојуваат екстра ден во Македонија, но таквиот предлог за реципроцитет не беше прифатен. На Конгресот во Дубаи и покрај настојувањето на нашиот претседател Јованов да се воспостави комуникација и договор, наидовме на ладен однос од страна на потпретседателот на Чешката федерација. Разгледувајќи ги можностите ни одговара мечот да се одигра на 10 септември, но тоа повторно зависи и од домаќинот. Доколку не успееме да дојдеме до компромис, реално е да бараме да се задржи првичниот термин поставен од ЦЕВ, бидејќи ние немаме никаков проблем со тоа, туку Чешка", н$ информираше селекторот на машката репрезентација, Александар Тасевски.

Канцеларијата на ОФМ во моментов ги разгледува сите опции и се надева дека во текот на деновиве ќе биде донесено најдоброто решение, со кое ќе одговорат на барањето на Чешка.

"Ќе направиме неколку работни состаноци на кои покрај мене ќе учествуваат и генералниот секретар, спортскиот директор и селекторот и во заедничка консултација ќе донесеме решение кое ќе сметаме дека е најдобро за нашата репрезентација, по што ќе одговориме и на барањето на Чесите", вели претседателот на Федерацијата, Марјан Јованов.

Бараж натпреварите според ЦЕВ треба да се одиграат првите два викенда од септември, но доколку дојде до промена на терминот дуелите меѓу Македонија и Чешка ќе се одиграат со разлика од само пет дена.



Тасевски ја подготвува програмата

Селекторот Тасевски во полна пареа работи на програмата за подготвителниот период и бараж фазата од квалификациите за ЕП.

"Работам на програмата за бараж фазата од квалификациите. Треба да се консултирам дали да се соберат репрезентативците порано или да се остане на првичниот датум, 5 август. Би сакал првата фаза и дел од втората да одработиме надвор од Скопје, за потоа во нашата "база" да преминеме на техничко- тактички план. Во зависност од можностите на ОФМ да ни обезбеди спаринг- противник добро би било да одиграме неколку контролни натпревари пред баражот", изјави Тасевски.

Словенија прв спаринг- партнер

Федерацијата уште од сега активно работи на обезбедување противници со кои сениорите ќе одиграат пријателски средби пред баражот со Чешка. Прв конк*рент е Словенија, која би сакала со нас да одигра контроли кои би биле од заемна корист и за двете селекции. Федерациите начелно ја договорија соработката, но останува истата да се потврди и реализира во текот на подготвителниот период.

РАБОТНИЧКИ ФЕРШПЕД НЕДЕЛАВА ЈА ЗАТВОРА ОВАА СЕЗОНА

"Шпедитерките" на одмор до август

Одбојкарките на Работнички Фершпед оваа недела ќе ја заокружат натпреварувачка сезона. "Шпедитерките" и покрај тоа што не успеаја да ја одбранат двојната круна годинава, со активна работа продолжија и изминатиов период, а сега следува едномесечен одмор. Тренерот на Работнички Фершпед, Светислав Пеица, ги ослободува своите играчи од обврските кон клубот с$ до почетокот на август, кога ќе стартуваат подготовките за новата натпреварувачка сезона.

"По завршувањето на репрезентативните обврски на дел од одбојкарките екипата повторно се комплетираше и работевме изминатиот период. Со лесни тренинзи оваа недела ќе ја затвориме сезоната и девојките ќе добијат еден месец одмор. Нивните обврски кон клубот ќе стартуваат на почетокот на август кога и ќе почнат и подготовките за новата сезона. Раководството на клубот треба да се состане во текот на следната недела и тогаш ќе го направиме планот за целите, амбициите и измените кои евентуално би ги имале во клубот следната година", изјави тренерот на "шпедитерките", Светислав Пеица.

Засега нема најави за промена во играчкиот состав на тимот, но тоа официјално ќе може да се потврди дури пред почетокот на првенството.

"Екипата го задржа истиот играчки состав и по завршувањето на сезоната, но за промените, евентуалните заминувања или доаѓање на нови играчи е уште рано да зборуваме. Секако Кијановиќ, која беше наше засилување во текот на вториот дел од лигата, си замина. Единствена најава за повлекување може да се очекува од капитенот Зафировска поради обновувањето на повредата на коленото, но и тоа не е потврдено", додава Пеица.

"Шпедитерките" ќе имаа доволно време да се одморат и да соберат енергија пред стартот на подготовките за новата сезона, кога ги очекува тешка задача, враќање на шампионската титула во свој посед.

В. Зарева

Зафировска се уште без одлука

Капитенот на Работнички Фершпед, Андријана Зафировска, с$ уште нема донесено одлука дали ќе прави операција на обновената повреда на коленото, што ќе предизвика и повлекување од екипата или ќе се потруди со други методи да ја санира повредата. Таа во моментов го води летниот камп за подмладокот на клубот во Маврово, а конечното решение ќе го донесе по враќањето во Скопје и по консултациите со раководството на тимот.

"Проблемите со коленото продолжуваат, а единствена сигурна опција за санирање на повредата во моментов е операција. Но, одлуката с$ уште не сум ја донела, морам прво да се консултирам со раководството на клубот и заедно да најдеме најдобро решение, потоа мора да направам уште неколку контроли и лекарски анализи. Сакам да продолжат да играм, а од екипата ќе се повлечам само доколку тоа е неизбежно. Повторувам конечната одлука ќе мора да ја донесам наскоро, а тогаш ќе знам во која насока ќе се движи мојата одбојкарска кариера", вели Андријана Зафировска.

НОВИ МОМЕНТИ ВО ПЛАНОВИТЕ ЗА ПОДГОТОВКИТЕ НА МАШКАТА РЕПРЕЗЕНТАЦИЈА ЗА БАРАЖОТ

Сениорите на Копаоник!?

*Машката репрезентација има покана од словенечката селекција заедно да го одработат подготвителниот период пред бараж натпреварите кои двете екипи ги играат на стартот на септември.

Стручниот штаб и раководството задолжени за машката сениорска репрезентација се во преговори со првите луѓе на словенечката селекција за одржување на заеднички подготовки на Копаоник од 20 до 30 август, во пресрет на одигрувањето на баражот за Европското првенство 2009 во Турција, каде Македонија игра со Чешка, додека Словенија се среќава со Португалија. Во предвидениот период на Копаоник подготовки за новата натпреварувачка сезона ќе има и рускиот шампион Искра Одинцово, што ќе претставува одлична можност да се одиграат и неколку меѓусебни пријателски натпревари, што ќе биде од заемна корист за сите три екипи.

