ПРАШАЊА ЗА РЕЛИГИИТЕ

Во Библијата, освен тоа што ќе најдете ден и ноќ пред создавањето на Сонцето, ќе најдете и магариња кои зборуваат, и уште многу многу други нелогичности за кои местото е во бајките.

Во Евангелието според Матеј 27:45-53, ќе го прочитате следново:

45. А од шестиот час беше темнина по целата земја до деветтиот час.
46. Околу деветтиот час Исус извика со силен глас и рече: „Или! Или! Лама
Савахтани!? - тоа значи: „Боже Мој, Боже Мој! Зошто си Ме оставил?”
47. А некои од оние, кои стоеја таму, кога го чуја тоа, рекоа: „Овој го вика Илија!”
48. И веднаш еден од нив отрча, зеде сунѓер, го натопи во киселина, ја надена на трска, и Му даваше да пие.
49. А другите велеа: „Остави! Да видиме дали ќе дојде Илија да Го спаси!”
50. А Исус извика пак со силен глас и го испушти духот.
 51. И ете! Завесата во Храмот се расцепи надве, одозгора додолу, и земјата се стресе, и карпите се распукаа,
 52. а гробовите се отворија, и воскреснаа многу тела на упокоени свети
53. и излегоа од гробовите по Неговото воскресение, влегоа во Светиот Град и се јавија на мнозина.

За што ќе зборувам и прашувам тука? погодувате, нема да зборувам за часот и ако и за тоа има за зборување, нема да зборувам за тоа што го кажал Исус и ако и за тоа има за зборување, ќе зборувам за отворањето на гробовите и излегувањето не светите од нив, и појавувањето на многумина, ќе зборувам за една од многуте вакви прикаски кои ги има во Библијата, збунувачки, почнати недовршени, оставајќи зад себе многу прашања и проблеми.

Овој настан е напишан само во Матеј, и тоа само во стиховиве кои ги цитирам. Нити еден друг од колегите на Матеј, другите евангелисти, Марко, Лука, Јован, немаат напишано ништо, нити збор за овој настан со светите. Исто така, за овој настан не зборуваат ни историските податоци, дури и Flavius Josephus ништо не споменал во врска со ова. Ни Петар, ништо не споменува за ова неколку денови после наводниот настан кога се обраќа луѓето, што може да прочитате во Делата на Апостолите. Павле, кој напишал голем дел од Библијата ништо не споменува во неговите писма за овој настан со светите. 

Замислете, толку голем настан, свети да излезат од гробовите и да се појават на многумина, денес би бил на секоја наслова страница на секој весник во светот, на секоја телевизија, насекаде по интернет, а тоа, за чудо, никој не го споменува освен Матеј. Зарем луѓето не зборувале за тоа? зарем луѓето не го прашувале на Петар за тоа? Зарем луѓето не побарале да се каже нешто повеќе во врска со тоа . . од Павле?

Освен тоа што никој друг не го споменува ова освен Матеј, интересно е да се знае кои се овие свети кои излегле од гробовите? кои се нивните имиња? зошто да излезат од гробовите? како излегле од гробовите, како тела во распаѓање, костури . . ? И, што станало со овие свети? Каде ти заминале? Сеуште се во светиот град? каде се кријат? дали се вратиле назад во нивните гробови? дали некој би сакал да се врати во гроб откако излегол од тамо . . ? 

Се надевам ќе се продискутира за овој проблем во Библијата од страна на Христијаните со евентуални одговори на прашањата и објаснување на настанот.

Изменето од vd - 12.Јануари.2008 во 20:16

Внеси реплика	страница <1 61 626364 65 98 >
Tweet