СМЕЕ ЛИ МУСЛИМАН ДА СЕ ОТКАЖЕ ОД ИСЛАМ?

Едниот Вистински Бог во Библијата

Стариот Завет:

,,Почуј, Израиле: Господ, нашиот Бог, е еди­­­нствен Господ.“

(Повторени закони, 6:4)

,,…за да знаете и да Ми верувате, да разбе­рете дека сум тоа Јас: пред Мене не­ма­ше Бог, и по Мене нема да има. Јас сум Го­спод и нема Спасител освен Мене.“

(Исаија, 43: 10-11)

,,Јас сум првиот, Јас сум и последниот; освен Мене нема Бог; зашто кој е како Ме­не?“

(Исаија, 44:6)

,,Нема друг Бог освен Мене, – Бог праведен и Кој спасува, нема освен Мене. Кон Мене обрнете се и ќе бидете спасени,… зашто Јас сум Бог и нема друг како Мене… пред Мене ќе се преклони секое колено.“

(Исаија, 45: 21-23)

ОВА СЕ САМО НЕКОИ ЦИТАТИ ОД СТАРИОТ ЗАВЕТ

Можеш ли да се сетиш на слични такви цитати?

Но претходно би сакал со вас да ја поде­лам следнава мисла:

Можеби некои христијани се прашуваат, „Очигледно е дека Бог е еден. Ние веруваме во еден Бог. Тогаш, што е поентата?“

Како и да е, базирајќи се врз читањето и сту­дирањето на обемни материјали за хри­­­сти­јанството и дијалозите со многумина хри­сти­­ја­ни, дојдов до заклучокот дека тие Го спо­зна­ва­ат Тој Еден Бог преку тројството:

1. Бог – Отец;

2. Бог – Син;

3. Бог – Свет Дух.

Така, базирајќи се врз здравиот разум и простата логика, искрениот и чесен трагач по ви­стината би резонирал:

- На што мислите кога велите дека БОГ е ЕДЕН, додека од друга страна се упатувате кон три Божества?

- Дали е Бог ЕДНО во ТРИ или ТРИ во ЕДНО?! (1 во 3 или 3 во 1)?!

Згора на тоа, и според христијанските до­гми, овие три „Божества“ имаат различни иде­нти­­тети, ликови, улоги и функции:

1. Отецот = Создател;

2. Синот = Спасител;

3. Светиот Дух = Советодавец.

Впрочем, ако Исус, Богот Син (Синот Бо­жји) е навистина Бог или дел од Едниот Бог, дали е ова контрадикторно со библиските  иск­а­зи дека никој не може да го види Бог, ниту да го слушне Неговиот глас? Библијата тврди:

„А вие ни гласот Негов никогаш не сте го чуле, ниту лицето Негово не сте го виделе.“

(Иван, 5:37)

„Кого никој од луѓето не Го видел, ниту може да Го види.“

(1 Тимотеј, 6:16)

„Но лицето Мое не ќе може да го видиш, зашто не може човек да Го види лицето Мое и да остане жив.“

(Исход, 33:20)

Базирајќи се врз овие, како и врз други би­бли­ски текстови, јас искрено и чесно прашу­вам: „Како можеме догмата дека Исус е Бог да ја изедначиме со библиските сведоштва дека ни­­­кој никогаш не Го видел Бога, ниту пак го слу­­­­шнал Неговиот глас?“

Зарем Евреите во неговото време, него­во­то семејство и неговите следбеници не го ВИ­ДЕ­ЛЕ Исус (синот Божји, како што некои веру­ваат!) и не го СЛУШНАЛЕ неговиот глас?

Дали постои некоја тајна или сокриена цел што се однесува на вистината за Бог?

Во Библијата вистинскиот Бог недво­сми­сле­но сведочи:

„Јас сум Господ, и нема друг. Не говорев тајно Јас, не во темно место на замјата; не му реков на Јакововото племе: ,Напразно Ме барате‘. Јас сум Господ, Којшто изрекува Правда, Којшто ја открива вистината.“     

(Исаија, 45:18-19)

Па, што е вистината? Ве молам уште еднаш прочитајте го цитатот и размислете!

Сега, ајде да појдеме на едно патување во кое ќе ја бараме вистината за вистинскиот Бог во Библијата и во к*ранот.

На крајот од ова патување и по вашето кри­­­­­­­­­­­­­­­­­тичко, искрено, чесно и внимателно чита­ње на оваа книшка, а посебно цитатите кои сл­е­­­­­­­­­дуваат, би сакал да ги дознаам вашите реа­кции или мислења.

За да биде што е можно пообјективно, јас ги на­­­ве­­­дов цитатите без никаков коментар.

Ве молам прочитајте ги следниве цитати ВНИМАТЕЛНО, КРИТИЧКИ И БЕЗ БИЛО КАКВИ ПРЕДРАСУДИ.

По создавањето на Адам, во историјата на човештвото до луѓето била непрестано до­ста­вувана само една оригинална порака.

Значи, за да ги потсетат луѓето на неа и да ги вратат на вистинскиот пат, многу пратеници и веровесници, вклучувајќи ги Адам, Ное, Авра­ам, Мојсеј, Исус и Мухамед, биле испра­тени од Едниот Вистински Бог за да ја со­о­пштат следнава порака:

Вистинскиот Бог е само ЕДЕН.

Обожувај Го само Него и придржувај се кон Неговите наредби.