"НАЈДОБРА ВАРИЈАНТА Е ДРМАКЕДОНИЈА.ПРИЧИНА - ГРЦИТЕ НАМА ДА СЕ СОГЛАСАТ СО ОВА ИМЕ, А ТОГАШ ВИНАТА ЗА НЕУСПЕХОТ НА ПРЕГОВОРИТЕ ЌЕ ЛЕГНЕ НА НИВНОТО КОНТО."

Tokmu taka!  

Предлогот останува тајна, можен референдум

Скопје /20/02/ 13:35

Државното раководство на Македонија е во интензивни консултации за предлогот на медијаторот Метју Нимиц, a не е исклучено да биде распишан референдум за името.

Ова денеска го посочи премиерот Никола Груевски во првата официјална изјава по поднесувањето на новиот предлог од страна на Нимиц вчера во Атина, јавува Макфакс.

Од Македонија се бара ново име и во пасошите

Македонското раководство допрва ќе го гради ставот за предлогот на Нимиц, кој првично е оценет како „катастрофален“

Соња Крамарска
Светлана Унковска

Македонија во Атина доби предлог од пет варијанти за името што нашата земја би го употребувала во комуникација со меѓународните организации и со Грција, како компромис за надминување на разликите со северниот сосед. Тоа се Независна Република Македонија, Демократска Република Македонија, Уставна Република Македонија, Нова Република Македонија и Република Горна Македонија.

Меѓутоа, првпат во официјален предлог на посредникот Метју Нимиц се заговараат и клаузули до Македонија кои пакетот на американскиот посредник наречен како двојна формула за употреба на името го сведуваат практично на една формула и кои, според високи извори, длабоко засегаат во нашиот Устав и националниот идентитет.

Имено, се бара името што ќе биде договорено за употреба во меѓународните организации и со Грција да стои и во пасошите на македонските граѓани, а ќе биде сугерирано за употреба и до 120-те држави што не' признаа под уставното име. Ако се прифати тоа, толкувањата се дека ќе се отвори врата и за промена на името што е запишано во Уставот на Македонија, тврдат извори од државниот врв.

Најновиот предлог на медијаторот Метју Нимиц го мобилизира целиот државен врв и политичките структури околу него. Консултациите во Кабинетот на шефот на државата, Црвенковски, практично почнаа веднаш откако преговарачот Никола Димитров завчера во Атина го доби предлогот од Нимиц и им го прати на македонските државни раководители. Разговорите кај Црвенковски траеја до раните утрински часови. Првичната оцена е дека предлогот за внесување на меѓународното име во пасошите и во комуникацијата со земјите што не' признаа под уставното име ја поминува црвената линија на отстапките на кои македонската страна евентуално може да се согласи.

Вчера наутро државниот врв во состав Црвенковски, Груевски, министерот за надворешни работи, Антонио Милошоски, и преговарачот Никола Димитров одржа уште една рунда консултации, при што предлозите повторно се анализирани. Дознаваме дека македонското раководство при првите консултации се задржало на имињата Независна Република Македонија и Демократска Република Македонија како можен компромис за име на нашата земја во комуникацијата со Грција и во меѓународните организации каде што досега бевме именувани како Поранешна Југословенска Република Македонија (ПЈРМ).

Премиерот Груевски, вчера, во првата изјава по добивањето на пакетот од Метју Нимиц, рече дека одговорот ќе биде изграден по пат на широк политички консензус. Груевски повторно ја изнесе и неговата идеја за одржување референдум за ставот околу името.

„Она што е спротивно на државните и националните интереси нема да биде прифатено. Се' што е негативно во овој предлог нема да го прифатиме и категорично ќе го одбиеме, а се' што е позитивно ќе го прифатиме“, рече Груевски. „За името во Република Македонија немаат право да одлучуваат политичарите, затоа што тоа не е ни само мое ниту само на Бранко Црвенковски, Радмила Шекеринска, Антонио Милошоски. Тоа е име за кое можат да дадат мислење само сите граѓани на Република Македонија“, додаде тој.

Претседателот Црвенковски денеска ќе присуствува на лидерската средба во состав Груевски, Шекеринска, Тачи и Ахмети, што ќе се одржи во Клубот на пратениците во Скопје. Предлогот на Нимиц е прва точка за дискусија на лидерската четворка заедно со шефот на државата. Консултации се одржаа и во текот на вчерашниот ден со лидерите на најголемите парламентарни партии. Груевски се сретна посебно и со своите коалициски партнери Тито Петковски од НСДП и Мендух Тачи од Демократската партија на Албанците, а синоќа го свика и Извршниот комитет на ВМРО-ДПМНЕ.

Шефицата на опозицијата, Радмила Шекеринска, вчера го повика Груевски пред македонската јавност да го соопшти предлогот за името за да се избегне неизвесноста и, како што рече, играње со чувствата на граѓаните. „Во вакви клучни моменти за нашата држава и за нашите граѓани неопходни ни се политичка мудрост и единство. Очекувам премиерот и Владата да го соопштат предлогот и да кажат какви ќе бидат нивните реакции и како државен врв и како Влада. Сега е моментот кога политичарите не смеат да калкулираат, туку да градат единство“, рече Шекеринска и додаде дека „нема да биде тешко“ да се постигне единство. Според Шекеринска, референдумот што го заговара премиерот Груевски е само негово, како што рече, бегање од одговорноста.