"Имаме покана од репрезентацијата на Словенија заедно да одработиме десетдневни подготовки на Копаоник од 20 до 30 август, така што меѓусебно ќе си помогнеме во темпирањето на формата пред почетокот на двомеч баражот за ЕП во кој ние се среќаваме со Чешка, додека Словенија за свој противник ја има Португалија. Во истиот период на Копаоник рускиот прволигаш Искра Одинцово ќе се подготвува за новата сезона, што претставува уште еден позитивен момент. Ќе може да одиграме неколку контроли со двете екипи, што секако дека ќе биде од заемна корист. Одговорот за оваа примамлива понуда ќе го дадеме по состанокот на Извршниот одбор кој ќе треба да ја утврди финансиската поддршка за репрезантацијата во следниот период", не информираше спортскиот директор на репрезентациите, Петар Јовановски.

Засега останува првичниот план, репрезентативците да се соберат на 5 август, а понатамошниот тек на подготовките дополнително ќе биде познат.



Чесите во исчекување

Чешката федерација ќе мора да го почека одговорот на ОФМ за барањето за промена на терминот на првиот бараж натпревар.

"Се уште немаме одговорено на барањето на Чесите. Ги разгледуваме сите опции и нормално и ние поставуваме одредени услови бидејќи примарно е пред с$ да ги гледаме нашите интереси", вели Јовановски.

Чешка побара првиот дуел кој треба да се игра на 6 септември да биде поместен за 9, поради поклопување на термини на два настани.

СТРУМИЧКИТЕ ПРВОЛИГАШИ СО ИДЕЈА ЗА ОБЕДИНУВАЊЕ НА СИЛИТЕ

Македонија Џио и Струмица во еден тим!?

* Директорите на двата клуба покренаа иницијатива за здружување на екипите што би било во интерес на подигање на квалитетот на машката одбојка.

Во периодот кога играчите на двата струмички прволигаши Македонија Џио и Струмица ги полнат батериите пред стартот на новата натпреварувачка сезона, раководствата на клубовите дојдоа до заедничка идеја за обединување на силите и формирање една екипа. Иницијативата произлегува од директорите на тимовите, Александар Ѓоргиев и Ѓорѓи Ѓорѓиев, кои веќе имаат направено една неофицијална средба на која ги изнесоа своите идеи за соединување на клубовите, како од финансиски така и од играчки аспект. Оваа замисла е во голем интерес пред с$ за македонската машка одбојка и подигање на нејзиниот квалитет на едно повисоко ниво. Првите луѓе на Македонија Џио и Струмица во текот на оваа и следната недела се очекува да се состанат повторно и да се утврди дали оваа идеја ќе биде применета и во пракса.

"Директорите на двата клуба имаа неофицијална средба во завршницата од младинскиот шампионат, каде се покрена иницијативата за обединување на првите екипи што како од играчки, така и од финансиски аспект би било по корисно за двата тима, а воедно би го подигнала и квалитетот на машката одбојка во домашното првенство. Сепак, допрва следуваат средбите и состаноците на кои раководствата на двата клуба ќе мора да ги прецизираат сите детали и доколку се најде заедничко решение оваа работа и да се официјализира. Конечниот одговор би требало да го имаме до средината на јули, за периодот кој ќе ни преостане до почетокот на август, кога би стартувале и подготовките за новата сезона, со што ќе имаме доволно време да ги организираме работите во новоформираната екипа", изјави тренерот на ОК Струмица, Ацо Ѓорѓиев.

Информацијата ја потврди и вториот тренер на Македонија Џио, Трајче Атанасов, но тој вели дека потребно е да се почека да завршат разговорите меѓу првите луѓе на клубовите, а подоцна да се обелодени конечното решение. Според Атанасов, оваа идеја би се развивала соодветно со следењето на светските трендови на Одбојкарската федерација и формирање на една поквалитетна Супер-лига, во која би се натпреварувале шест екипи кои ќе можат меѓусебно да си парираат.

Доколку оваа иницијатива не доживее реализација Македонија Џио и Струмица ќе продолжат со самостојната работа и борбата за повисока позиција во Првата машка лига.



Ждрепката за БКК на 8 јули

Нашиот единствен претставник во пилот проектот на Балканската одбојкарска асоцијација (БВА), Балканскиот клупски куп, Македонија Џио на ждрепката на 8 јули, во Солун ќе ги знае противниците во својата група. Струмичкиот прволигаш исто така поднесе пријава и за организација на еден од двата турнири кои се играат по групи.

Едно од правилата за настап на ова натпреварување кое треба да стартува во септември вели дека екипите учесници не треба да имаат пријавено настап во некој од евроските купови, па поради тоа имињата на поголемиот дел од клубовите кои ќе играат на Балканскиот куп ќе се обелоденат на денот на самата ждрепка. Таков технички проблем имаат Бугарите каде две екипи се на листата на чекање за настап во ЦЕВ купот и во зависност од тоа кој тим ќе влезе во натпреварувањето, другиот ќе игра во БКК. Досега во машка конк*ренција покрај Македонија Џио, потврдени се пријавите на Модрича Оптима од БиХ, како и Рибница од Србија.

Во женска конк*ренција Македонија нема да има претставник на премиерното започнување на Балканскиот клупски куп.

ОВАА ГОДИНА ПОВТОРНО "BEACHVOLLEYBALL OHRID 2008"

Одбојка на плажа - третпат

Од 17 до 27 јули, на плажата Бафало во Охрид ќе се одржи третото по ред издание на првенството во одбојка на песок, во организација на Промо дизајн и Евент менаџмент компанијата.

Како изминатите две години така и оваа турнирот е поделен во неколку категории, аматери, компании, јавни личности, а најголемото внимание и акцентот е ставен во завршната фаза од настапот каде се натпреваруваат професионалците.

Минатата година во машка конк*ренција шампиони беа Гоце Славков и интернационалецот Христо Модев, кои потврдија дека оваа година ќе се потрудат да ја одбранат титулата, додека кај дамите Сандра Ѓошева и Софка Камиловска се закитија со втората титула како најдобра екипа на првенството во одбојка на плажа.

Овој настан од година во година привлекува с$ поголемо внимание, па поради тоа организаторите се надеваат дека и летово ќе бидеме сведоци на уште еден квалитетен турнир.

ПО ЕДНА ГОДИНА НАСТАП ВО СРПСКОТО ПРВЕНСТВО РЕПРЕЗЕНТАТИВНОТО ЛИБЕРО ПОВТОРНО ДОМА

Тања Алексовска им се враќа на "шпедитерките"

СЕЛЕКТОРОТ НА КАДЕТИТЕ ГО ОБЈАВИ ИМИЊАТА НА ОДБОЈКАРИТЕ НА КОИ ЌЕ СМЕТА НА ПОДГОТОВКИТЕ ЗА БАЛКАНИЈАДАТА

Стојанов со 20 играчи на поширок список

* Селекторот на кадетската машка репрезентација, Деан Стојанов го состави поширокиот список на одбојкари, а работи и на програмата според која селекцијата ќе се подготвува за Балканијадата во Бугарија.

