За социјалната помош на тато, на училиште мора да оди бато!
Секое семејство што е корисник на социјална помош, од нова година ќе треба да ги тера децата да одат на училиште и лекар, ако сакаат да ги добиваат парите од државата
Од нова година, во Македонија стартува проектот "Условени парични трансфери", наменет за семејствата кои добиваат социјална помош, вели министерот за труд и социјална политика Џељаљ Бајрами.
- Овој проект, подразбира концепт на условување на постоечките парични надоместоци, како што е посета на претшколско и основно образование, користење на примарна здравствена заштита и посета на родителски часови, а се со цел да ја намали сиромаштијата на ранливите популациони групи - изјави Бајрами.

... mnogu roditeli...promateli na socijalna pomosh ne gi pushtaa decata vo ucilishte... dobro e shto se uslovuvaat... treba socijalnite sluzbi da sorabotuvaat so ucilishtata... psiholozite/pedagozite bi trebalo sekojdnevno da kontaktiraat so socijalnite sluzbi...so roditelite... samo taka decata ke sednat vo ucilishnite klupi... ke se prekine magicniot sindzir na nepismenosta...

Социјалните работници оценуваат дека младите во најкритичниот период се оставени сами на себе

Моника Талеска-Utrinski vesnik

ПРИЛЕП - Бројот на малолетници со девијантно, асоцијално однесување е во пораст, информираат од Меѓуопштинскиот центар за социјални работи во Прилеп. Негрижата и невниманието на родителите за децата е главна причина за оваа загрижувачка ситуација. Социјалните работници оценуваат дека младите во најкритичниот период од животот се' почесто се оставени сами на себе.

„Минатата година имаше 77 барања од Јавното обвинителство за подготвителна постапка за случаи на криминал кај малолетниците. За 17 малолетници се одредени мерки на засилен надзор од родителите, а за 16 од старателите. Десет малолетници се сместени во институции“, вели Снежана Јованоска, директорка на Центарот.

Надлежните нагласуваат дека родителите се презафатени со работа, а дека многу од нив се борат за егзистенција. Во вакви случаи најмногу страдаат децата. Без родителска грижа тие во тешките моменти од животот за свој пријател ја избираат улицата и темната страна на животот.

За ублажување на проблемот е неопходно да се преземат синхронизирани активности на сите надлежни институции во државата и да се засили координацијата со училиштата, но клучна е улогата на родителите.

Особено е тешко младите кои зачекориле по лош пат успешно да се ресоцијализираат, предупредуваат социјалните работници.

„Кога е јасно дека потклекнале на искушенијата, младите често ги повторуваат делата“, коментира Јованоска.

Повеќе од 300 деца што секојдневно просат низ улиците во земјава немаат матичен број, па поради тоа не одат на училиште и немаат здравствена заштита. Неукоста на родителите, бидејќи мајките пораѓаат дома, прави овие деца цел живот да бидат дискриминирани, а според народниот правобранител социјалните служби треба активно да работат за да ги откријат и да ги евидентираат. Од Дневниот центар, каде што се згрижуваат малолетните питачи, информираат дека од 378 деца кои биле примени дури 244 биле без матичен број, а уште 60 пријавиле невладини организации од Скопје и од Тетово. Според нивните податоци, има и младинци постари од 16 години кои воопшто не се регистрирани во матичните служби. Ниту една државна институција, пак, не знае колкав е бројот на луѓето кои немаат матичен број, а според нив родителите се тие што треба да водат грижа и да ги пријават своите деца за да им ги обезбедат основните права. - Децата кои не се воведени во матичната евиденција, освен тоа што немаат никакви документи, не можат да реализираат ниту едно од своите права. Целосно се дискриминирани во однос на образованието, здравствената и социјалата заштита - вели Уранија Пировска, портпаролка на народниот правобранител. Родителите на овие деца обично се неписмени и невработени. Тие се жалат на големата административна процедура при запишувањето во Матичната книга на родените и на високите трошоци кои треба да ги плаќаат. Од МВР, пак, тврдат дека запишувањето во Матичната книга на родените чини само 150 денари. - Минатата година се поднесени 511 барања за прекршочна постапка за родители што го прекршиле Законот за матична евиденција и лични имиња. Тоа обично се однесува на родители што не ги пријавиле децата во матичната служба или не им дале име во предвидениот рок “ ни изјави Борче Пешевски, портпарол во МВР. Болниците се должни секое породување да го пријават во полиција, по што новороденчето веднаш се заведува во документацијата. Но невладините организации забележале неколку случаи кога деца иако биле родени во болница ги немало во полициските документи. Децата кои се родени дома, нивното раѓање треба да го потврди лекар и двајца сведоци. Од невладините организации вината за големиот број непријавени деца ја гледаат во центрите за социјална работа од каде што тврдат дека оваа ситуација треба да се решава на терен како што тоа се прави во западноевропските земји.