Овој колач е многу омилен, а неверојатно лесно се прави. Ние за денеска се решивме да го правиме со вишни. За негова подготовка не ви е потребна некоја посебна вештина, а бидете сигурни дека со овој превкусен десерт ќе ги воодушевите сите!

Потребни состојки:

• 5 јајца
• 3 шолји шеќер
• 3 шолји масло
• 6 шолји брашно
• 1 прашок за пециво
• 1 лажица кисело млеко
• Половина килограм вишни (можете и повеќе или помалку, останува на вашата желба)

Подготовка:

1. Со миксер изматете јајца и додадете ги сите состојки освен вишните. Во плех кој претходно сте го обложиле со хартија за печење, сипете 2/3 од добиената смеса. Преку неа ставете ги вишните, а преку вишните преостанатата третина од смесата.
2. Колачот се пече отприлика 25 до 30 минути на 170 степени. Кога малку ќе се излади посипете го со шеќер во прав.

Совет: Наместо со вишни, овој колач можете да го направите и со друго овошје: Сливи, кајсии, малини, праски, јаболки…

• 
  
• 
  
• 800гр конзервиран ананас
• 70гр кафеав шеќер
• 120гр путер
• 150гр брашно
• 160гр шеќер
• половина лажичка прашок за пециво
• 120мл сок од ананас
• 1 јајце
• половина лажичка екстракт од ванила
• малку сол

полнење:

• 3/4 шоља слатка павлака
• 2 лажици шеќер
• 12 кандирани цреши или вишни

Начин на подготовка:

Чекор 1: Вклучете ја рерната на 180°C. Ставете масло на калапите. Извадете го ананасот од конзерва и ставете го на хартија да се исцеди. Сокот може да го користите подоцна. Истопете го путерот и помешајте со кафеав шеќер. Добиената смеса ставете ја дното од калапот за мафини – околу 2 лажици во секоја.

Чекор 2: Исцедениот ананас исецкајте го на помали парчиња, па додадете ги преку путерот и шеќерот на дното од калапите. Обидете се убаво да изгледаат – како цвет.

Чекор 3: Во подлабок сад матете брашно, 3/4 шољи шеќер, прашок за пециво и малку сол. Додадете путер и сок од ананас и матете рачно. На крајот додадете јајце и екстракт од ванила. Мешајте додека не добиете компактна смеса. Прелијте преку парчињата ананас во калапите, така што ќе бидат еднакво пополнети.

Чекор 4: Печете околу 20-25 минути. Боцнете со чепкалка да проверите дали тестото е испечено. Доколку чепкалката е чиста, колачот е испечен. Извадете ги од рерна и оставете да се олади 5 минути.

Чекор 5: Изматете слатка павлака со шеќер додека не се згусне. Ставете ја преку оладениот колач, и декорацијата заокружете ја со кандинирани цреши или вишни!

Еднаш да ја пробате и ќе стане вашата омилена торта

Потребни состојки за кората:

–      8 белки

–      8 лажици шеќер

–      200 гр кокосово брашно

–      6 лажици млеко

–      6 лажици масло

–      4 лажици густин

–      2 лажици пециво

Потрени состојки за жолт фил:

–      300 мл млеко

–      5 лажици шеќер

–      1 пудинг од ванила

–      150 гр путер

–      100 гр мелени лешници

Потребни состојки за кафен фил:

–      8 жолчки

–      8 лажици шеќер

–      1 кесичка ванила

–      150 гр чоколада за готвење

–      150 гр путер

–      шлаг за декорација

Подготовка:

4 белки изматете ги со 4 лажици шеќер. Кога пенесто ќе се измати додајте 100 гр кокос, 3 лажици млеко, 3 лажици масло, 2 лажици густин и една лажица пециво. Печете на 180 степени додека не се исуши горниот слој. Истото повторете го со остатокот од состојките. Кога корите ќе бидат испечени попраскајте ги со млеко.

Ставете на оган 300 мл млеко со 5 лажици шеќер. Кога ќе проврие додајте го пудингот од ванила. Во изладената смеса додајте го путерот и 100 гр пропржени лешници.

Изматете ги 8-те жолчки со 8 лажици шеќер и една кесичка ванилин шеќер. Сето тоа правете го на пареа. Додајте 150 гр чоколада за готвење и продолжете со мешање додека смесата не се изедначи. Оставете ја смесата да се излади, а потоа додајте го путерот.

Редете кора па жолт фил, кора па кафен фил. На крајот може да ја декорирате тортата со шлаг.