Предводникот на машката кадетска репрезентација, Деан Стојанов го формираше поширокиот список од 20 одбојкари на кои ќе смета во подготвителниот период за Балканијадата која од 26 до 30 јули ќе се одржи во Казанлак, Бугарија. Селекторот на седумдневните подготовки ќе располага со нови, млади и перспективни репрезентативци, а од минатогодишната постава на располагање има само четири одбојкари. Плановите се темпирањето на формата да се одржи во Скопје, најверојатно во СЦ Форца, а првиот собир кадетите треба да го имаат на средината на овој месец.

"Поширокиот список на играчи е доставен до Федерацијата. Во игра се нови, млади и перспективни одбојкари имаме промена на генерација, додека од старата постава останати се само четири репрезентативци кои најверојатно ќе го понесат товарот на селекцијата годинава. Подготовките според начелните договори ќе бидат одработени во Скопје, во СЦ Форца, а стартот би требало да биде на средината на месецот иако ќе инсистирам доколку има можност да започнеме и неколку дена порано. Списокот од 20 одбојкари сметам дека е доволен за да се одработи она што е зацртано во програмата за кратките седумдневни подготовки, од каде пред заминувањето ќе се направи уште еден пресек и ќе се добие конечниот состав на селекцијата кои ќе не претставува на Балканијадата", вели селекторот на кадетите, Деан Стојанов.

Кадетите минатата сезона имаа скромен учинок и завршија на претпоследното место на Балканијадата, додека оваа година во разигрувањето по групи во "А" групата играме со Србија, Црна Гора и Молдавија.

В. Зарева

ПОШИРОК СПИСОК - КАДЕТИ:

1. Игор Апел Вардар О.

2. Ѓорѓи Ѓорѓиев Струмица

3. Александар Ричлиев Македонија Џио

4. Милош Петровиќ Работнички Фершпед

5. Дарко Јовановски Работнички Фершпед

6. Марко Стошиќ Работнички Фершпед

7. Живко Дамјановски Работнички Фершпед

8. Игор Димковски Работнички Фершпед

9. Мартин Петковски Работнички Фершпед

10. Матеј Митев Борец

11. Дејан Димовски Борец

12. Саше Ивковиќ Борец

13. Мартин Милков Борец

14. Бобан Темелков Борец

15. Даниел Јанев Вардар О.

16. Иван Тодоровски Работнички Фершпед

17. Златко Николовски Проволеј

18. Мики Пешевски Македонија Џио

19. Љупчо Богоев Македонија Џио

20. Маријан Урдов Македонија Џио

ОФМ ДО КРАЈОТ НА НЕДЕЛАТА ТРЕБА ДА ГИ ПРЕЦИЗИРА ДАТУМИТЕ ЗА СТАРТ НА ПОДГОТОВКИТЕ НА МЛАДИНСКИТЕ СЕЛЕКЦИИ ЗА БАЛКАНИЈАДИТЕ

Кадетските репрезентации во исчекување

* Поради финансиските преоптоварувања на Федерацијата за сениорската машка репрезентација, челниците на ОФМ се во потрага по најекономичниот начин со кој ќе ги спроведат Балканијадите.

Раководството на Одбојкарската федерација на Македонија даде зелено светло за настап на сите четири младински репрезентации на балканските шампионати годинава, но и покрај тоа се соочува со проблем, односно е во потрага по најекономичен начин со кој ќе може да се овозможат овие натпреварувања, а притоа да не се преоптовари дополнително буџетот на Федерацијата. Оттаму произлезе и идејата во зависност од тоа од кој град ќе има најмногу репрезентативци таму да се одржат и седумдневните подготовки за Балканијадите. Селекторите на кадетската машка и женска репрезентација, Деан Стојанов и Петар Жабев, веќе ги доставија пошироките списоци на одбојкари и одбојкарки до канцеларијата на ОФМ со цел да ја олеснат работата, а според доставеното најмногу играчи има од Скопје, што би значело дека и темпирањето на формата на двете екипи би требало да се одржи во главниот град. Сепак, првите луѓе на ОФМ се уште го немаат одредено стартот на подготовките и на селекциите кој би требало да биде во текот на следната недела бидејќи кадетките веќе на 21 јули треба да заминат за Грција, додека кадетите пет дена подоцна настапуваат во Бугарија.

"Според составите на репрезентациите подготовките на двете кадетски селекции би требало да се одржат во Скопје. Федерацијата се труди да го пронајде најекономичниот начин преку кој ќе се спроведат подготовките и настапите на Балканијадите, па поради тоа с$ уште не е определен датумот кога ќе стартуваат селекциите со темпирањето на формата. Ова прашање ќе биде решено до почетокот на следната недела бидејќи сме свесни за кусиот временски период со кој располагаме и кој налага што побрзо да се донесат конкретни одговори", изјави директорот на репрезентациите, Петар Јовановски.

Селекторите во неизвесност го очекуваат почетокот на подготвителниот период и размислуваат за промени во составите на репрезентациите за да може најрационално да го искористат кусото време за воигрување на екипите.

"Со оглед на околностите во кои се наоѓаме, можно е да ги одработиме подготовките само со дванаесет играчи кои би влегле на конечниот список бидејќи така најдобро би се воиграла екипата и кусото време би било најрационално искористено. Нашите обврски да доставиме поширок список на играчи и програма за работа се завршени, сега се чека на челниците на ОФМ да кажат кога ќе стартуваме", вели селекторот на кадетската машка репрезентација, Деан Стојанов.

Кадетките од 22 до 26 јули во Портариа, Грција, ќе настапат на Балканијадата, додека кадетите од 26 до 30 јули играат во Казанлак, Бугарија.

В. Зарева

Познат распоредот за кадетките и младинците

Балканската одбојкарска асоцијација вчера го објави редоследот на одигрување на натпреварите по групи на Балканскиот шампионат за кадетки кој од 22 до 26 се игра во Портариа, Грција, како и за Балканијадата во машка младинска категорија, која се игра од 13 до 17 август во Корча, Албанија.

Кадетките ќе го отворат годинешното натпреварување, каде во рамките од групата "А" за прв противник ја имаат Турција, а потоа се среќаваат со Романија, додека последниот ден од разигрувањето по групи сме слободни.

Младинците играат во групата "Ц" каде на стартот за противник ја имаат селекцијата на Србија, потоа се среќаваат со Албанија, а последна екипа со која ќе ги измериме силите во групата е БиХ.

Трите првопласирани екипи во групите, како и најдобро второпласираниот состав ќе играат во полуфиналето, додека останатите селекции ќе се борат за подобар пласман.

