Бојан Јовановски, македонскиот шоумен за малку ќе настрадаше на дербито Партизан-Црвена Звезда.

Неколку часа пред дербито, кое се оддржа на стадионот на Партизан, Боки 13 беше нападнат од страна на навивачи пред зградата на „Пинк“ и благодарение на навремената реакција на неговото обезбедување беше спасен од ќотек.

-Неколку навивачи поминувале пред „Пинк“ зградата во момент кога и Боки 13 излегувал. Кога го здогледале веднаш почнале да го пцујат на најлош можен начин. Тргнале кон него, но обезбедувањето на Боки веднаш реагирало. Тие го заштитиле Боки, така што никој не можел да му се приближи, го одвеле до автомобилот. Боки само молчел, бидејќи не сакал да ги предизвикува луѓето кои очигледно биле пијани, а да не биле телохранителите, сигурно би настанал поголем инцидент, изјави неименуван извор за тамошните медиуми.

Медиумите му се јавиле на Бојан, кој во целост ја потврдил приказната.

-Точно е дека бев нападнат од страна на некои момци, но тоа не беа навивачи, бидејќи сум сигурен дека тие не се однесуваат толку агресивно и насилно. Тоа беа некои наркомани и алкохоличари, кои очигледно не знаат вистински да навиваат. За среќа, го имам обезбедувањето кое во секој  момент реагира. Најважно од се е дека сега се е во ред и дека немаше физички конфликт, изјави Бојан.

Ќе ја наполнам арената и покрај пластичните перики

Најпознатиот балканси транвестит Боки 13 ја избегна депортацијата, но не и медиумската фама која се подигна поради неговиот проблем. Сега кога се се стиши, македонскиот шоумен најавува дека е посилен од било кога, и оти истото ќе го докаже со големата шоу програма во „Београдската арена“, закажана за 1 јуни.

-Тоа што не го пријавив мојот престој во Србија секако е моја грешка, но дозволениот рок го преминав за само седум дена и за тоа платив казна предвидена со закон.Знам дека има многу кои би ја славеле мојата депортација, но јас не можам да ги запамтам имињата, ги паметам по пластичните перики, кратките нозе, обидите да бидат Ријана, па кога тоа не им успеа, тогаш посакаа да бидат црна везрија на Мелрин Монро, истакна Бојан за медиумите.

Боки открива дека за концертот се подготвува специјална богата сценографија, а гости се оние кои биле најинтересни во неговата емисија и кои имале најголем рејтинг. Покрај него на сцената ќе бидат уште 30 играчи.

-Јас сум оптимист бидејќи во Македонија зборуваат дека не можам да наполнам ниту една сала, а јас ги наполнив и преполнив. Сигурен сум дека таа вечер во публика ќе бидат сите од 7 па до 77 години, истакна Боки 13.