Tенис

да бе

ТЕНИС - ПО ТРИЛЕР ФИНАЛЕ ПО 4 ЧАСА И 48 МИНУТИ, ИМАМЕ НОВ ШАМПИОН НА ВИМБЛДОН

Надал ја симна круната на Маестрото Федерер

Рафаел Надал конечно ја прекина петгодишната доминација на Рожер Федерер на Ол Ингланд Клубот, откако во супер-драматичен меч од 4 часа и 48 минтуи во пет сета го совлада Швајцарецот во можеби најдобриот меч во историјата на тенисот. Надал водеше со 2:0 во сетови, но мораше да го изддржи импресивното враќањето на Федерер, кој го бркаше рекордот на Бјорн Борг од шест титули по ред за 6:4/6:4/6:7(5:7)/6:7(8:10)/9:7 победа. Надал пак стана првиот тенисер по Борг во 1980 година кој победил на Ролан Гарос и на Вимблдон во иста сезона, откако во Париз го уништи Федерер во три сета за четврта титула по ред од гренд слемот на земја.

"Не можам да објаснам што чувствувам во моментов. За мене беше сон да играм на овој терен, а за титулата да не зборуваме", изјави Шпанецот

На крајот Федерер во солзи го прими трофејот

"Се обидов да направам се, но малку предоцна. Рафаел Надал е вреден шампион на Вимблдон. Очекував и полош пораз. Се надевам дека следната година ќе бидат тука и ќе го предизвикам Надал", изјави емотивно Федерер.

Федерер направи неверојатен камбек пред последното одложување поради дожд за да израмни на 2:2. Швајцарецот спаси две меч топки во нервозниот четврти сет, од кој едниот со неверојатен пас со бекхенд, пред да го освои тај-брејкот со 10:8. Светскиот број 1 губеше со 4:6/4:6, но остана во игра пред дождот да направи пауза од 81 минута.

Во првите два сета, Надал ги искористи сите свои шанси, додека Швајцарецот играше добро, но не и на клучните поени. Со 30 минути задоцнувањето финалето почна со чудно и со два брејка Надал го освои првиот сет. Федерер направи брејк за 2:0 водство во вториот сет, но Надал се врати со брејк во седмиот гем, по што направи нов брејк за 2:0 во сетови.

Надал беше блиску до победа при 3:3 во третиот сет, кога Федерер падна на 0:40, но успеа со одличен сервис да се врати во игра. По паузата поради дожд, Швајцарецот играше подобро на форхенд и стигна до тај-брејк. Надал поведе со 5:2, но потоа направи двојна сервис грешка и имаше меч поен при 7:6.

Ова е шесто меѓусебно гренд слем финале за двајцата најдобри тенисери на денешницата, и дури 14 АТП финале, со што се на петтото место во Опен ерата само зад Лендл-Мекинро (20), Агаси-Сампрас (16), Бекер-Едберг (16) и Конорс-Мекинро (15).

Двајцата можеби не се најдобри пријатели, но имаат релативно добри односи. Лани, кога Надал имаше проблем да најде комерцијален лет од турнирот во Монтреал до друг во Синсинати, Федерер му даде превоз во неговиот приватен авион. Кога ќе се сретнат во соблекувалните, тие зборуваат, често за фудбал, а пред неколку години Надал побара од Федерер да играат двојки заедно, но тоа не се случи. Двајцата зборуваат само комплименти за играта на другиот, дури иако на Федерер не му се допаѓа колку време Надал троши меѓу поените.

ФИНАЛИЊА НА ВИМБЛДОН ШАМПИОНАТОТ

МАЖИ

(2) Рафаел Надал - (1) Рожер Федерер 6:4/6:4/6:7(5:7)/6:7(8:10)/9:7

ЖЕНИ

(7) Венус Вилијамс - (6) Серена Вилијамс 7:5/6:4

МАЖИ - ДВОЈКИ

(2) Нестор/Зимоњиќ - (8) Бјоркман/Алјет 7:6(14:12)/6:7(3:7)/6:3/6:3

ЖЕНИ - ДВОЈКИ

(11) С.Вилијамс/В.Вилијамс - (16) Рејмонд/Стосур 6:2/6:2

ЈУНИОРИ

(9) Григор Димитров - Хенри Континен 7:5/6:3

ЈУНИОРКИ

Лора Робсон - (3) Нопаван Лертчивакарн 6:3/3:6/6:1

СЕМЕЈСТВОТО ВИЛИЈАМС БЕШЕ СИГУРНО ДЕКА ЌЕ ИМА ШАМПИОН

Венус до петтиот триумф по сестринското финале

Венус Вилијамс ја совлада својата помлада сестра Серена со 7:5/6:4 за да го освои петтиот трофеј од Вимблдон и седма гренд слем титула во кариерата по драматичното финале. Вилијамс, која по вторпат ја одбрани титулата од најпрестижниот тениски турнир на светот за трета титула во четири години, вели дека не можела да биде целосно среќна.