Најлоша организација на младинските првенства

Тренерската организација при ОФМ на состанокот пред два дена ја оцени оваа сезона во младинските првенства како најлошо организирана. Причината за ваквиот заклучок произлегува од заминувањето од функцијата на комесарот за натпреварување, Мирко Трајков, по што беше направена пауза во шампионатите, па дури беше ставено и под знак прашалник комплетирањето на натпреварувањето. Потоа следуваше набиен распоред на турнирите во сите категории, за на крај да се добијат победниците во сите конк*ренции.

СЕЛЕКТОРОТ НА КАДЕТИТЕ ГО НАМАЛИ БРОЈОТ НА ИГРАЧИ НА ПОДГОТОВКИТЕ НА СЕЛЕКЦИЈАТА

Седум одбојкари отпаѓаат

Селекторот на машката кадетска репрезентација, Деан Стојанов, одлучи седум одбојкари кои се најдоа на поширокиот список на селекцијата предвреме да го завршат настапот. Поради технички проблеми со пасошите на дел од играчите, како и со начелното формирање на екипата која би н$ претставувала на Балканијадата во Бугарија, Стојанов реши да го намали бројот на 15 репрезентативци од кои ќе го направи и конечниот список.

"Поради технички проблеми кои ги имаат дел од играчите со пасошите, но и поради тоа што начелно имам формирано некаква слика за тоа која селекција ќе н$ претставува во Бугарија, седум од досегашните 23 одбојкари, тројца од Струмица, двајца од Скопје и по еден од Пробиштип и Велес, кои беа на поширокиот список предвреме ќе ги завршат обврските кон репрезентацијата. Тие денеска заминуваат, а останатите 15 играчи продолжуваат со работа до 24 јули кога ќе бидат познати и конечните 12 патници", н$ информираше селекторот на машката кадетска репрезентација, Деан Стојанов.

Изминативе денови репрезентацијата ја темпираше формата во Блаже Конески, а од денеска се селат во СЦ Форца каде ќе работат на воигрување на екипата.

"Во договор со СЦ Форца подготовките ги продолжуваме на тој терен. Следните неколку дена предвидено е посебен акцент да се стави на тимските зони и воигрувањето на екипата со цел да се формира костурот, како и конечниот список на репрезентацијата", додава Стојанов.

Со потесниот избор Стојанов ќе работи до 24 јули, за ден подоцна кадетите да заминат во Казанлак, Бугарија на Балканското кадетско првенство.

Противниците под знак прашалник

Според првичната ждрепка, Македонија требаше да разигрува во групата "А" заедно со Србија, Црна Гора и Молдавија, но по суспензијата на Албанија од ФИВБ дојде до промени во другите групи, со што постои можност пред почетокот на првенството, како што е случај и кај дамите да биде извршена нова ждрепка на која кадетите ќе добијат нови противници.

НАЧИНОТ НА КОЈ Е ИЗВРШЕН ИЗБОРОТ НА ЖЕНСКАТА КАДАТСКА РЕПРЕЗЕНТАЦИЈА ЗА БП ВО ГРЦИЈА ПОСТАВУВА НИЗА ПРАШАЊА КОИ ЗАСЛУЖУВААТ ОДГОВОР

Селекцијата - резултат на притисоци!?

Меѓународните настапи на нашите национални селекции, независно за кој спорт станува збор, се чини не можат да минат без проблеми, некаде помали некаде поголеми. Последен таков случај е нашата женска кадетска репрезентација во одбојка која од вчера се наоѓа во Грција каде ќе настапи во рамките на БП во Портарија, близу Волос.

Проблемот е лоциран во начинот на кој се одредени патниците, во 5 мин до 12 часот. Ваквиот стил на работа, кој за некои е неправилен, внесе револт кај многумина, особено кај дел од родителите чии деца беа повикани на подготовките, ги одработија тренинзите, ги завршија сите формалности, па дури и пасошите им беа визирани.

Еден од неколкумината е и Александар Царчев, поранешен ракометар, родител на Андреа Царчева, членка на Вардар, која во последен момент ненадејно беше елиминирана од националната селекција.

"Мојата реакција не сакам да се свати како реакција на загрижен родител, далеку од тоа. До сега ниту еднаш во животот, иако сум спортска личнот, не сум го користел или злоупотребил мојот афторитет моето има и презиме за цели кои не се својствени за спортистите. Меѓу тоа ова што се направи со децата ги помина сите граници. Најмногу е виновен селекторот Жабев. Преку разни канали дознав дека мојата ќерка нема да патува во Грција иако до последен момент сметаа на неа. Ако тоа требало да биде така има начин како тоа треба да се стори, предвреме, како што тоа го прават сите селектори кои држат до себе, кои се селектори во вистинската смила на зборот. Не тебаше да ја планираат ниту за подготовките или пак јасно да стават до знаење дека е потребна само за подготвителната фаза. Откако ја дознав веста имав средба со Жабев кој ја прифати критиката, призна дека Андреа заслужува да го носи дресот со државен грб. Патем добив впечаток дека е немоќен да се справи со притисоците кои му се вршени последните денови. Токму тоа ме натера и да реагирам, да поставам прашање - До кога селекциите ќе се составуваат под притисок, до кога во националните репрезентации ќе партиципираат спортисти чии родители 'плаќаат' имаат врски, ги туркаат децата, или селекторите се уценуваат? Ќе има ли крај? Се додека така се работи Македонија, на спортски план, ќе назадува. Резултатите ќе дојдат само тогаш кога стручните штабови ќе бидат независни, кога нема да подлегнуваат на притисоците. Дали Жабев е свесен какви трауми претрпуваат овие деца кои се на возраст од 15 - 16 години, возраст која сама по себе е осетлива, деца кои неможат да сватат дека се изиграни, деца кои можеби за прв пат ја почувствуваа неправдата, деца кои на одреден начин се измамени. Жабев ќе биде истиот и кога ќе се врати од Грција, но Жабев нема да биде истиот во очите на децата. За нив секогаш ќе биде човекот кој нечесно ги елиминирал од репрезентацијата. Жабев како селектор денес е утре нема да биде, што значи тоа е менлива категорија, а спортистите се спортисти целиот живот. Токму ваквиот стил на работа многу деца ги натерало да се откажат од најубавото нешто во животот - од спортот. Едно можам да ветам. Ова вака нема да зарши. Ќе се борам со сите сили, со сите средства, во името на сите деца кои на ваков или друг начин ја почувствувале неправдата. Ќе се борам да го елиминирам најголемото зло во спортот - притисоците, корупцијата, уцените, пријателствата. Дресот со државне грб ќе го носат само тие кои во моментот го заслужуваат, најдобрите."

ПЕТАР ЖАБЕВ - СЕЛЕКТОР

Ова се најдобрите!

Одговор на обвинувањата даде лично селекторот Жабев, пред заминување за Грција, кој потврди дека имал средба со Царчев.

