Високо - протеинската или месна диета дозволува висок внес на протеини, а смалување на внесување јаглехидрати на минимум.За оваа диета не постои некој строг режим на придржување. Важно е да се храните исклучиво со месни продукти, а да избегнувате се останато, па дури и овошје и зеленчук.

Недостатокот од внесување на витамини можете да го надоместите со витамински таблети. За време на оваа диета дозволено е месото да се спрема на најразлични начини (да се пржи, да се вари, да се пече) се додека додавате зачини кои не содржат јаглехидрати.

Слабеењето ќе настане како резултат на промена на составот на телесното ткиво, со губење на мастите и зголемување на мускулната маса. Мускулот е 3 пати потежок односно погуст од масното ткиво, па затоа немојте да се држите до бројот на килограми. Подобро мерило за резултатот од оваа диета се изгубените сантиметри во обем.

Дозволени продукти се сите видови риба и месо:

Подготовка: варено, пржено, печено, сушено. Дозволени се и сите зачини, освен кечап и сенф.

Забранети продукти: сите кои содржат скроб, сите видови млечни производи, слатки и грицки.

Дозволени пијалоци: минерална вода, вода, црно кафе, чај.

Иако медот секогаш важел за здрава храна многу нутриционисти во последно време го ставаат во групата намирници кои треба да ги избегнувате кога сте на диета. Шкотскиот нутриционист Мајк Мекинс има сосем поинакво мислење.

Во оваа диета нема да ви кажуваме што точно да јадете, туку неколку правила за како да ја комбинирате храната што сакате да ја јадете.

 Единствено што треба да внимавате се количината и хранливите вредности. Целиот избор на храна останува сами да го комбинирате. Сигурно ќе ги изгубите непосакуваните килограми ако ги следите овие златни правила:

- Заменете го шеќерот со мед. Секое утро и секоја вечер пред спиење испијте шолја топла вода со лажичка мед.

- Користете нерафинирани јаглени хидрати. Во однос на калориите сеедно е дали ќе јадете бел или црн леб. Но голема е разликата во однос на тоа што црниот леб содржи многу похранливи состојки и растителни влакна кои помагаат во варењето. Јаглените хидрати треба да зафаќаат максимум една четвртина од вашиот оброк.

- Јадете протеини во секој оброк за подолго да останете сити. Риба, месо, јајца, зеленчук треба да бидат дел од секој ваш оброк.

- Еден ден неделно, по ваш избор, треба да го поминете без јаглени хидрати. Тоа значи без леб, тестенини и благо.

- Не ја ограничувајте количината на салати. Секојдневно јадете салата, по можност од различен зеленчук.

- Задолжително по две овошки на ден кои не се полни со шеќер.

- Одберете полномасно млеко. Во оваа диета не се бројат мастите. Слободно одберете полномасно млеко, сирење, кашкавал со најдобар вкус кои дури може да ви помогнат за побрзо да се заситите и подолго да ве држат.

- Јадете што и да посакате, колку и да е масно, но не заборавајте наутро и навечер во чаша топла вода или чај да растопите една лажичка мед и по желба малку лимон.

Резултатите ќе бидат видливи веќе по една недела.

Во потрага по најдобрата диета за совршена линија летово сигурни сме дека сте пробале неколку до сега. Ние ви подготвивме нешто сосема поразлично од претходно - секс диета со која може да изгубите 10 килограми за 6 месеци.

Докажано е дека практикувањето на редовен секс има голема корист - здраво срце, здрав имунолошки систем, намалување на депресија, губење на тежина. Негативната страна би било единствено ограничувањето на внесувањето на храна.

Диета и исхрана

Како што уживаш во водењето љубов со твојот партнер би требало да уживаш и во храната. Пребрзото џвакање или пак јадење на брза храна се твои непријатели. Алкохолот според оваа диета треба да се елиминира, а лебот, тестенините и шеќерот треба да се консумираат во умерени количини. Појадокот е задолжителен како и големи количини на вода и зелен чај. Последниот оброк не смее да биде после 19 часот, и се разбира треба да практикувате многу вежбање, односно секс.