"Мојата прва работа е како голема сестра и тоа го сфаќам многу сериозно", изјави 28-годишната Американка откако ја обезбеди титулата по 1 час и 51 минута.

Двете сестри досега играа во шест гренд слем финалиња, вклучувајќи две на Ол Ингланд Клубот, од кои само првиот меѓусебен дуел, на УС Опен во 2001 и припадна на Венус. Откако направи брејк во првиот гем од мечот Серена изгледаше во предност со моќниот сервис. Но, 26-годишната Серена не успеваше да ги освои најважните поени, пропуштајќи дури четири брејк топки во првиот сет.

"Таа беше подобра денеска и работите не отидоа како што планирав", изјави шестата носителка Серена.

Венус потоа со малку среќа и малку дарежливост од помладата сестра го освои првиот сет. Прво Венус остана на свој сервис кога среќното топче удри во мрежа, а потоа се случи уште побизарен инцидент. Во деветтиот гем Серена случајно викна "не" во средина на поенот додека топчето беше во игра. Судијата побара поенот да се преигра, но Серена одби, предавајќи го поенот и 5:4 водство на постарата сестра. Додека Серена беше нестабилна на своите поени, Венус беше клинички точна во секој момент.

По титулата, Венус имаше амбициозна цел, да сонува за израмнување на рекордот на Вимблдон на Мартина Навратилова - девет титули.

"Сега се пет. Тоа беше првото нешто на што помислив. Со толку победи сум во поинаква сфера. Да беше на било кој друг турнир е неверојатно, но тука престижот е неверојатен. Крајната цел секако е тоа што го направи Мартина, но не би било лесно. Нејзината кариера траеше три декади и не знам дали имам толку време", вели 28-годишната Венус, која ги освои титулите во 2000, 2001, 2005, 2007 и 2008.

Помладата сестра пак размислуваше на тактиката за тоа како да ја совлада Венус во следниот меѓусебен дуел.

"Мислам дека нејзината тактика беше да го сервира секое топче во тело. Задоволна сум што беше така, бидејќи ќе знам што да правам во следната прилика. Го загубив ритамот и направив многу грешки", вели Серена.

СЕРЕНА И ВЕНУС ПО ФИНАЛЕТО ВО СИНГЛ, ОДИГРАА УШТЕ ЕДНО ФИНАЛЕ

Сестрите славеа заедно во двојки

Кога Венус Вилијамс го освои вториот меч поен во саботата на Вимблдон, дури и нејзината помала сестра Серена можеше да прославува. Три и пол часа откако Венус ја совлада Серена во натпреварот во сингл, Американките го играа финалето во двојки во кое со 6:2/6:2 ги совладаа Американката Лиза Рејмонд и Австралијката Саманта Стосур.

Со триумфот, Венус и Серена имаат 7-0 скор во гренд слем финалиња во двојки, а стигнаа и до третата титула од Ол Ингланд Клубот.

"Двете работевме напорно оваа година и мислам дека резултатите го покажаа тоа тука, во сингл и во двојки", изјави Венус по победата во сингл.

Сестрите последен пат победија во двојки на Вимблдон во 2002 година, првата од двете години кога Серена ја совлада Венус во финалето во сингл. Тие одбија да зборуваат со новинарите по мечот.

Сестрите имаат 34 турнири во двојки, од кои во дури 11 освоија титули, вклучувајќи ја Олимпијадата во Сиднеј. Вклучувајќи ги парите добиени за во сингл, семејството Вилијамс доби повеќе од 2.5 милиони $ во саботата.

БРИТАНИЈА ДОБИ ЈУНИОРСКА ШАМПИОНКА

Робсон го крена британскиот дух

14-годишната Англичанка Лора Робсон стигна до првата Вимблдон титула во јуниори за Британија по 24 години, откако ја совлада Тајланѓанката Новапан Лерчивакарн со 6:3/3:6/6:1 во финалето во саботата. Младата девојка од Лондон мораше да се бори 1 час и 34 минути со фаворизираната 16-годишна Тајланѓанка.