"Точно е дека конечниот состав на нашата селекција, која учествува на БП во Грција го дефинирав пред еден ден. Јас имам свои методи на одлучување, впрочем одговорноста како селектор е моја. Сметам дека тие кои се најдоа на списокот во моментов се најподготвените. Имавме само 7 тренинзи што е премалку за добивање на комплетна слика за играчите. Главни критериуми беа финалните натпревари од Купот на Македонија за пионерки и за кадетки. Сите натпревари ги следев кои ми помогнаа да создадам слика за секој играч поединечно. Тоа не значи дека Царчева нема да се најде во кој друг состав, за некое следно натпреварување. Точно е тоа дека имавме заедничка средба со Царчев, средба која беше доста мачна, средба за која не би сакал да говорам. Ако ме обвинуваат зошто порано не сум го дефинирал списокот, одговорот е многу едноставен. Доколку направев такво нешто залагањето на тренинзите кај дел од играчите ќе се сведеше на нула. Такво нешто од спортски аспект во фаза на подготовки не е препорачливо. Токму од тие прични сите беа во неизвесност, до последен момент, кога го соопштив конечнот список на патници", рече Жабев, како одговор на обвинувањата на Царчев.

КАДЕТКИТЕ СО НОВ ПОРАЗ НА БП ВО ПОРТАРИА, ГРЦИЈА

Борба за 7 - 8 место

Македонската женска кадетска репрезентација која учествува на Балканијадата во Портариа во Грција, вчера, во разигрувањето за пласман од 5 - 8 место забележа нов пораз, четврти по ред, овој пат од селекцијата на Босна и Херцеговина, од 3:1 (25:14, 25;12, 23:27, 25:19) во натпревар кој траел 94 минути.

Единстевната добра работа кај нашиот тим е податокот дека сепак успеале да освојат еден сет, прв во досегашниот тек на првенството, и тоа со тешки маки, сет кој завршил 23:27 во наша полза.

Вториот натпревар кој исто така се играше за пласман од 5 - 8 место го доби екипата на Црна Гора совладувајќи ја Романија со 3:1 (20:25, 25:19. 25:21. 25:22).

Тоа значи дека денеска нашите кадетки, ќе го играат последниот натпревар на БП, за пласман на 7 - 8 место, и тоа против репрезентацијата на Романија од која еднаш веќе бевме поразени, вториот ден, и тоа во фазата по групи со 3:0. Дали ќе им се реваншираме или противникот ќе поведе со 2:0 во меѓусебниот скор останува да видиме.

Во 1/2 финалните средби, вчера играа Турција против Бугарија, односно Грција против Србија. Победниците ќе играат финале, а поразените ќе се борат за 3. односно 4 место.

Слика - Ниту советите на селекторот Жабев не помогнаа

РЕЗУЛТАТИ

5 - 8 МЕСТО

БиХ - Македонија 3:1

(25:14, 25:12, 23:27, 25:19)

Романија - Црна Гора 1:3

(25:20, 19:25, 21:25, 22:25)

1/2 ФИНАЛЕ

Турција - Бугарија 3:0

(25:10, 25:19, 25:10)

Грција - Србија синоќа

ДВОЈКИ ЗА ДЕНЕС

5-6 место: Црна Гора - БиХ

7-8 место: Романија - Македонија

ТАБЕЛА, ПРВА ФАЗА

ГРУПА "А"

1. Турција 3 3 0 9-2 6

2. Србија 3 2 1 8-3 5

3. Романија 3 1 2 3-6 4

4. Македонија 3 0 3 0-9 3

ГРУПА "Б"

1. Грција 3 3 0 9-2 6

2. Бугарија 3 2 1 7-4 5

3. БиХ 3 1 2 4-6 4

4. Црна Гора 3 0 3 1-9 3

МАШКАТА СЕНИОРСКА РЕПРЕЗЕНТАЦИЈА ОСТАНУВА БЕЗ ПРЕДВОДНИК

Тасевски ги напушти сениорите

* Тасевски следната сезона ќе биде тренер на шампионот на Емиратите, Ал Аин, ангажман поради кој мораше да ја напушти репрезентацијата.

* "Заминувањето на селекторот беше очекувано, а по неговата конечна потврда дека с$ е в ред со договорот со клубот ќе ја почнеме потрагата по негова замена", вели претседателот на ОФМ, Марјан Јованов.

Селекторот на машката сениорска репрезентација, Александар Тасевски, кој ја предводеше селекцијата на последните квалификации за Европското првенство 2009 во Турција, со кого сениорите го постигнаа најдобриот резултат во историјата на машката одбојка, пласман во баражот, ја напушта функцијата на предводник. Тасевски вчера замина за Обединетите Арапски Емирати каде што следната сезона ќе биде тренер на шампионот на оваа земја, Ал Аин. Поради новиот едногодишен ангажман, актуелниот стратег на сениорите се повлекува од позицијата на една недела пред стартот на подготовките на репрезентацијата за бараж двомечот со Чешка за пласман на ЕП.

"Постигнав договор со шампионскиот тим на Емиратите, Ал Аин, кој ќе го водам следната сезона. Останува да се допрецизираат некои детали и од денеска да почне мојата работа како тренер. Договорот е на една година со можност за продолжување во зависност од резултатите кои ќе се постигнат во првата сезона. Немам комплетни сознанија за екипата со која ќе располагам, но ќе имам доволно време да го формирам тимот пред стартот на првенството. Селекторското место го напуштам бидејќи не смеам да пропуштам ваква шанса за работа. Одбојкарите кои ја сочинуваат репрезентацијата поседуваат доволно квалитет за да го завршат она што заедно го почнавме", изјави екс- селекторот на машката сениорска репрезентација, Александар Тасевски.

Претседателот на ОФМ и луѓето од канцеларијата на Федерацијата воопшто не беа изненадени од информацијата дека Тасевски ја напушта репрезентацијата.

"Со Тасевски бевме заедно на Конгресот на ФИВБ во Дубаи каде што се појави понудата за работа како тренер на шампионот. Во текот на изминатиов месец траеја преговорите и Федерацијата беше во исчекување на конечниот резултат. Тасевски беше селектор- волонтер и не смееме да му попречиме во развојот на неговата кариера", вели претседателот на ОФМ, Марјан Јованов.

Потрагата по нов селектор кој ќе го замени Тасевски за комплетирање на овој квалификациски циклус ќе почне по потврдата на екс- стратегот дека комплетно е постигнат договор со новиот клуб, Ал Аин.