Докажано е дека дури 90 проценти од диетите не успеваат поради преголемите ограничувања.

Оваа секс диета овозможува уживање и доста удобен начин со кој можете да се решите од килограмите. Исклучиво важна е здравата исхрана и се препорачуваат банани, црно чоколадо, целер, спанаќ, риба. Можете да забележите дека овие намирници се воедно силни афродизијаци кои ќе ви го зголемат сексуалното либидо.

Вежбањето ја забрзува циркулацијата и го ослободува хормонот за среќа, а кога сте среќни имате желба за нешто убаво. Посетете некоја продавница за долна облека и изненадете го вашиот партнер. Таа новина во спалната соба може многу да го возбуди. Што се однесува на прашањето колку често треба да се практикува секс, експертите препорачуваат минимално 4-5 пати неделно. Еднаш во неделата приредете си вечер на заведување или било што друго што вообичаено не го правите со партнерот.

Ако се придржувате до овие правила за 6 месеци ќе изгубите до 10 килограми.

Поголемиот дел на жените се борат со вишокот килограми во пределот на стомакот, бидејќи овие мускули тешко се затегаат без упорно вежбање.

Меѓутоа, девојките забораваат дека исхраната има огромна улога. Треба да употребувате специјална диета која се состои од вкусни оброци богати со витамин Ц кој помага при согорувањето на мастите.

Ако вежбате додека ја практикувате оваа диета по три дена ќе изгубите 2 килограми и во обемот на струкот ќе изгубите до 3cm.

Појадок по избор

Јајца и посна павлака

Намачкајте 30g посна павлака на интегрално парче леб. Комбинирајте со половина црвена пиперка и едно меко јајце.

199 kal, 9g масти

Младо сирење и домати

Две интегрални парчиња леб намачкајте ги со 100g младо посно сирење и комбинирајте ги со магдонос и еден домат.

197 kal, 2g масти

Мед со праски и леб

Изматете 50g посна павлака и една лажица мед, со таа смеса намачкајте две парчиња интегрален леб и комбинирајте со една праска.

210 kal, 1g масти

Ужина

Енергетски пијалак

За освежување, помешајте 150 ml свеж исцеден сок од портокал заедно со 100 ml кисела вода, а за заситување изедете една банана.  

100 kal, 1g масти

Крем со портокал

Изматете 100g посна павлака со 50 ml свежо исцеден сок од портокал и половина лажица мед

100 kal, 1g масти

 Леб со краставици

Измешајте 50g младо сирење со исецкан млад лук. Комбинирајте со една мала интегрална кифла и две кисели краставички.

100 kal, 1g масти

1 Ден

Ручек: Тестенини со сирење и со пиперка

Испржете едно чешне лук во малку масло, додадете печена исецкана црвена пиперка, две лажици доматно пире и мешајте на оган. Откако ќе се пропржи смесата, сварете 80 gr шпагети, прелијте ги со сосот од пиперки и зачинете со босилек и рендан пармезан.

243 kal, 4g масти

Вечера: Салата од целер и сусам

Измешајте 50g зелена салата со рендан целер, додадете една исецкана праска, една лажичка сецкан магдонос и половина лажица печен сусам. Прелијте со една лажица посен јогурт. Јадете со парче интегрален леб намачкан со 20g посна павлака, сенф, препечен сусам и 20g готвена шунка.

230 kal, 4g масти

2 Ден

Ручек: Целер со сос од портокал и ориз

Сварете 100 ml бистра супа со малку цимет, додајте 10 gr ситно сечкан целер и продолжете да варите 10 минути. Во супата додадете половина лажица густин, две лажици соја сос, три лажици исцеден сок од портокал, малку чили, а потоа комбинирајте со зеленчук и варете додека не се направи сос. Додајте половина од исечен портокал, сечкан кромид и една лажица сецкан магдонос и сол. Комбинирајте со 80g варен ориз.