"Денеска беше толку добро. Публиката беше зад мене и искуството беше неверојатно. Не се чувствував опуштено пред толку многу луѓе", вели Робсон, која е родена во Австралија.

Последна Британка со јуниорска титула на Ол Ингланд Клубот беше Анабел Крофт во 1984 година, а во последните години титулите ги освојуваа тенисерки како Мартина Хингис, Амели Морезмо, Катарина Среботник, Агниешка Радванска и Каролине Возниацки.

Вонеделното финале кај јуниорите, деветтиот носител, 17-годишниот Бугарин Григор Димитров стигна до својот прв јуниорски гренд слем, откако со 7:5/6:3 го совлада Финецот Хенри Континен.

СРПСКО-КАНАДСКАТА ДВОЈКА ДО КРУНАТА ВО ДВОЈКИ

Нестор и Зимоњиќ го расипаа збогувањето со Бјоркман

Канаѓанецот Даниел Нестор и Србинот Ненад Зимоњиќ ја освоија титулата во двојки во саботата со тешка 7:6/6:7/6:3/6:3 победа над Швеѓанецот Јонас Бјоркман и Кевин Алјет од Зимбабве. Ова е прва гренд слем титула како двојка за Нестор и Зимоњиќ, а во исто време тие не му дозволија на Бјоркман, кој ќе се пензионира на крајот на годината, совршен крај на неговата кариера на Вимблдон.

"Беше навистина возбудливо до крајот. Беше одлично да се биде на Централниот Терен, бидејќи немаш многу шанси да играш таму", вели Нестор, кој е првиот Канаѓанец со круна од Вимблдон.

Нестор и Зимоњиќ беа финалисти на Ролан Гарос минатиот месец, додека Бјоркман и Алјет го играа првото големо финале како двојка. Ова е четврта гренд слем титула за Нестор, откако освои три со Марк Ноулс (Австралиски Опен 2002, УС Опен 2004 и Ролан Гарос 2007). Бјоркман има три титули од Вимблдон со Тод Вудбриџ од 2002 до 2004 и вкупно девет големи титули.

ТЕНИС - НА АМЕРИКАНКАТА НЕ И ПРЕЧЕШЕ ДОЛГИОТ ПАТ

Серена се врати во САД за да игра на Светскиот Тимски Тенис

Три дена откако загуби од својата сестра во финалето на Вимблдон, Серена Вилијамс се одмараше во својот дом во Париз, а потоа леташе за Лондон, па "го преспа" транс-атлантскиот лет за да стигне во Вашингтон. Веднаш по пристигнувањето таа се појави во младинска тениска школа и имаше прес-конференција за промоција на нејзини производи, за на крајот долгиот ден да заврши со деби за тимот на Вашингтон Кастлс во Светскиот Тимски Тенис шампионат.

"Малку е чудно, но не застанувам", вели Вилијамс.

Таа не покажа знаци на умор на теренот со победа над светската тенисерка број 189, Мари-Ив Пелетие. Вилијамс победи 7 од 10 гема против Пелетие, но тоа не беше доволно нејзиниот тим да стигне до победа - Кастлс загубија со 22:19 од Бостон Лобстерс.

"Не бев воопшто уморна и ако требаше ќе играв уште два сета", вели Вилијамс.

Вилијамс исто така играше двојки и мешани двојки во Вашингтон. Заедно со Џастин Гимелштоб, кој минатата недела се најде во многу проблеми по коментарите за Ана к*рникова, тие загубија со 5:2 од Јан-Мајкл Гамбил и Ракел Копс-Џонс. Потоа Вилијамс заедно со Машона Вашингтон стигна до 5:4 победа во женски двојки против Пелетие и Копс Џонс.

Ваков ден не е вообичаен за професионална тенисерка која се подготвува за натпреварување, но Светскиот Тимски Тенис (ВТТ) е задоволен од промоцијата. Кастлс се најмладиот тим во лигата од 11 тима која ја започнува својата 33 сезона. Основачот на ВТТ, Били Џин Кинг вели дека сега на Вашингтон му треба турнир.