"Тасевски вчера замина за Емиратите и очекувам денеска да ми јави дали сите работи околу договорот се комплетирани и се во онаа форма како во текот на преговорите. Доколку е така, заминувањето ќе биде конечно и Федерацијата ќе стартува преговори со домашните стручњаци кои би ја предводеле селекцијата на бараж двомечот со Чешка. Тоа би било привремено решение, за комплетирање на циклусот, а с$ понатаму ќе зависи од резултатот кој ќе го постигнеме во последната фаза. Доколку Европското првенство стане реалност тогаш ќе размислуваме за долгорочна програма. Мислам дека нема да имаме проблеми во потрагата по соодветна замена за Тасевски и дека најдоцна до почетокот на следната недела ќе го имаме и новиот селектор", н$ информираше Јованов.

Александар Тасевски на почетокот на овој квалификациски циклус дојде на позицијата селектор на машката сениорска репрезентација и заедно со квалитетниот избор на репрезентативци го постигна најголемиот успех досега. Повлекувањето од предводничкото место пред стартот на подготовките за двомеч натпреварите со Чешка за пласман на Еп беше нешто што најмалку се очекуваше во одбојкарските кругови.

Селекцијата стартува според предвиденото

Репрезентативците кои се наоѓаат на поширокиот список на Тасевски ќе треба да се појават на првата прозивка на 6 август во Маврово, кога ќе почнат подготовките на сениорите за бараж фазата од квалификациите за Европското првенство 2009. Нема промена на планот во работата на селекцијата и ќе се стартува според предвиденото, а до именувањето на новиот селектор одбојкарите ќе ги води помошникот тренер, Трајче Атанасов.

СТРУМИЧКИТЕ КЛУБОВИ СО ОФИЦИЈАЛНО СООПШТЕНИЕ ГО ПОТВРДИЈА ОБЕДИНУВАЊЕТО

Џио Струмица нов прволигаш

* Информацијата за соединување на клубовите беше позната уште по завршувањето на минатата сезона, но се чекаше комплетно да се прецизираат деталите, за веста и официјално да биде потврдена.

* Трајче Атанасов е прв тренер, додека Атанас Ѓорѓиев ќе биде негов помошник во екипата, а Кире Ричлиев покрај улогата на координатор на стручниот штаб ќе го води и второлигашниот тим и младите категории.

Струмичките клубови ОК Струмица и Македонија Џио постигнаа договор за соработка во огранизациски, раководен, финансиски, играчки и стручен план и оваа сезона во натпреварувањата организирани од ОФМ, БВА и ЦЕВ ќе настапуваат под заедничко име Џио Струмица. Информацијата за соединување на клубовите беше позната уште по завршувањето на ланското првенство, но се чекаше комплетно да се прецизираат деталите, за веста и официјално да биде потврдена. Во домашното првенство клубот ќе настапува во двете машки лиги, прволигашкиот тим ќе го предводи Трајче Атанасов, додека негов помошник ќе биде Атанас Ѓорѓиев, а предводник на екипата во Втората лига, како и на сите младински состави ќе биде Кире Ричлиев, кој воедно ќе ја извршува и функцијата координатор на стручниот штаб. Деновиве раководството ќе ја заврши и потребната процедура во Агенцијата за млади и спорт, како и во Одбојкарската федерација на Македонија за регистрирање на новиот клуб.

"Одбојкарските клубови Македонија Џио и Струмица постигнаа повеќегодишен договор за соработка и во иднина ќе настапуваме како една екипа под името Џио Струмица. Овој договор беше официјализиран деновиве и сега останува уште да се заврши редовната процедура во Агенција за млади и спорт, како и Одбојкарската федерација на Македонија за регистрирање на новоформираниот клуб. Екипата ќе настапува во двете машки лиги во домашното првенство, како и во младинските категории со кои ќе се работи многу сериозно, а секако тука е и настапот на Балканскиот клупски куп во септември", н$ информираше Трајче Атанасов.

По долги години Струмица повторно ќе има само еден машки претставник кој оваа сезона излегува и на меѓународен план со настапот на Балканскиот клупски куп, пилот проектот на БВА за кој Џио Струмица ја доби и улогата на организатор во групата "А".

В. Зарева

Тимот ги почна подготовките

Новиот прволигаш оваа недела почна со активните подготовки за новата сезона, а во овој период екипата ќе ја води Ѓорѓиев поради зафатеност на Атанасов со машката сениорска репрезентација и на Ричлиев со младинската селекција.

"Подготовките екипата ги почна оваа недела, а од нив изостануваат само играчите кои се дел од младинската репрезентација. До крајот на оваа недела ќе работиме по еднаш во денот, поради високите температури, а од понеделник заминуваме за Берово каде ќе тренираме една недела и ќе ги комплетираме базичните подготовки. Од 18- 19 август планираме да влеземе во сала каде ќе преминеме на техничко- тактичкиот дел. Играчите добро се познаваат меѓусебе, но потребно е добро да се воиграат бидејќи долго време немаат настапувано заедно, а секако ќе има и ротации на играчките позиции", вели вториот тренер на Џио Струмица, Атанас Ѓорѓиев.

Во план е и турнирот "Борис Трајковски"

Покрај другите активности кои ќе ги има во овој период екипата на Џио Струмица нема да ја изостави и организацијата на меморијалниот турнир "Борис Трајковски". Според луѓето од клубот турнирот, најверојатно, ќе се одржи на почетокот на септември, што воедно ќе претставува и одлично загревање на екипата пред настапот на Балканскиот клупски куп што викендот на 19, 20 и 21 септември треба да се одржи во Струмица.

ПОЧНАА ПОДГОТОВКИТЕ НА МАШКАТА СЕНИОРСКА РЕПРЕЗЕНТАЦИЈА НА МАВРОВО

Девет играчи на првиот собир

* Покрај најавените Наковски, Симовски, Зафиров, Милков и Деспотовски, од првата прозивка поради вироза отсуствуваше и Атанас Милев.

Селекторот на машката сениорска репрезентација, Светислав Пеица, со девет одбојкари ги почна подготовките на селекцијата за бараж двомечот со Чешка од квалификациите за ЕП 2009 во Турција. Најавено беше отсуството на пет репрезентативци, искусните Симовски, Зафиров и Наковски, како и Милков и Деспотовски, кои се во Романија, но на првата прозивка во Маврово не се појави и Атанас Милев поради вироза. Првиот работен викенд на селекцијата се одвиваше според предвидениот план, краток работен состанок, по кој стартуваше темпирањето на формата.

"Стартниот собир помина според предвиденото. Иако требаше да почнеме со 10 одбојкари и Атанас Милев поради вироза го пропушти првиот работен викенд, но денеска треба да ни се приклучи.

Во саботата имавме краток состанок, а попладнето го одработивме и првиот тренинг. Направивме тестирања на моменталната физичка подготвеност на играчите и од вчера почнавме со тренинзи. Овој период ја имаме таканаречената прва фаза од темпирање на формата каде вниманието ќе биде насочено на базични подготовки", изјави селекторот на сениорите Светислав Пеица.

