Шестото коло во Капитал банка Суперлигата во целост помина во знак на враќањето на теренот на кошаркарската легенда Петар Наумоски.

Во салата “Јане Сандански“ МЗТ Скопје со 73-62 ја совлада АБА Струмица, но резултатот на таа средба беше во сенка на дебито за домаќините на Петар Наумоски. Нашиот најдобар кошаркар на сите времиња дуелот го заврши како втор стрелец во својот тим со 16 поени зад Златко Гоцевски и неговите 17 поени. Кај гостите од Струмица со 14 поени најефикасен беше Маркус Нил.

Доста поинтересен резултатски беше дуелот на Торус и Работнички кој го добија гостите со тесни 72-70. Димитар Мираковски со 18 поени беше лидер на Работнички во одмаздата за поразот во првото коло од Суперлигата на тимот на Торус во кој со 16 поени и 11 скокови најдобар беше екс-играчот на Работнички, Бојан Трајковски. Со оваа победа тимот од Градски парк, на чија клупа се најде Марин Докузовски, успеа да го одбие нападот на третата позиција на табелата на Торус

Во третата средба од ова коло шампионот Фени рутински ја совлада Лирија со 93-65.

6. коло од Капитал банка - Суперлига:

Фени Индустри - Лирија 93-65
МЗТ Скопје - АБА Струмица 73-62
Торус - Работнички 70-72

ТАБЕЛА:
1. Фени Индустри 22-2
2. МЗТ Скопје 18-5
3. Работнички 15-8
4. Торус 14-9
5. АБА Струмица 10-13
6. Лирија 8-15