Извори од државниот врв велат дека минатиот четврток ги добиле првите сигнали дека се подготвува пресврт во содржината на предлогот што го подготвувал медијаторот Нимиц. Процените се дека до пресвртот дошло како резултат на средбата што грчката министерка за надворешни работи Дора Бакојани ја имаше со државниот секретар на САД, Кондолиза Рајс.

До оваа средба, како што тврди нашиот извор, пакетот на Нимиц содржел само еден предлог за името што Македонија би го употребувала во комуникацијата со Грција и во меѓународните организации, но климата се сменила по визитата на грчката шефица на дипломатијата на Вашингтон.

Според најновиот предлог на Нимиц, како што толкуваат извори што учествувале во консултациите, излегува дека Македонија ќе го употребува своето уставно име само во личните карти на граѓаните.

Грчките медиуми вчера тврдеа дека рокот што американскиот посредник го дал до Македонија и до Грција да се изјаснат за предлогот изнесува 15 дена. „Македонија се наоѓа пред најголемата раскрсница досега“, ни рече вчера висок претставник од тесниот круг личности што го анализираат предлогот на Нимиц и го формулираат одговорот на Македонија. „Влезот во НАТО е императив за нашата земја, а, од друга страна, се наоѓаме пред голема опасност да бидат згазен нашиот национален идентитет, што не смееме да дозволиме да се случи“, додава истиот претставник.

СКАНДАЛОЗЕН ПРЕДЛОГ НА посредникот МЕТЈУ НИМИЦ

Новото име и во пасош

Нимиц предлага новото име што ќе се користи во сите меѓународни организации да се запише и во пасошите на македонските граѓани, а на државите што ја признале Македонија под уставното име им се сугерира да ја преиспитаат одлуката

Пет предлози за ново име на Република Македонија дал посредникот Метју Нимиц на последната рунда преговори, кои завчера се одржаа во Атина, дознава „Дневник“ од дипломатски извори. Никола Димитров, македонскиот претставник во преговорите, уште истата вечер на претседателот Бранко Црвенковски, премиерот Никола Груевски и на министерот за надворешни работи Антонио Милошоски им го претставил новиот пакет на Нимиц. Според нашите извори, овој предлог е уште понеповолен и од претходниот, кој македонските власти го оценија како „лош“. Од новиот предлог на Нимиц произлегува дека уставното име на земјава не ќе може да се употребува ни дома. „Второто име“, кое треба да важи за билатерална комуникација со Грција и во сите меѓународни организации, треба да биде напишано и во пасошите на македонските граѓани. Според дипломатите, тоа значи дека тоа „второ име,“ всушност, ќе ни стане едно и единствено. Дипломатите велат дека Нимиц поставил уште една опасна дипломатска стапица за Македонија, бидејќи на сите држави што ни ја признале државата под уставното и историско име „им сугерира“ да ја преиспитаат таквата одлука.  Од сето тоа произлегува дека се заговара едно име и за домашна, и за билатерална и за меѓународна употреба. За таа цел Нимиц ги предложил следниве имиња: Демократска Република Македонија, Република Горна Македонија, Нова Република Македонија, Независна Република Македонија и Уставна Република Македонија. 

Македонските власти доцна прексиноќа и вчера претпладне го разгледувале новиот предлог на американскиот посредник во спорот за името. - Го анализираме предлогот на медијаторот Метју Нимиц и ги подготвуваме сите детали и комбинации и се' што може да произлезе од него. Веќе сме при крај со оформувањето на првичниот став. За тоа ќе разговараме и со другите фактори во државата, по што ќе ги презентираме резултатите - изјави вчера премиерот Никола Груевски.  Тој за планот на Нимиц ќе ги извести и лидерите на сите политички партии, а на таа средба ќе биде поканет и претседателот Црвенковски. Груевски вели дека се' што е негативно во предлогот на Нимиц, Македонија нема да го прифати и категорично ќе го одбие.Посредникот на ОН, американскиот дипломат Нимиц, смета дека неговиот предлог е фер и оти го зачувува уставното име на Македонија. Тој предвидува можност и двете земји да може да го користат терминот Македонија во комерцијални и други цели затоа што и двете земји се наоѓаат на територија на „стара Македонија“. Тоа значи дека Грција ќе може да го употребува името Македонија и во своите територијални единици како што е, на пример, Централна Македонија или Комора на Централна Македонија.

GRCIJA NEMA NIKAKVO PRAVO NA NASHETO IME......TAA SI IMA IME.....

KOLKU LI USHTE IMINJA SAKA DA IMA I KORISTI?????? 