До крајот на оваа недела на селекцијата треба да & се приклучат Милков и Деспотовски, додека другите репрезентативци ќе пристигнуваат во зависност од обврските кон странските клубови.

Комплетните подготовки на сениорите ќе бидат во Маврово и ќе траат до 23 август, по што селекцијата ќе замине на Копаоник каде ќе игра контролни натпревари со репрезентацијата на Словенија и со рускиот прволигаш Искра Одинцово.

"ЦРВЕНО-ЦРНИТЕ" ЈА ТЕМПИРАAT ФОРМАТА ЗА НОВАТА СЕЗОНА

Ангажирана работа за Вардар

Прволигашот Вардар Осигурување веќе втора недела активно работи во подготвителниот период за новата натпреварувачка сезона, темпирајќи ја формата на кејот на реката Вардар. "Црвено - црните" работат на првата фаза, односно базичните подготовки, а од средината на следната недела влегуваат во сала каде комбинирано ќе се работи и специфика и техника.

"Базичниот дел од подготовките онаа прва фаза би требало да ја комплетираме до средината на следната недела по што влегуваме во сала каде комбинирано ќе тренираме специфика и техника. Досега немавме никакви проблеми и подготовките течат нормално. Задоволен сум ангажираната работа на одбојкарите и од тоа како го поднесуваат стартот на темпирањето на формата", вели тренерот на Вардар Осигурување, Деан Стојанов.

На подготовките Стојанов располага само со седум играчи, изостануваат Балџиев, Јаневиќ и младинскиот репрезентативец Галески, а се очекува до крајот на неделата да бидат познати и можните засилувања на скопскиот тим.

"Во моментов тренираат седум играчи, дел од нив се оправдано отсутни, како Галески кој има настап со младинската репрезентација во Турција. Во моментов преговараме со уште неколку играчи од домашната лига кои би можеле да бидат дел од Вардар во следната сезона и се надевам дека до крајот на неделата ќе имам некои информации. Секако се зависи и од тоа каква лига ќе имаме ова првенство", додава Стојанов.

Вардар Осигурување минатата сезона заврши на петтото место во шампионатот и покрај големата желба на тимот да влезе во Мини лигата.



Во план меѓународни натпревари

Тренерот на Вардар планира по комплетирањето на подготвителниот циклус неговата екипа да одигра неколку меѓународни контролни натпревари. Станува збор за екипи од соседството, но засега клубот е само во преговори со можните спаринг партнери.

МАШКАТА МЛАДИНСКА РЕПРЕЗЕНТАЦИЈА СО МИНИМАЛНИ 3:2 Е ПОРАЗЕНА НА ПРВИОТ МЕЧ НА БАЛКАНИЈАДАТА ВО ТУРЦИЈА

Македонија "киксна" во последниот сет

* Младинците имаа одличен настап на стартот од Балканскиот шампионат, но, за жал, ја пропуштија шансата да дојдат до првата победа во групата "Ц".

МАКЕДОНИЈА - БиХ 2:3
(25:23, 19:25, 22:25, 26:24, 16:18)

Анкара, сала: Селим Сари Таркан. Гледачи: 100. Судии: Бадге (ТУР) и Барев (БУГ). Делегат: С. Златарев (БУГ).

МАКЕДОНИЈА: Николов, Пешевски, Ристоманов, Богоев, Ѓоргиев, Љафтов, Димковски, Маџиров, Крстевски, Блажовски, Галески, Ричлиев.

БиХ: В. Бојиќ, Јечменица, Вукашевиќ, Јањушевиќ, Ѓуќиќ, Дрекун, Каќиќ, Влаховиќ, С. Бојиќ, Куќ, Меденица, Ѓурановиќ.

Младинската машка репрезентација на Македонија вчера на првиот натпревар од Балканското првенство беше минимално поразена со 3:2 од селекцијата на БиХ и не успеа да дојде до посакуваниот триумф преку кој се боревме за второто место во групата "Ц".

Избраниците на селекторот Кире Ричлиев одлично го почнаа натпреварот и со концентрирана игра во текот на целиот сет успеаја да ја задржат скромната предност од два поена до финишот и со 25:23 да поведат со 1:0 во сетови.

Во продолжението македонските репрезентативци имаа проблеми со приемот, како и со реализацијата на сервисот, што му дозволи на противникот да се разигра и прво со високи 25:19, да изедначи на 1:1, а подоцна да направи и резултатски пресврт и да дојде до предност од 2:1 во сетови.

Сепак, нашите младинци се враќаат во игра во четвртиот сет и соодветно им парираат на Босанците. Добра игра покажавме, особено во завршницата кога се издржа притисокот на босанските одбојкари и со 26:24 изедначивме на 2:2, со што Македонија се избори за тајм- брејк.

Петтиот сет ја задржавме играта на истото ниво, а имавме и предност од 8:6 на промена на страните. Но откако на 14:13 не успеавме да ја искористиме сет- меч топката, стигна казната од противникот. По долга борба нашата репрезентација со 18:16 го загуби последниот сет, за пораз од 3:2 во сетови.

Денеска Македонија го игра вториот натпревар од "Ц" групата, каде се среќаваме со фаворитот Србија.



КИРИЛ РИЧЛИЕВ (СЕЛЕКТОР НА МЛАДИНЦИТЕ):

Задоволен и покрај поразот

"За прв натпревар кој го играме на Балканијадата, задоволен сум од прикажаното и покрај поразот. Се надевавме на победа, но падот на концентрацијата кој го имавме во вториот и третиот сет н$ чинеа многу, а веќе петтиот сет е рулет и во него одлучуваа нијанси.

Денеска играме со Србија, која е фаворит на првенството и ќе се потрудам одбојкарите со самодоверба да излезат на теренот и да одиграат опуштено како денеска", изјави по натпреварот со БиХ, Кире Ричлиев.