216 kal, 1g масти

Вечера: Салата со карфиол

Измешајте 200gr варен карфиол со исечен домат и кромид. Направете сос од една лажица босилек, половина лажица од лимон, половина лажица маслиново масло, сол, бибер и прелијте го зеленчукот. Нека отстои половина час, а потоа комбинирајте со парче интегрален леб намачкан со 30g младо сирење и исечкајте свежа салатата по желба.

199 kal, 0g масти

3 Ден

Ручек: Пилешко со брокули и компири

Во 400 ml бистра супа варете 100g ситно сецкан компир, додајте кора од лимон и малку морско оревче. По 5 минути додадете 100g брокула, 100g тенко исечени пилешки гради и варете уште 5 минути. Во готовата супа посипете исецкан праз, по желба.

220 kal, 2g масти

Вечера: Салата со сирење

Помешајте 50g исецкана црвена пиперка, 50g исецкан целер на листови, 50g изрендан карфиол и едно ситно сецкано младо лукче. Направете сос од 30g посен јогурт со две лажици сос од домат, лажица сирење и лимонов сок, сол и црн пипер. Јадете со парче интегрален леб намачкан со посна павлака, пармезан и босилек.

211 kal, 5 g масти

Иако содржи повеќе од 90% вода, дебелите луѓе не би смееле да јадат лубеница во неограничени количини.

Ова овошје кое потекнува од семејството на тикви најдобро е да се јаде помеѓу 17 и 18 часот и тоа најмногу 120 грама дневно. Во тој период се лачат одредени хормони и ензими кои ни помагаат максимално да ги искористиме сите хранливи вредности на лубеницата, советуваат лекарите.

Оваа лубеница диета, со која во текот на пет дена можете да ослабите два килограми, е одлична за детоксикација на организмот. По пет дена диета, задолжително направете пауза од една недела, па ако сакате пак продолжете ја диетата. Во текот на диетата секој ден пијте по осум чаши вода, чај или свежо цеден сок.

Она што малку се знае е дека лубеницата е многу богата со шеќери и го покачува нивото на шеќер во крвта по оброкот, а со самото тоа се лачи инсули, кој не дозволува топење на мастите.

- Оние што држат лубеница диета може да изгубат вкупна тежина во вода и мускулна маа, но ако имаат вишок на маснотии во телото, тогаш оваа диета не е за нив – вели Dr. Gifing.

Лубеницата ја спречува хипертензијата

Секојдневното консумирање лубеница  го намалува крвниот притисок кај луѓе кои боледуваат од хипертензија, покажало истражувањето на научниците од Универзитетот на Флорида. Dr. Arturo Figueros, кој го водел ова истражување, објаснил дека лубеницата особено може да им помогне на луѓето со благо покачен притисок, така што ќе спречи да се развие во хипертензија со потполн облик.

Женскиот бостан е посладок

- Најдобра е онаа лубеница која што има темна, мат кора, не премногу сјајна.

- Кога ќе тропнете по кората, звукот што допира до вас не смее да потсетува на ехо добиено од празен предмет.

- Благата лубеница на врвот од петелката главно има јасен прстен, а шарите треба да бидат зелено-бели, а не две нијанси на зелена боја.

- Искусните продавачи велат дека женските лубеници се повкусни, а ќе ги препознаете по широкиот цвет кој се наоѓа спротивно од петелката.

Мени кое го чисти организмот

1. Ден

Ручек: 100g варено говедско месо, 100г варен ориз со сос од домат, парче лубеница.

Вечера: 50g сирење, парче тост

2. Ден

Ручек: тост, 50g варен пилешки стек (или од мисирка), парче лубеница.

Вечера: 100g риба на скара, парче тост, сезонска салата.

3. Ден

Ручек: 30g шпагети со сирење и патлиџан, парче лубеница.

