Фала за рецептот бабо , ќе видиме утре колку сум вешт...

Ледени коцки од малина



За да ги подготвите едноставниот и вкусни ледени коцки од малина, потребно ви околу половина час, неколку состојки и мала желба и причина за да се "проврткате" во кујна.

Што ви е потребно: 

• околу 600 грама малини 
• 250 мл ладно млеко
• 150 мл слатка павлака
• 3 кесички шлаг
• 1 кесичка ванилин шеќер

Начин на подготовка:

Помешајте ги млекото и слатката павлака, додајте го шлагот и ванилиниот шеќер и миксирајте додека смесата не се изедначи. Потоа, сипете ја смесата во сад кој минимално сте го намачкале со масло или путер, а одозгора распоредете ги малините.

Покријте со алуминиумска фолија и ставете ги во замрзнувач. После 3-4 часа, штом смесата добро ќе се 'стегне', исечете ја смесата на коцки и послужите со преостанатите малинки.



Изменето од ФорумскаБаба - 29.Јули.2010 во 04:01

Некоја од оние..постарите рецепти...

Брз колач (брзи гонзалес)



Потребни состојки:

6 јајца
20 лажици шеќер
30 лажици брашно
200 мл. млеко
200 мл. масло за јадење
1 кесичка прашок за печење

Шербет (фил):
30 лажици вода
20 лажици шеќер
1 маргарин
6 лажици какао
100 гр. чоколадо
2 кесички ванилин шеќер

Во сад за матење со миксер се матиме 6 јајца и 20 лажици шеќер се додека шеќерот не се растопи. Потоа се додаваат млекото и маслото за јадење. Кесичката прашок за печење се меша со 30 лажици брашно, а потоа го додаваме во садот за матење и матиме додека смесата не се изедначи. Колачот го печиме во намрсена тава на 180oС околу 30 минути. Откако колачот ќе се испече, го вадиме од рерната и го оставамр настрана да се олади. Во меѓувреме го подготвуваме шербетот (филот). 30 лажици водата и 20 лажици шеќер ги ставаме во тенџере на оган да се варат. Го додаваме маргаринот, 6-те лажици какао и 100-те гр. чоколадо, мешаме, и оставаме шербетот да зоврие.откако ќе зоврие го тргаме од огнот и ги додаваме 2-те кесички ванилин шеќер и мешаме додека да се растопи. Испечениот колач го сечиме на коцки или ромбови и врз него со лажица внимателно, пополека, истураме од шербетот. Внимателно ставаме од шербетот меѓу секое парче додека целосно не го потрошиме.

Десерт од бобинки

Потребно:

600 г боровинки, рибизли
2 ќесички ванилин шеќер
70 г кафен шеќер
1 ќесичка шлаг

Приготвување: овошјето добро измијте го, исцедете го, па изладете го во фрижидер. Потоа, измешајте го со двата вида шеќер и распоредете го во чаши за послужување. Пред да го послужите, десертот добро изладете го и украсете го со изматениот шлаг.

Алва од бадеми


- 50 гр. Бадеми
- 2 чаши шеќер
- 150 гр. Путер
- 1 чаша гриз
- 3 чаши вода
Потребно време за подготовка на овој десерт е 20- тина минути.
На оган ставаме едно тенџере и во него ги ставаме трите чаши вода. Во водата ги додаваме двете чаши шеќер и оставаме да зоврие. 
На даската за сечење крупно ги рендаме бадемите. На оган ставаме уште едно тенџере и во него ги ставаме ренданите бадеми и гризот. Промешуваме и оставаме да се пржат на тивок оган додека да пожолтат. Во првото тенџере со шербетот додаваме 150 гр. Путер и промешуваме со лажица за путерот побрзо да се растопи. Откако шеќерот и путерот потполно ќе се растопат со црпалка црпиме од смесата и додаваме во тенџерето со испржен гриз и бадеми. Непрекинато мешајќи на оган смесата ја вариме додека не се згусти. Го тргаме тенџерето од оган и го ставаме на работната маса. Наполу изладената алва ја ставаме во метален калап облепен со алуминиумска фолија. Убаво ја рамниме горната површина на алвата. 
На оган ставаме тенџере и во него ставаме путер и чоколадо за готвење да се растопат. Откако Путерот и чоколадото се растпоени го тргаме тенџерето од оган. Со чоколадниот прелив со црпалка ја преливаме алвата. Калапот со алва го ставаме во замрзнувач да са стегне. Откако алвата е стегната го вадиме калапот од замрзнувач и го ставаме на работната маса. Ја отстрануваме фолијата и со остар нож сечеме поголеми триаголни парчиња од алвата со бадеми. Парчињата од сите страни ги валкаме во преостанатиот чоколаден прелив. 
Потоа парчињата ги редиме на чинија за послужување. 
Ги украсуваме со детелинки од лупени бадеми. 
Со тоа алвата од бадеми е подготвена.

Чоколаден кох

Смокви со цимет

Потребно:

* 8 смокви
* 60 мл сок од лимон
* 50 г кафен шеќер
* 200 г крем сирење
* 1/2 лажичка цимет
* 1/2 лажичка шеќер во прав

Приготвување: смоквите исечете ги на кришки, па премачкајте ги со смесата од сокот од лимон и кафениот шеќер. Ставете ги во загреана рерна на 200 степени и печете ги околу 10 минути. Крем сирењето, циметот и шеќерот во прав измешајте ги. Во чинија за послужување прво ставете ја смесата од сирењето, а врз неа печените смокви.