Поглаварот на МПЦ господин господин Стефан ја отвора можноста црквата да размисли за промена на календарот по кој православните верници во Македонија ги прославуваат верските празници. По вчерашното барање на македонските бизнисмени верскиот календар да се промени и да се прилагоди на календарот по кој празниците се прославуваат во западните земји за да не трпат загуби во работата со западните компании поради различното празнување на Божик,Поглаварот на МПЦ најавува дека синодот ќе расправа за ова прашање.

 

„Веројатно ова прашање ќе дојде и на дневен ред на Светиот архиерејски синод. Но, кога јас би се прашувал би посакал календар за сите христијани, за сите христијански цркви, за сите православни цркви да биде заеднички. Тоа е најприфатливиот календар, изјави поглаварот на МПЦ, г.г. Стефан.

 

Тој вели дека црквата расправала за ова пред 30-ина години, кога било изгласано во црковна употреба да остане јулијанскиот календар, по кој годината трае за околу 11 минути подолго во однос на грегоријанскиот календар, кој пак е во официјална државна употреба, а го користат католичките и дел од православните христијански цркви во светот.

 

Тука не се работи за никакво верско прашање. Календарот не е верско прашање, туку само математичко, астрономско прашање. И е голема штета што не го славиме празникот на ист ден, бидејќи тоа ќе не зближи повеќе и ќе не направи да се чувствуваме попријатно и посреќно, изјави свештеникот од католичката црква, Антун Циримонтиќ.

 

Сепак,мала е веројатноста МПЦ да го промени ставот..Портпаролот на црквата Тимотеј за Канал 5 изјави дека верниците во Македонија не се согласуваат со промена на календарот,и затоа не очекува ,ниту пак мисли дека тоа треба да се случи.

 

 

 

Покрај македонската,по јулијанскиот календар верските празници ги прославуваат Српската и руската православна црква.

Католиците, голем дел од православните цркви и протестантите денеска го празнуваат  Бадник. Вчера илјадници верници и туристи тргнаа од Ерусалим кон Витлеем во Западниот Брег, во кој според христијанската вера се родил Исус. Израелската армија ги ограничи воените активности во Витлеем и околината, во очекување на над 60.000 христијански верници во наредните неколку денови, по повод Божиќ.