Вашингтон ја менува реториката за НАТО

Роберт Гејтс го пречекува Лазар Еленовски пред Пентагон

Сигурната Хрватска лобира Македонија и Албанија да и' се придружат во Алијансата

Од нашиот известувач
Борис Георгиевски

Оклахома сити - Го менуваат ли САД речникот во пресрет на долго најавуваното и планирано проширување на НАТО со три нови земји-членки Македонија, Албанија и Хрватска? Досега традиционално повторуваната реченица: САД би сакале сите три земји-членки на Јадранската група да добијат покани на претстојниот самит во Бук*решт, не се слуша толку често последниве денови од претставниците на американската администрација. Напротив, се' почесто се потенцира дека одлуката за тоа кој ќе добие покана за членство во НАТО се' уште не е донесена. Резервираноста во Вашингтон во однос на квантитетот на идното проширување на Алијансата, вчера делумно ја потврди и хрватскиот министер за одбрана, Бранко Вукелиќ.

Од вторничката куса средба на министрите од трите земји од А3- групата со американскиот министер за одбрана, Роберт Гејтс, во Вашингтон, од Пентагон излезе само штуро соопштение во кое беше наведено дека било разговарано за проширувањето на НАТО, одбранбените реформи кои ги спровеле Македонија, Албанија и Хрватска, и состојбите во Косово и Авганистан. Со ниту еден збор не беше спомната поддршката на САД за нивниот прием во Алијансата, нешто што, барем во изминативе месеци беше редовна практика кога е во прашање Вашингтон.

Портпаролот на Пентагон, Џеф Морел, по средбата ги наброја темите за кои се дискутирало, но не прецизираше ништо во однос на шансите на земјите за добивање на посакуваната покана. Морел ги пофали Македонија, Албанија и Хрватска дека нивниот придонес во воените мисии на Алијансата е далеку над нивните реални можности.

Според она што го кажал министерот Лазар Еленовски за македонската програма на Гласот на Америка, главната порака од Гејтс до Македонија била дека земјата „во одбранбениот дел ги исполнува целосно критериумите, и повеќе од тоа“.

Најрасположен за изјави по средбата со секретарот Гејтс, беше хрватскиот министер Бранко Вукелиќ, но токму неговите изјави оставија најмногу простор за двоумење. Вукелиќ во неколку наврати, во изјава за хрватската програма на Гласот на Америка, повторуваше дека Хрватска би сакала да ги види сите три земји од Јадранската група како идни членки на НАТО. Тој очекува неговата земја сигурно да добие покана на самитот во Бук*решт, но рече дека за иднината на регионот најдобро е и Македонија и Албанија, исто така, да влезат во Алијансата.

„Одлуката за прием во НАТО се' уште не е донесена. Затоа на состанокот со министерот Гејтс неговата порака беше да се продолжи со контактите со сите земји-членки на НАТО. Верувам дека поканата ќе биде упатена до сите три земји. Тоа е важно за стабилноста и безбедноста на целиот регион, особено во контекст на случувањата и актуелната криза на Косово. Мислам дека е многу важно за понатамошниот развој, за безбедносните услови и за сите демократски процеси во нашиот регион, сите три земји да добијат покани“, потенцираше Вукелиќ.

И портпаролот на Стејт департментот, Шон Мекормак, беше претпазлив кога на редовната прес-конференција во вторникот говореше за проширувањето на НАТО.

„Во овој момент нема конечна одлука. Во тек се разговори со неколку земји, без разлика дали станува збор за кандидати за членство или пак за земји кои посакуваат членство во Акциониот план, на кои им објаснуваме што треба да сторат за да ги исполнат условите за членство. Никој нема да го симне прагот за која било од овие земји, и ние, исто така, ќе донесеме одлука откако ќе процениме дали овие земји се подготвени за повисоко ниво на асоцијација со НАТО. Исто така, ќе се консултираме и со нашите сојузници. НАТО е организација во која одлуките се носат со консензус, што значи дека ќе мора да постигнеме консензус за секое индивидуално прашање за секоја земја- кандидат“, рече Мекормак.

Според она што речиси секојдневно го повторуваат македонските претставници, единствената пречка за приемот на Македонија во НАТО е противењето на Грција. Резервираноста во американската администрација, веројатно е резултат и на проблемот со името. Лобирањето на Загреб, покрај Хрватска да добијат покани во Бук*решт и Македонија и Албанија, се надоврзува на процените на дипломати на НАТО кои од Брисел за „Утрински весник“ неодамна изјавија дека доколку приемот на Македонија биде блокиран, од трката за НАТО, најверојатно, ќе испадне и Албанија.

Покрај Хрватска, за приемот на трите земји во Алијансата деновиве лобираше и Ричард Лугар, лидер на Републиканската партија во Одборот за меѓународни односи во американскиот Сенат. Сенаторот Лугар ја повика својата влада да обезбеди прием на Хрватска, Македонија и Албанија во НАТО.

„Овие три земји се наоѓаат на критички важна геостратегиска локација и се во најдобра можност да спречат евентуални обиди за дестабилизација на регионот преку насилство“, порача Лугар.

 NE za NATO!!!!!!!!!!!!! f**k OFF

YES!!!!!!!

f**k off NATO!!!!!!