http://upload.wikimedia.org/wikipedia/commons/9/91/Flag_of_Gevgelija.png">  

 

 

Грчка ТВ-екипа на третиот државен канал ЕРТ 3 престојуваше во Гевгелија и снимаше документарна емисија за прекуграничната соработка. -Граѓаните и локалната власт во општина Гевгелија имаат секојдневна комуникација и остваруваат успешна соработка со граѓаните и локалните власти во пограничните општини во соседна Грција.
Тоа е сосема нормално за граѓаните кои живеат крај заедничка граница, која треба да не зближува, а не да не разделува. Досегашната соработка покажа дека со редовна комуникација и заеднички настап пред европските фондови врските меѓу граѓаните од двете страни на границата уште повеќе да зајакнат. Минатата година во Гевгелија беше потпишан меморандум за соработка меѓу 10 погранични општини во соседна Грција и исто толку во Република Македонија што е особено значајно пред престојното отварање на Интерре 4А програмата,-изјави покрај другото градоначалникот на општина Гевгелија Иван Франгов за солунското дописништво на грчкиот тв-канал ЕРТ 3.

За досега реализираните заеднички проекти со пограничните општини во соседна Грција зборуваше Ристо Атанасовски од Агенцијата за локален развој во Гевгелија, а грчката тв-екипа снимаше и на неколку други локации во општината. Инаку, во документарната емисија за прекуграничната соработка, покрај македонските соговорници, ќе бидат вклучени и градоначалникот на Кукуш, претседателот на Стопанската комора во Кукуш, претставници на Интеррег програмата и други.

 

Во текот на март Гевгелија ќе биде домаќин на единаесет културни настани, три концерти на класична музика, театарски претстави, три ликовни изложби, поетско-музичка вечер, саем на книги, натпревар во аранжирање цвеќе.

Со поетско-музичката средба „За тебе, љубов моја“ започнаа мартовските културни случувања.

Средбата прерасна во традиционална поетска претпразнична честитка за припадничките од понежниот пол, кои се вообичаено и најбројната публика на овие литературни случувања.

Во неделата што следува ќе се одржи концерт на Страшо Темков (флејта) и Весна Ангелова (пијано), концертен настап на гевгелиските млади музички таленти од ОМУ „Васо Карајанов“ и изложба на трудови изработени од најмладите од детските градинки со наслов „Подарок за мама“.

Кон средината на март предвидено е гостување на ансамблот на МНТ кои пред локалната публика ќе ја одиграат преставата „Сомнително лице“, во режија на Синиша Ефтимов.

Во втората половина од март продолжуваат изложбените активности на децата на тема експонати од отпаден материјал и рециклирана хартија.

За најмладите ќе се одржат натпреварoт во аранжирање на цвеќе, Саемот на книгата, во организација на Пионерскиот дом „Јосип Броз Тито“, како и куклената претстава „Како Влатко се изгубил“, што ќе биде изведена пред дечињата од предучилишна возраст.