Комплетирана е листата на учесници во Лигата на Шампионите за сезоната 2011/12. Во реванш мечевите одиграни вечерва постигнати се во најголема мера очекувани резултати, а единствено условно речено изненадување е победата на БАТЕ Борисов во Грац над екипата на Штурм.

Фудбалерите на Олимпик Лион во Казањ ја одбранија предноста од првиот дуел, додека Удинезе добро започна против Арсенал, но "топџиите" во продолжението дојдоа до пресврт и нова победа која сигурно многу ќе им донесе на полето на самодоверба.

Викторија Плзењ уште еднаш беше подобра од Копенхаген, па овој чешки тим ќе дебитира во елитното натпреварување. Бенфика според очекувањата го совлада Твенте.

Резултати:

Рубин - Олимпик Лион 1:1 (0:0) прв меч 1:3
Начо 77' - Коне 87'

Бенфика - Твенте 3:1 (0:0) прв меч 2:2
Витсел 46', 66', Луизао 59' - Руис 85'

Штурм - БАТЕ Борисов 0:2 (0:1) прв меч 1:1
Володко 36', Симиќ 69'

Удинезе - Арсенал 1:2 (1:0) прв меч 0:1
Ди Натале 39' - ван Перси 55', Волкот 69'

Викторија Плзењ - Копенхаген 2:1 (0:1) прв меч 3:1
Бакоš 69', Дуриш 90' - Болањос 32'

Одиграно во вторник:
АПОЕЛ - Висла Краков 3:1 (прв меч 0:1)
Малме - Динамо Загреб 2:0 (прв меч 1:4)
Генк - Макаби Хаифа 4:1 по пенали (прв меч 1:2)
Виљареал - Одензе 3:0 (прв меч 0:1)
Цирих - Баерн 0:1 (прв меч 0:2).

УЕФА одржа итен состанок на комисијата за натпревари. Турција ќе има свој претставник во Лигата на Шампионите, на местото на исфрлениот Фенербахче, ќе игра тимот на Трабзон.

Овој клуб веќе играше во квалификациите од Лигата на Шампионите и веќе беше исфрлен во пертходната рунда од тимот на Бенфика, а поцна настапуваше и во плеј-офот за Лигата на Европа.

Сепак Трабзон ќе игра во Лигата на Шампионите, а со овој расплет неговиот противник од Лигата на Авропа тимот на Билбао, без борба ќе се најде во групната фаза на второто по ранг натпреварување во УЕФА

Голем бод за Милан на супер дербито на Камп Ноу против шампионот Барселона

Јубилејната 20 сезона во елитната Лига на шампионите тргна како што само може да се посака, со фуриозен гол во 24 секунда на Бразилецот Пато во Каталонија за неочекувано водство на Милан против бранителот на тронот Барселона.

Македонскиот репрезентативец Горан Пандев настапи во последните 20-тина минути за својот тим Наполи, кој го совлада Вилјареал со 2-0 во 2. коло од Лигата на шампионите во фудбал. Пандев го замени стрелецот на вториот гол за домашните, Кавани, кој од белата точка веќе во 17. минута му донесе водство на Наполи од 2-0. Стрелец на првиот гол за Наполи беше Хамшик.

Највозбудливо беше на "Олд Трафорд", каде што гостинскиот тим Базел направи драматичен пресврт и поведе со 3-2 по водството на Манчестер јунајтед од 2-0. Велбек, кој постигна два гола за две минути во првото полувреме, го спасуваше фаворитот пред крајот на натпреварот.

Во другите средби, лесни победи забележаа фаворитите Баерн и Реал против Манчестер сити, односно Ајакс. Интер славеше во Москва против ЦСКА со 3-2 и се рехабилитира за поразот на стартот.

Резултати, стрелци и табели:

Група А

Баерн - Манчестер сити 2-0 (2-0)

1-0 Гомес 38

2-0 Гомес 45+1

Наполи - Вилјареал 2-0 (2-0)

1-0 Хамшик 15

2-0 Кавани 17 (п.)

Табела: Баерн 6, Наполи 4, Манчестер сити 1, Вилјареал 0 бодови.

Група Б

Трабзонспор - Лил 1-1 (0-1)

0-1 Сов 31

1-1 Колман 75 (п.)

ЦСКА - Интер 2-3 (1-2)

0-1 Лусио 6

0-2 Пацини 23

1-2 Џагоев 45

2-2 Лав 77

2-3 Сарате 79

Табела: Трабзонспор 4, Интер 3, Лил 2, ЦСКА 1.

Група Ц

Манчестер јунајтед - Базел 3-3 (2-0)

1-0 Велбек 16

2-0 Велбек 17

2-1 Ф. Фрај 58

2-2 А. Фрај 60

2-3 А. Фрај 76 (п.)

3-3 Велбек 90

Оцелул - Бенфика 0-1 (0-1)

0-1 Сезар 41

Табела:  Бенфика 4, Базел 4, Манчестер ј. 2, Оцелул 0.

Група Д

Реал Мадрид - Ајакс 3-0 (2-0)

1-0 Роналдо 25

2-0 Кака 41

3-0 Бензема 49

Олимпик Лион - Динамо Загреб 2-0 (2-0)

1-0 Гомис 23

2-0 Коне42

Табела: Реал 6, Олимпик Лион 4, Ајакс 1, Динамо 0.

Александар Ставрев ќе ја дели правдата на “Камп Ноу“

Александар Ставрев, во моментов најдобриот македoнски фудбалски судија, в среда ќе ја дели правдата на „Камп Ноу“, каде ќе се сретнат Барселона и Викторија Плзен, дебитантот во групната фаза на Лигата на шампионите.

Ставрев доби уште едно големо признание за својот досегашен ангажман и арбитража на европските фудбалски терени. За првпат во историјата на Лигата на шампионите, македонски судии се делегирани за натпревар од групната фаза на најелитното европско натпреварување.

За дуелот на “Камп Ноу“ делегирана е судиска шесторка од Македонија. Асистенти на Ставрев в среда ќе му бидат Марјан Кировски, Љубомир Крстевски, Дејан Јакимовски, Димитар Мечкаровски и Горан Спиркоски.

Да потсетиме дека досега Ставрев судеше на повеќе натпревари од Европа купот, а последен дуел на кој се појави како главен арбитар, беше реванш дуелот од квалификациската фаза меѓу Глазгов Ренџерс и Марибор

Немој некој да ги обвинувал судиите ако не победи Барса