Мечот на Вилијамс беше распродаден бидејќи е единствениот натпревар во Вашингтон за Кастлс оваа сезона, а атмосферата беше сосема поинаква од Централниот Терен на Вимблдон, каде што загуби од постарата сестра Венус во гренд слем финалето во сабота.

"Бев навистина разочарана, така што ова е добра забава. Возбудена сум што играм тенис, иако не сум навикната да играм така бргу по голем турнир", вели Серена.

Вилијамс последен пат играше во ВТТ во 2000 за Делавер Смеш, а минатата година беше во тимот на Сент Луис Ејсес, но се повлече поради повреда. Во Вашингтон таа дојде со една од своите помалку познати сестри, Иша, која работи во Сутерн Тенис центарот во американската престолнина.

Покрај Серена оваа година на оваа полу-професионална лига ќе им се приклучат и имиња како Енди Родик, Мартина Навратилова, Линдзи Девенпорт и Ана к*рникова.

Но, и да не заборавиме, Венус, која игра за Филаделфија Фридомс.

"Да, тоа е убавината на ВТТ, привлекува многу големи имиња. Венус Вилијамс, која има освоено пет титули од Вимблдон, барем така мислам", се пошегува Серена.

РЕЗУЛТАТИ:

МЕРЦЕДЕС КУП - ШТУТГАРТ, 568.000Е

2.КОЛО

Берер - (3) Алмагро 7:5 пред.

(6) Каљери - Куевас 5:7/7:5/6:1

АЛИАНЦ СВИС ОПЕН - ГШТАД, 389.000Е

2.КОЛО

Чилиќ - (2) Матју 6:3/6:4

(7) Андреев - Сера 7:5/6:4

(8) Кањас - Флиген пред.

КАТЕЛА ШВЕДСКИ ОПЕН - БАСТАД, 326.000Е

2.КОЛО

(2) Вердаско - Елескович 6:0/4:2 пред.

Стараче - Сафин 7:6(7:4)/3:6/6:4

Ренквист - Ридерштед 6:3/7:5

КЕМПБЕЛ ХОЛ ОФ ФЕЈМ ШАМПИОНАТ - ЊУПОРТ, 385.000$

1.КОЛО

Левајн - (5) Изнер 6:3/6:1

(7) Данчевич - Дент 3:6/7:5/6:1

(8) Андерсон - Милер 6:7(3:7)/6:3/6:3

к*реши - Бекер 7:5/7:6(7:5)

Амритраж - Сириани 6:7(3:7)/6:4/6:4

ГАЗ ДЕ ФРАНС ГРАН ПРИ - БУДИМПЕШТА, 175.000$

2.КОЛО

Клепац - (1) Шавај 6:2/6:3

(2) Корне - Рибарикова 6:2/6:2

Гренефелд - (5) Шафарова 6:1/6:4

Шпрем - Обцилер 6:2/6:1

ИНТЕРНАЦИОНАЛИ ФЕМИНИЛИ ДИ ТЕНИС - ПАЛЕРМО, 145.000$

1.КОЛО

Де Лос Риос - (3) Резаи 6:4/6:1

Чакнашвили - (6) Викмаер 4:6/7:6(7:4)/6:4

(7) Корицева - Ворачова 6:4/3:6/6:3

Домингез Лино - О'Брајан 5:7/6:3/6:0

Санчез - Бичкова 7:6(7:1)/4:0 пред.

Воскобоева - Лоа 4:6/6:3/0:1 пред.

Хан - Кербер 6:4/6:0

Пављученкова - Винчи 7:5/6:3

Дентони - Брианти 4:6/7:6(7:3)/7:5

Кифер бара место за пријателот Шутлер

Германецот Николас Кифер сака неговиот добар пријател, ветеранот Раинер Шутлер да добие место во германскиот олимписки тим во Пекинг, откако минатата недела изненадувачки стигна до полуфиналето на Вимблдон. Кифер и Шутлер, обајцата со 32 години освоија сребро во Атина во 2004 година и сега сакаат да добијат нова шанса за олимписка слава.

Кифер, кој игра на турнирот во Гштад првпат по осум години побара да се направи исклучок за неговиот пријател Шутлер, кој ја пропушти селекцијата на тимот, која се случи во средина на турнирот на Вимблдон.

