Бременост

od denesen utrinski vesnik moze ke vi bide zanimlivo.



Идеално здебелување при бременост - 13 килограми


Што треба да знаете за време на бременоста? Ова се најчесто поставувани прашања

ИСХРАНА

„Урамнотежената исхрана е основен предуслов за здрав живот. Треба да земате многу овошје и зеленчук, да внимавате дневно да испиете две литра течност, а количеството сол и шеќер да го сведете на минимум, исто како и лутата храна. Млекото и млечните производи мора да бидат застапени, а кај изборот на месо е препорачливо да се јаде хипокалорично месо со што помалку заситени масни киселини, како што се рибата, пилешкото и телешко месо. Внесувањето јаглеродни хидрати како што се лебот, тестото, компирите и оризот, а пред се' слатките производи, мора да биде минимално.

Ако грижата за сопственото здравје и здравата исхрана е наша секојдневна обврска, тогаш во текот на бременоста таа станува уште поголема, бидејќи неправилната исхрана може да доведе и до тешки нарушувања, и кај трудниците и кај нероденото бебе. Заблудата која постои во народот дека треба да се јаде за двајца не е основана и е многу опасна, па денеска се смета дека секоја трудница треба да внесе дневно 200 калории повеќе отколку кога не е бремена, што практично значи (само) 4 јаболка или 2 чаши млеко повеќе.



МУЛТИВИТАМИНСКИ ПРОИЗВОДИ

Начелно, одговорот е не! Понудата на овошје и зеленчук е обилна и разновидна, повеќе не е само сезонска, па и кај нормалната исхрана не се потребни посебни мултивитамински производи. На пример, многу витамини има и во грејпфрутот, лимоните, портокалите, шумските капинки и грозјето, а од зеленчукот во зелената пиперка, салатата, доматите и морковите. Претераното земање витамини може да доведе до сериозни заболувања, на пример, зголеменото внесување на витаминот А доведува до малформација на централниот нервен состав, непцата и очите кај детето, високата доза на витамин Д доведува до малформација на крвните садови, а претераното земање на витаминот Б-6 предизвикува несвесно грчење на организмот на детето т.н. конвулзија. Исто така, треба да се напомене и дека високата доза витамини го зголемува апетитот, а со тоа и внесувањето храна што доведува до многу опасно дебелеење во текот на бременоста.



УТРИНСКИ МАЧНИНИ

Во раната бременост, многу често се јавува чувството на мачнина со или без утринско повраќање. Треба да го зголемите бројот на оброци со истовремено намалување на количеството белковини од животинско потекло (месо) и да земате повеќе зеленчук и овошје. Солената и силно зачинета храна треба да ја одбегнувате и да минувате помалку време во кујна. Пред утринското станување од кревет, треба да изедете суви бисквити или двопек и да се напиете чај, а домашните треба повеќе да ви помагаат.



СТАРОСНА ГРАНИЦА

Секоја здрава жена може да зачне во периодот што се нарекува генеративна доба, а тоа е во просек од 18. до 35. година од животот. Способноста на жената за зачнување не се одредува само според нејзините телесни особини, туку и психичката зрелост, така што 18 години се земаат како долна граница. Горната граница е одредена со хормонскиот статус и менструалниот циклус. Се препорачува да се раѓа до 35 години, што претставува наедно и горна граница и време кога шансите за компликации се најмали. Исто така, по 35 година се намалува и нивото на женски хормони и на тој начин се зголемува бројот на спонтани абортуси.



ПОДГОТОВКА

Секако дека можеме и тоа, пред се', така што својата евентуална акутна или хронична болест ќе ја излекуваме или ќе ја ставиме под контрола пред бременоста, нема да дозволиме да нафрлиме прекумерни килограми, ќе го посетиме стоматологот зашто забите се поподложни на расипување во текот на бременоста, ќе престанеме да пушиме и да пиеме кафе и, што е најбитно, ќе престанеме да земаме наркотици кои се многу опасни за здравјето на мајката и на детето. Исто така, трудницата која боледува од шеќерна болест мора да ја регулира болеста и постојано да ја држи под контрола. На крајот, секако, треба да го посети својот гинеколог и да направи комплетен гинеколошки преглед, папа-тест и ултразвучен преглед на матката и јајчниците за да може да се исклучат инфекциите и туморозните промени на женските полови органи.



ЗДЕБЕЛУВАЊЕ

Добивањето телесна тежина во бременоста бара особено внимание, бидејќи зголемената тежина предизвикува многу опасни нарушувања кај мајката и кај детето, кои може да доведат дури и до смртен исход. Се препорачува зголемување на тежината до 13 кг во текот на целата бременост. Еден дел од зголемувањето на тежината отпаѓа на детето, кое е во просек тешко меѓу 3-4 кг, тежината на плодовата вода е околу 1 кг, како и тежината на зголемената матка, а тежината на постелката е околу половина килограм. Значи, вкупно на детето и на зголемените органи отпаѓаат, вклучувајќи ја и плодовата вода, околу 6 килограми. Преостанатите 7 кг се вода и малку масно ткиво. Зголемувањето на телесната тежина над наведените вредности доведува до создавање отоци, зголемување на крвниот притисок и губење на белковините преку урината. На крајот, може да се јави болест опасна за животот на мајката и на детето - еклампсија.



КАКО СЕ МЕНУВААТ ДОЈКИТЕ

Ткивото на дојките во бременоста се менува и се зголемува интензивно за да можат да произведуваат млеко за исхрана на детето. Во почетокот на бременоста, дојките лесно набабруваат, а подрачјето околу брадавиците - ареолите станува темно како последица на зголемената пигментација за што се одговорни женските полови органи. Ткивото се формира во 15-20 слоја кои во подрачјето под брадавиците формираат резервоари за млеко. Исто така, доаѓа до зголемување на масното ткиво кое е поголемо доколку трудницата внесува хиперкалорична храна и добива повеќе на телесна тежина од просечните 13 килограми. Кожата на градите се растегнува и се појавуваат т.н. кожни бразди или стрии кои во почетокот се во лила боја, а подоцна избледуваат. Исто така, се зголемува и венскиот цртеж на кожата.