Вечера: Мешана салата од патлиџан, краставица, пиперка, кромид и зелена салата, 50g свежо сирење, парче лубеница.

4. Ден

Ручек: Чинија супа од зеленчук, парче тост, 50g варено пилешко месо, парче лубеница.

Вечера: 2 варени компири со апрмезан, сезонска салата, парче лубеница.

5. Ден

Ручек: 50g варено говедско месо со шампињони, парче тост, парче лубеница.

Вечера: 50g свежо сирење, 2 парчиња тост, парче лубеница..

Kако полесно да ги издржите диетите?

Не е неопходно да направите драстични промени ако сакате да изгледате витко и убаво. За здрав живот понекогаш доволни се само неколку мали дневни ритуали кон кои ќе се придржувате.

За полесно да ги издржите диетите без прекршувања, придржувајте се кон следниве нешта...

Начин на живот

Важно е кога ќе одлучите да ослабете е да не го разбирате тоа премногу краткорочно. Сфатете го како придржување кон здрава исхрана, па затоа правите нови избори кога се во прашање оброците. На тој начин слабеењето ќе биде долгорочно и килограмите нема да ги вратите за само неколку недели.

Направeте едноставни замени

Започнете постепено, не се одрекувајте од сè наеднаш. Најпрво тестенините заменете ги со интегрално брашно, оброкот во кој има варен компир не го комбинирајте со леб или пак ако дневно пиете по 3 чаши млеко намалете ги на една. Исто така, бирајте намирници богати со вода, а сиромашни со калории.

Додајте неколку вежби

Многу истражувања тврдат дека вежбањето го регулира крвниот притисок, холестеролот, шеќерот во крвта, а воедно и го подобрува расположението. Се препорачува телото да го одржувате здраво и со 30 минутни вежби во текот на денот. Комбинирајте истегнување, вежби за сила и кардио вежби.

Направете здрав избор на брзата храна

Брзата храна е најчест избор на современите девојки и жени. Но, брзата храна не мора одма да значи и нешто нездраво. Наместо хамбургер и помфрит или тост, одберете сендвич полн со свежи салати и сосови, а вкусот може да го збогатите со омилените зачини. Тоа е многу поздрав избор, а воедно и побрз.

Обојте ја вашата чинија

Грижете се во порцијата да имате што повеќе бои. Тоа укажува на поздрав оброк полн со хранливи вредности. Почнете со црвената - домати, додајте малку жолта или портокалова - морков или пиперка, зелена - лиснат зеленчук, а додајте и малку сина - боровници.

Наменета е за оние кои покрај што сакаат да изгубат некој килограм, сакаат и да го прочистат својот организам од високо калорична и мрсна храна.

Постојат неколку диети со јогурт, но оваа  трае само три дена и е многу лесна.

Еве како треба да се одвива вашата исхрана во текот на тие три дена:

1 ден

• За појадок започнете со обичен или овошен јогурт, комбиниран со овесни снегулки по желба.
• За ручек издинстајте малку зеленчук и промешајте го со ориз и посолете по желба. За десерт или ужина, повторно заблажете се со овошен јогурт.
• За вечера исецкајте еден морков, јаболко и 50 грама шунка и се заедно пропржете на маслиново масло. На крајот оваа салата додадете ја во една шолја јогурт.
  
  

2 ден

• За појадок направете салата од јогурт и краставица.
• За ручек испржете едно парче бело месо во маслиново масло, во кое ќе додадете сечкани шампињони, домати, пиперки и се разбира јогурт.
• За вечера изедете две големи шолји јогурт промешани со неколку сушени плодови шумско овошје.
  
  

3 ден

• За појадок измешајте јогурт, сечкана јаболка и малку цимет.
• За ручек испечете еден филет ослиќ и салата од јогурт, рендана краставица и сенф.
• Вечерта завршете ја со 100грама сварени тестенини, ситно сечкана пиперка, варено јајце и сето тоа промешано со една шолја јогурт.