"За Раинер се работеше за една недела подоцна од потребното, но се надевам дека федерацијата ќе размисли и ќе му дозволи да дојде во Пекинг. Барем ако ништо друго нека дојде со нас и потоа да видиме дали може да игра во двојка. Би сакал да играм покрај него повторно и можеби повторно ќе се обидеме да освоиме злато", вели Кифер, кој првпат играше во Гштад пред 10 години во еден од неговите први турнири со вајлд-карта.

Стараче го сопре и Сафин

Потито Стараче го совлада полуфиналистот од Вимблдон, Марат Сафин со 7:6(4)/3:6/6:4 за да се пласира во четвртфиналето на Шведскиот Опен во Бастад. Сафин, кој играше на турнирот првпат од 1998 година, победи во единствениот предходен дуел на двајцата тенисери на Ролан Гарос во 2004. Италијанецот Стараче во првото коло го совлада шампионот од 2002 година, Карлос Моја во меч во кој спасуваше меч поен против ветеранот кој го пропушти Вимблдон поради повреда на рамото.

Сафин од друга страна во првото коло играше далеку подобро и ја избриша предноста од 3:0 на Шпанецот Марк Лопез да победи во два сета.

Квалификантот Бјорн Ренквист исто така е во четвртфиналето на турнирот на земја откако го совлада шведскиот сонародник Михаел Ридерштед со 6:3/7:5. За Ренквист ова е само четврта АТП победа од 1996 година. Тој беше последниот Швеѓанец кој освоил гренд слем јуниорска титула, откако во 1996 година го освои Австралискиот Опен.

"Ова секако е подобро од таа победа", вели Ренквист, кој сега има 30 години и е рангиран на 226. место.

Следен за Ренквист е минатогодишниот финалист, Шпанецот Фернандо Вердаско кој влезе во четвртфиналето откако Швеѓанецот Ервин Елескович се повлече во вториот сет поради повреда.

ТЕНИС - ЕП ЗА МЛАДИ КАТЕГОРИИ

Добар старт на Јотовски

Во Австрија, Русија и Чешка се одржуваат натпреварите на ЕП за млади категории (18, 16 и 14 год) каде секоја селекција настапува со максимум двајца тенисери во машка и во женска конк*ренција.

Убави вести, барем од првата рунда дојдоа само од Австрија, каде нашиот Јотовски, имаше добар старт. Со 2:0 (6/3 и 6/3) го доби К. Буту (Мол) со што велзе меѓу 32 најдобри на Стратиот континет. Денеска, пак, ќе има тежок двобој против Ф. Ланг (Аут - 13. носител) со кого во меѓусебниот дуел Јотовски е во водство со 1:0. Вториот наш тенисер Деспотовски игра против Карушевиќ (Рус).

Во Русија, во Москва на ЕП за играчи до 16 години Ристовски загуби од Дедерукс (Лук) со 2:1 (6/4, 4/6, 6/2), а Мицов од Бломген (Шве) исто така со 2:1 (7/5, 3/6, 6/4). За девојките сеуште нема епилог. Лепчевска игра против Иваненко (Укр), додека Милошевска со Цимерман (Изр).

Од Прага, во Чешка, на ЕП до 14 години, засега нема новини. Зеленков игра против Виратер (Лук), Николовгски со Давковиќ (БиХ), Јованова се среќава со Сехегард (Нор), а Ѓорчевска Ќе се проба против Љубиќ (Хрв).

НАЈНОВА АТП РАНГ-ЛИСТА

Само Русевски мирува

Најновата АТП ранг листа за нашите тенисери воопшто не е поволна. Единствен кој и неделава ќе ја мине на истата позиција, важи само за двојки, е Предраг Русевски (270) додека сите останати, и во двојки и во сингл бележат пад, пад кој со оглед на летниот период повеќе или помалку е очекуван.

Во двојки Л. Магдинчев има негатиба од 3 места, од мината анедела, па сега котира на 289 позиција, Мартиноски е 994 (-16), Крстевски - 1271 (-13), Деари - 1323 (-13), додека Грабулсоки - 1497 (-10).

Во сингл Русевски има пад од 5 места (494), Магдинчев е 908 (-4), Мартиноски - 938 (-6), а Грабулоски - 1382 (-9).

ИТФ РАНГ ЛИСТА

Сите со негатива

Слично како кај сениорите и јуниорите на ИТФ листата имаат благ пад. омислав Јотовски кој минаната недела бешЕ 88 - рангиран, има пад од 3 позиции па сега котира на 91 место, Мицов - 803, Деспотовски - 1351, а Јосифовски - 1427.

