• Не ги забранувајте сосема овие јаде.а и не ги нарекувајте "лоши" - идејата дека работите се "лоши" или забранети ги прави уште попожелни. Кажете им јасно дека овие јадења се добри понекогаш, но не секој ден.
• Набавете разновидна здрава храна дома. Вклучете ги тука разните видови леб, ориз, тестенина и друга храна од житарици, сув грашок и грав, зеленчук, овошје и умерено количество на млечни производи со намалени маснотии, посно месо, месо од живина без кожа и риба.
• Избегнувајте јадења со "скриени" маснотии. Како и јадењата што се очигледно мрсни (пример: месо со салото што може да се види, или јадења испржени во маснотии), други јадења како месени теста, колачиња и благи бисквити, исто така содржат многу маснотии.
• Охрабрете ги децата да "поткаснуваат" храна што е здрава и содржи целулоза - како леб, леб со суво овошје во него или овошје, на тој начин што ќе бидат лесно достапни на масата или на дофат во кујната. Децата, обично, го јадат тоа што можат да го видат. Ако има кутија со благи бисквити или чипс на кујнската маса, тоа ќе јадат - но ако има грозје или банани на масата, тие тоа ќе го јадат.
• Обидете се да ги убедите децата да појадуваат на утро. Одење на училиште со празен стомак значи дека најверојатно ќе ужинаат чипс или благи работи подоцна. Подобро е денот да се почне со житарици, овошје и млеко, леб со сирење, јогурт и овошје или со она што останало од вечерата, на пример. Нема време за појадок? Дадете им да јадат нешто по пат.
  

• Играње со топка во дворот, в парк или на плажа
• Одење заедно на пешачеvе
• Или, најдете спорт или друга физичка активност во која што сите ќе уживате - пливање, возење велосипеди, изнајмување чамец и веслање, кампирање.
  

-Интензивната физичка активност е поефикасна од активноста со понизок интензитет во напорите за зачувување на виткоста и здравјето на кардиоваскуларниот систем на децата, се вели во заклучокот од студијата спроведена на шведскиот Институт Каролинска.

Дебелината и лошата кардиоваскуларна кондиција се големи проблеми кај децата ширум светот, а физичката активност е докажан лек за двата проблема, смета доктор Михаел Сјестрон, кој го предводел истражувањето.

За да истражат колку интензитетот на физичката активност влијае на дебелината и состојбата на кардиоваскуларниот систем на децата, шведските експерти во текот на четири дена со направата наречена акцелерометар ја мереле активноста на 780 деца на возраст од 9 и 10 години.

Утврдено е дека децата кои секој ден имале физичка активност повеќе од 40 минути, имале помалку телесни маснотии и подобра кардиоваскуларна кондиција од оние кои интензивно физички трошеле само 10 до 18 минути дневно.

Шведските експерти признаваат дека интензивната физичка активност можеби е тешка задача за дебелите деца и на оние со вишок килограми. Затоа препорачуваат таквите деца на почетокот да имаат умерена активност. Со текот на времето  децата постепено треба да ја зголемуваат активноста, како и нејзиниот интензитет и траењето;

-Швајцарската фармацевтска групација Рош Холдинг на Меѓународната конференција за дебелина во Сиднеј објави дека нејзиниот лек за слабеење ксеникал може да безбеден начин да им помогне на адолесцентите да ослабат.

Со споредување на резултатите на дебели деца на возраст од 12 до 16 години, кои во текот на една година употребувале ксеникал, и нивните врсници кои добивале плацебо, е утврдено дека оние во првата група изгубиле значително повеќе килограми. Притоа е констатирано дека најмногу ослабеле и значително ја намалиле својата телесна маса адолесцентите кои најрано почнале да реагираат на третманот со ксеникал, што не зависело од нивната возраст, ниту од полот, ниту од етничката припадност.

Дебелината е најчест проблем кој се однесува на исхраната на децата и адолесецентите во развиените земји и е поврзан со зголемениот ризик од здравствени проблеми, како што се висока содржина на маснотии во крвта и дијабетес тип 2. Претставници на Рош Холндинг тврдат дека ефикасноста и безбедноста на ксеникал е докажана со многу клинички испитувања во кои биле вклучени над 30.000 пациенти.

Лекот дејствува на тој начин што спречува еден дел од маснотиите од храната да се свари и апсорбира во организмот; 

-Девојчињата кои се дебели во раниот пубертет се изложени на зголемен ризик од хиперандрогенемија, состојба во која се регистрира ненормално високо ниво на стероидни хормони, како што се тестостерон и андростерон, утврдиле американските научници. Тие хормони се одговорни за развој на некои машки карактеристики, но што е уште посериозно, и за синдромот на полицистични јајници, состојба што се одликува со неплодност, дебелина и неуреден менструален циклус, соопштија експерти од Универзитетот во Вирџинија.

Истражувачите го проучиле односот на тежината, хормонската слика и фазата на пубертет на 76 девојчиња на возраст од 7 до 17 години, од кои 41 биле дебели. Кај дебелите девојчиња е констатиран 2,1 пат повисоко вкупно ниво на тестостерон и 3 пати повисоко ниво на слободен тестостерон, додека нивото на глобулин било за 50% пониско.

Експертите сметаат дека докторите, како и родителите на дебелите девојчиња треба да бидат свесни за тие закани и оти тоа треба да биде дополнителен поттик да се намали или барем одржува на исто ниво тежината на женските деца во адолесценцијата; 

Не сум била гојазно бебе и дете ама стално сум била покрупна за разлика од другите деца, оти многу милував да си лапкам. Пред  и за време на пубертетот почнав многу да се дебелеам и важев за дебело девојче во основно. После нагло ослабев со диети и чуда и имав нормална тежина се до пред неколку години, НО тежината полека почнав пак да си ја накачувам низ годините, секоја година по кило-две и сега пак сум дебела. А дебелината е далеку од здрава, дали за деца дали за возрасни. Ја отежнува работата на срцето и е предизвикувач на многу други болести како срцеви заболувања и повишен крвен притисок.