Хардвер и софтвер - Инсталирање на Windows Vista…

Ако е така тогаш сте совршен кандидат за инсталирање на два оперативни системи на еден компјутер. За да ја инсталирате Windows Vista на компјутер на кој има инсталирано Windows XP ви е потребнo да направите уште една партиција или да инсталирате втор хард диск. За инсталацијата на Windows Vista ви е потребно да имате најмалку 15 GB (но колку повеќе толку подобро) слободно место на партицијата или втор хард диск каде што сакате да го инсталирате новиот оперативен систем. Ако немате доволно место на хард дискот за да направите нова партиција тогаш ќе треба да инсталирате втор хард диск на вашиот каомпјутер. Но ако имате доволно место на хард дискот, а имате само една партиција тогаш ќе треба да искористите некој софтвер (на пр. PartitionMagic, Acronis Disk Director или VCOM Partition Commander Professional) за да направите уште една партиција. Детална инструкција како да инсталирате нов хард диск или да направите нова партиција не се вклучени во оваа статија. Како и да е, вториот хард диск или втората партиција треба да се форматирани со NTFS фајлов систем пред да започнете со инсталацијата. Ако правите втора партиција со некои од програмите наменети за таа работа тогаш за време на креирањето на партицијата можете да ја форматирате во NTFS. Ако приклучите нов хард диск, тогаш најлесен начин за форматирање во NTFS формат е преку Disk Manager во Windows XP, кој најбрзо можете да го уклучите со притискање на [Windows]+R и да ја внесете командата:

([Windows] е копчето на кое се наоѓа логото на Windows).

Инсталацијата на Windows Vista може да ја започнете на два начина, со бутирање од DVD-то на кое се наоѓа Windows Vista или вклучување на инсталацијата преку Windows XP. И со двата методи резултат ќе биде ист. Јас го претпочитам начинот со бутирање од DVD-то на кое се наоѓа Windows Vista.

DVD-то со Windows Vista стави го во DVD-ромот и рестартирај го компјутерот. Откако ќе се бутира од DVD-то, инсталацијата на Windows Vista ќе започне да се подига (анг. loading). Слика 1.

Од кога ќе заврши подигањето на инсталацијата, ќе ви се прикаже екран како на слика 2, каде ќе ви се бара да ги изберете јазикот и регионот.

Следно што треба да направите е да ја продолжите инсталацијата со кликање на копчето Install Now. Го внесувате клучот за активација на пакетот (анг. product key for activation) и полето кај што пишува Automatically Activate Windows When I’m online ќе го отштиклирате (активацијата на Windows-от на интернет можете да ја направите подоцна), како што е прикажано на слика 3.

Кога ќе продолжите со инсталацијата кликнувајќи на копчето Next, ако ја имате отштиклирано опцијата за автоматско активирање кога сте на интернет , ќе ви се појави прозорец како на слика 4, на кој пишува да се преиспитате за избраната опција. Тој прозорец можете слободно да го игнорирате со кликнување на копчето No.

Ако не внесете клуч за продуктот (ang. product key) Windows Vista инсталацијата нема да знае точно кој пакет сакате да го инсталирате па затоа ќе ви се појави еден прозорец на кој ги има излистано сите пакети на Windows Vista од која листа вие ќе треба да изберете еден. Слика 5. Го избирате пакетот, го штиклирате квадратчето кое се наоѓа најдолу и продолжувате со Next.

Обележувате дека сте согласни со условите кои ги дава Microsoft и продолжувате со кликнување на копчето Next. Ако инсталацијата ја почнавте со бутирање од DVD кога ќе стигнете до страницата Which Type Of Installation Do You Want, единствена опција која можете да ја бирате е Custom (advanced) . За да продолжите само кликнете врз иконата Custom. Кога ќе стигнете до страницата Where Do You Want To Install Windows, ќе ја ги видите сите ваши партиции или хард дискови кои ги имате. Ја избирате партицијата или хард дискот на кој сакате да го инсталирате Windows Vista и продолжувате со кликање на Next. Откако ќе заврши инсталацијата компјутерот ќе се рестартира и ќе се прикаже менито на Windows Boot Manager, како на слика 6,

каде што можете да изберете кој оперативен систем сакате до го вклучите, Windows XP (прикажан како Earlier Version of Windows) или Windows Vista. Ако за 30 сек. не го изберете саканиот оперативен систем, автоматски ќе се стартува Windows Vista. Но, се разбира ако не ви одговараат овие опции можете подоцна да ги смените во System Properties (кратенка [Windows]+[Pause/Break]) -> Advanced -> Settings in the Startup and Recovery.