Биографијата (CV) има за цел да ве претстави вас и вашето образование некому кој не ве познава и нема време да ве запознае. Биографијата треба да ве претстави во најдобро светло, на концизен и структуриран начин. Треба да се знае дека не постои точно дефиниран начин како да се напише најдобра биографија, но постојат начини како треба да изгледа таа, односно кој е начинот на нејзино пишување и како тоа треба да биде структурирано. Биографијата не треба да биде подолга од две А4 страници, освен ако имате навистина богато работно искуство и конк*рирате за висока менаџерска позиција. Добро напишаната биографија прво го кажува најважното, но ги содржи и сите останати релевантни информации. За да ја остварите својата цел, во текот на пишувањето ве советуваме да ја адаптирате биографијата согласно целта која сакате да ја постигнете ( работа, студии, стипендија, конференција итн).

Ако биографијата ја испраќате по пошта, отпечатете ја на чиста бела хартија А4 формат. Биографијата пожелно е да се напише во фонт Arial или Times New Roman, а големината на буквите да биде меѓу 10-12 но никако повеќе од 12, бидејќи големи букви оставаат впечаток на непрофесионалност. Од друга страна не смеете да користите ниту премал фонт кој не може да се чита. Немојте биографијата да ја пишувате со целосно големи букви, ниту да користите шарени, подвлечени и искосени букви. Сето ова придонесува за непрегледност и неозбилност.

Биографијата не би требало да ја испраќате без пропратно писмо, дури и ако не е назначено дека е тоа потребно. Тоа ги запознава читателите со биографијата и упатува на важни делови од неа.

Самата биографија по некои идеални стандарди треба да го содржи следново:

Лични податоци, образование, работно искуство, награди кои сте ги добиле, релевантни обуки и семинари, познавање странски јазици и работа на компјутери, лични карактеристики, хоби и поседување на возачка дозвола доколку ја имате.

Денес најчестиот формат во кој е напишана биографијата е таканаречен „Европски CV формат“ кој е унифициран во Европа.

http://www.mladiinfo.com/attachments/072_CV_EU%20format.doc - Example for EU format CV / Пример за ЕУ формат биографија

http://www.mladiinfo.com/attachments/072_CV_Makedonski.doc - Пример за македонска биографија

Е ова е CV е оригинал Made in Macedonia

СЕМЕЈНО СТЕБЛО

(ПРИЛОЖИ ИЗВОДИ, КРШТЕНИЦИ, ВЕЧАЛНИ ЛИСТОВИ СО КОИ СЕ
ДОКАЖУВА ТВОЕТО СРОДСТВО СО РАБОТОДАВЕЦОТ И
ВРАБОТЕНИТЕ)

ПАРТИЈА

(РЕДЕН БРОЈ НА КНИШКА)