На многу процеси во дојката не можеме да влијаеме, но некои можеме да ги ублажиме или дури да го спречиме нивниот развој. Еве ги мерките на превенција:

- водете грижа за правилната исхрана и умереното внесување калории за да го спречите развојот на масно ткиво во дојките;

- во текот на целата бременост, а посебно во последните три месеци, трудницата мора да ги масира градите со кружни движења на дланките со хранливи масла, на пример, бадемово, а за време на бањањето, со фротирска ракавица мора да се масираат брадавиците за да станат цврсти и отпорни на пукање во текот на доењето;

- за време на бременоста, како и за време на доењето, родилката треба да носи поголем градник за да ја спречи деформацијата на дојките поради нивната зголемена тежина;

- додека дои, родилката мора да се измолзува за да не дојде до заостанување на млекото и инфекција на дојките. Така на повеќето трудници им успева да го одржи обликот и напнатоста на дојките, што подоцна помага при нивно враќање во нормална состојба.



ПОЛОВИ ОДНОСИ

Во првите три месеци од бременоста, половиот однос не се препорачува, пред се', затоа што може да доведе до инфекција на грлото на матката и спонтан абортус. Исто така, механичкиот притисок на матката во таа фаза не е препорачлив. Од 12. недела се дозволени внимателни односи со задолжителна употреба на механичка заштита - кондом, но само доколку гинеколошкиот и УЗВ-наод го дозволуваат тоа. Тоа значи дека доколку и понатаму се заканува абортус или предвремено породување, доколку трудницата носи близнаци или станува збор за хронично воспалување на грлото на матката или мочоводните патишта, односот не е дозволен. Еден месец пред породувањето, дозволени се односи, но само со употреба на механичка заштита - кондом.



ТРУДНИЧКИ ВЕЖБИ

Редовната гимнастика не е само препорака, туку и обврска на секоја трудница чиј гинеколошки наод го дозволува тоа. Со гинеколошки преглед треба да се утврди дека грлото на матката е затворено, дека нема предвремени породилни болки, односно дека не се заканува предвремен абортус или породување и дека здравствена состојба дозволува движење. Практиката на вежби за трудници е многу поразвиена во развиениот свет отколку кај нас, така што и здравствените фондови плаќаат за одржување на вежбите и тоа спаѓа во обврските на трудницата. Од сите вежби, најважни се вежбите за дишење и релаксирање на мускулатурата. Со нив е најдобро да се започне меѓу 12. и 16. недела од бременоста, а најдоцна во 28 недела. Треба да се вежба под контрола на физиотерапевт, а некои вежби може да се повторуваат и дома.



ВРЕМЕ ЗА ПОРОДУВАЊЕ

Преку појава на редовни ритмички контракции на матката - болки што се јавуваат кај прворотката на секои 10 минути, а кај повеќеротката на секои 5 минути и/или се појави слузница и/или почне да да истекува плодовата вода која е проѕирна. Редовните породилни болки се знак дека матката е подготвена и дека почнува отворање на породилниот канал. Самиот процес на отворање трае од 9 до 12 часа. Слузницата истекува од каналот на грлото на матката и, исто така, е знак на отворање на породилниот канал. Појавата на плодовата вода е една од најитните состојби во почетокот на породувањето и тогаш трудницата мора итно и по можност во лежечка положба да биде одведена во болница, зашто постои ризик покрај главата на детето да излезе и папочната врвца преку која детето добива хранливи состојки и кислород од мајката.





   



   

и пошто првиот месец е поминат како во лет ќе го пастирам и вториот  и се надевам дека следната година ќе има многу многу бремени на форумов

tocno taka e....samo po nekogas sto mazite ne pravat bolni koga e zenata bremena .."nemoj toa, sedni, ne ostavi jas ke go napravam" itn. itn

heliran cink.............   Prirodni izvori na ovie vitamini se :  Meso,riba.mleko,jajca,zito,pcenica.soja,soncogled,spanak.vino,pivski kvasec........ Ovoj vitamin e neophoden i se preporacucva bas rastot na fetusot i proizvodstvo na spermatozoidi  taka da nee  e steten   dobar e za zadravuvanje na ranite  ne e dobar da se mesa so calcium vo isto vreme mozi so malo rastojanie pogotovo za sportistite   poveke od50mg moze da  bidi toksicen...   i se preporacuva da se zema periodicno ne konstantno za da se izbega toksicnosta

zdravo na site. Me interesira dali nekoj znae kolku cini eden test za bremenost.

Изменето од Biba_G - 15.Март.2009 во 18:06

Najsiguren test za rana bremenost e beta HCG.Ovoj e test na krvta odnosno talozenjeto na placentarni masi i vo prvite 10 dena od bremenosta,a testovite so urina mozat da dadat i lazno negativen rezultat,potrebno e da projde povekej vreme za da bide validen testot.

renatax напиша: Najsiguren test za rana bremenost e beta HCG.Ovoj e test na krvta odnosno talozenjeto na placentarni masi i vo prvite 10 dena od bremenosta,a testovite so urina mozat da dadat i lazno negativen rezultat,potrebno e da projde povekej vreme za da bide validen testot.

И тестовите со урина се 99.9% точни како што вика блу.и знам дека кога втората линија кога покажува бременост е бледа,тоа кажува многу....................постои бременост но постојат и други проблеми за ова сум сигурна