БП МЛАДИНЦИ

РЕЗУЛТАТИ:

1. КОЛО:

ГРУПА "А":

Романија - Црна Гора 0:3

(28:30, 21:25, 20:25)

ГРУПА "Б":

Турција - Грција 1:3

(27:25, 20:25, 24:26, 13:25)

ГРУПА "Ц":

БиХ - Србија 0:3

(13:25, 20:25, 13:25)

2. КОЛО:

ГРУПА "А":

Молдавија - Романија 2:3

(26:28, 25:17, 25:19, 19:25, 5:15)

ТАБЕЛА:

1. Романија 2 1 1 3:5 3

2. Црна Гора 1 1 0 3:0 2

3. Молдавија 1 0 1 2:3 1

ГРУПА "Б":

Бугарија - Турција синоќа

ТАБЕЛА:

1. Грција 1 1 0 3:1 2

2. Турција 1 0 1 1:3 1

3. Бугарија 0 0 0 0:0 0

ГРУПА "Ц"

Македонија - БиХ 2:3

(25:23, 19:25, 22:25, 26:24, 16:18)

ТАБЕЛА:

1. БиХ 2 1 1 2:6 3

2. Србија 1 1 0 3:0 2

3. Македонија 1 0 1 2:3 1

РАСПОРЕД 3. КОЛО (ДЕНЕСКА):

ГРУПА "А":

16:00ч. Црна Гора - Молдавија

ГРУПА "Б":

18:00ч. Грција - Бугарија

ГРУПА "Ц":

20:00ч. Србија - Македонија

ЖЕНСКАТА МЛАДИНСКА РЕПРЕЗЕНТАЦИЈА ГИ ПОЧНА ПОДГОТОВКИТЕ ЗА БАЛКАНИЈАДАТА

Јанков: "Стартуваме со полна пареа"

* Поради кусиот временски период младинките веднаш ќе почнат со воигрување на екипата, а подготвеноста ќе ја контролираат меѓусебно, на тренинг.

РАБОТНИЧКИ ФЕРШПЕД ВЕЧЕРВА (20:30Ч.) МУ ГОСТУВА НА ОРТЕК НЕСЕЛАНДЕ ВО РЕВАНШ МЕЧОТ ОД 1/16 ФИНАЛЕТО НА ЦЕВ КУПОТ

"Нема простор за сензација"

ОРТЕК НЕСЕЛАНДЕ (ХОЛ) - РАБОТНИЧКИ Ф. (МКД)

Денеска, 20:30ч.

Ротердам, сала: Топспорт Центар.

Судии: Леифур Хардарсон од Исланд и Јан Хернет од Данска.

ОРТЕК НЕСЕЛАНДЕ:

1. КОМЕН Нилс

2. ЛОРСЕИД Ларс

3. ВАН ХАРСКАМП Јаник

4. СТОЛЦ Волтер

5. ВЛАМ Тије

6. КОМЕН Ралф

7. КОЈ Дик

9. ДЕ ГРУИТЕР Јохем

10. ВАН ЈАРСВЕЛД Јеле

11. КЛАПВИЈК Неис

14. РАДЕМАКЕР Ричард

РАБОТНИЧКИ ФЕРШПЕД:

1. КАРАНОВИЌ Вук

2. АНДОНОВ Иван

3. ЈОСИФОВ Ѓоко

4. ТРАЈЧЕВСКИ Влатко

5. ЃУРИЌ Богдан

6. БОЖИЌ Немања

8. СИМОВСКИ Дејан

10. МИТЕВ Александар

11. ГИНОВ Благој

12. ЃОРЃЕВСКИ Зоран

14. МОДЕВ Христо

 
Ортек Неселанде вечерва, во 20:30 часот, ќе го пречека нашиот шампион Работнички Фершпед во реванш дуелот од 1/16 финалето од ЦЕВ купот. По убедливиот пораз од пред седум дена "шпедитерите" на ова гостување заминуваат со реални погледи на ситуацијата во која се наоѓаат, но воедно ќе се потрудат да го извадат максимумот од себе и да му вратат барем малку на противникот за тешкиот пораз во првиот натпревар.

Екипата замина поподготвена на тактички план и се надеваат на подобар резултат од оној стартниот, но притоа одбојкарите немаат дополнителни оптоварувања дека истиот е задолжителен.

"Веќе по првиот натпревар ја видовме силата и квалитетот на нашиот противник. Затоа илузорно е да се зборува се некој сензационален резултат, за победа или пак "златен сет" кои би не однеле во следната рунда од ова натпреварување. Одиме да одиграме најдобро што знаеме и да успееме да дојдеме до подобар резултат од оној пред една недела.

Направивме многу поквалитетни анализи, статистика, дата волеј за комплетната екипа и доколку пред првиот натпревар имавме накои непознати за противникот сега сето тоа е решено. Разработивме тактика во кусиот период кој го имавме, а денеска ќе биде потребно истата да се примени и на теренот. Од тоа ќе зависи и исходот на натпреварот.

Сепак одбојкарките немаат никакво резултатско оптоварување. Потребно е да одиграа најдобро што знаат и да го применат однапред договореното", изјави пред заминувањето за Ротердам, тренерот на Работнички Фершпед, Јошко Миленкоски.

Раководството на клубот е резервирано во очекувањата за сезоната и потенцира дека целта е да се создаде екипа која во следните години ќе го повтори успехот кога Работнички Фершпед пред две сезони се најде во фајнал - форот на тогашниот Топ Тимс куп.

"Вистинските резултати од оваа екипа ќе се очекуваат за една или две години, а и оваа сезона, продолжуваме во Челинџ купот каде не очекуваат уште најмалку два меѓународни натпревари кои се особено важни за овој тим. Целта на овои настапи е да се подготви екипата од која во иднина ќе се очекува да го повтори големиот успех од пред две години. Потребно е на оваа генерација одбојкари да и овозможиме што е можно поголем број на интернационални натпревари преку кој ќе се формира играта и ќе се стекне квалитет и искуство", дополнува Миленкоски.

Убедливиот настап на Холанѓаните во првиот меч не остави многу простор за надеж на нашите одбојкари дека вечерва во Ротердам може да направат изненадување во дуелот со Ортек. Сепак избраниците на Миленкоски имаат многу што да покажат, и доколку им "тргне" вечерва постои можност да го намачат противникот во реваншот и со тоа достојно да се збогуваат од натпреварувањето во ЦЕВ купот и да продолжат во ГМ Капитал Челинџ купот, каде својот противник ќе го добијат до крајот на неделава.

В. Зарева

Ортек се загрева преку Омниворлд

Ортек Неселанде за натпреварот со Работнички Фершпед се загрева преку Омниворлд со кого се сретна во ова коло од холандското првенство. Нашиот евро противник славеше со 3:1, а проблеми имаше во првите два сета. Стартниот го освои на разлика, 29:27 по голема борба, додека во продолжението му дозволи на противникот да изедначи на 1:1 (25:22). По загубениот сет мечот доби сосема друг тек и помина во доминација на Ортек кој со убедливи 25:19, односно 25:16 дојде до победа од 3:1 со која ја задржа водечката позиција во лигата.

Ова коло "свират" Џинес и Михајлов

Интернационалните судии Драган Михајлов и Симон Џинес, ќе бидат дел од судиските двојки на два меѓународни натпревари од ова коло на евро- куповите.

Во ГМ Капитал Челинџ купот во женска конк*ренција, Михајлов ќе го придружува Шеху на мечот меѓу Измит Добриња и Вуковар, додека во ЦЕВ купот, исто така кај дамите, Џинес ќе биде втор судија покрај Андрејко Поповиќ на дуелот Динамо Бук*решт и Зејлер Кониз.