Кај девојките Јосифоска е на 223 местѕо, Лепчевска - 1023, а Анонова - 1504.

ТЕНИС - И ПОКРАЈ ТОА ШТО ШПАНЕЦОТ СЕ ДОБЛИЖИ НА САМО 300 ПОЕНИ

Федерер не се плаши од предизвикот на Надал

Рожер Федерер смета дека нема голема опасност во на прв изглед незапирливиот марш на Рафаел Надал кон неговото прво место на АТП рејтинг листата. Швајцарецот е светски број 1 од 2004, а оваа недела ќе мора да ја брани титулата од Мастерс турнирот во Синсинати.

"Се чувствувам добро, навистина сум фокусиран. Не размислувам за Рафа, бидејќи тој е во другиот дел од ждрепката. Секако тој игра одличен тенис и е на неверојатна победничка серија", вели Федерер.

Надал стигна до својата седма титула во 2008 и петта по ред, откако го совлада германскиот ветеран Николас Кифер во два сета за титулата од Мастерсот во Торонто.

"Сега повторно сум на хардкорт подлога и навистина е тешко да се победува. Но, тоа што го прави Рафаел е навистина страшно", вели Федерер.

Светскиот број 1 вели дека битката за опстанок на првото место не може да му донесе дополнителен стрес откако на финалето на Вимблдон, каде што имаше пет титули по ред загуби од шпанскиот ривал во епски меч од пет сета овој месец.

"Секогаш постои притисок, но очекувам да победувам во моите мечеви и на моите турнири. Тоа го правам четири или пет години и не е ништо ново. Сега само местото број 1 е под поголема закана", вели Федерер.

И покрај се 26-годишниот Швајцарец вели дека се заддржува на својот долгорочен пристап кој ја карактеризира неговата игра.

"Се фокусирам на поголемата слика, да се подготвам добро и да не мислам на рејтинг-листите. Знам дека сега сите ќе зборуваат за тоа, а Рафа ги заслужува пофалбите. Сега само треба да се подготвам за игра на хардкорт тука и да бидам во добра форма за Олимпијадата", вели Федерер.

Надал пристигнува во Синсинати на само 300 поени зад Федерер, кој загуби во својот прв меч во Торонто од Французинот Жил Симон. Шпанецот е второрангиран зад Федерер рекордни 157 недели, и следната недела ќе биде број 1 ако ја освои титулата, а Федерер, кој е на врвот исто така рекордни 234 недели загуби пред полуфиналето.

"Мислам дека морам да бидам среќен, многу среќен без разлика на тоа дали сум светски број 1 или број 2. Ако сум број 2, тогаш тоа е само бидејќи пред мене е неверојатен тенисер како Рожер. Секој тенисер сака да биде број 1. И јас би го сакал тоа. Но, засега сум број 2 и задоволен сум", изјави скромно Надал, шампионот од Ролан Гарос и Вимблдон.

Неделната победа на Надал беше 30. во 38 финалиња. Ова исто така беше негова 12. Мастерс титула и доаѓа во сезона во која тој ја освои четвртата титула по ред на Ролан Гарос и првата титула во кариерата од Вимблдон.

АТП РЕЈТИНГ ЛИСТА

1.(-) Рожер Федерер (Шва) 6.605

2.(-) Рафаел Надал (Шпа) 6.305

3.(-) Новак Ѓоковиќ (Срб) 5.055

4.(+1) Давид Ферер (Шпа) 2.945

5.(-1) Николај Давиденко (Рус) 2.925

6.(-) Енди Родик (САД) 2.065

7.(-) Давид Налбандиан (Арг) 2.005

8.(-) Џејмс Блејк (САД) 1.980

9.(-) Енди Мареј (Бри) 1.835

10.(-) Станислас Вавринка (Шва) 1.685

11.(+1) Ришар Гаске (Фра) 1.545

12.(+1) Николас Алмагро (Шпа) 1.435

13.(-2) Фернандо Вердаско (Шпа) 1.400

14.(+8) Жил Симон (Фра) 1.390

15.(-) Фернандо Гонзалез (Чил) 1.340

16.(-2) Томи Робредо (Шпа) 1.315

17.(-1) Михаил Јужни (Рус) 1.280

18.(-1) Жо-Вилфрид Цонга (Фра) 1.265

19.(+18) Николас Кифер (Гер) 1.245

20.(-2) Радек Штепанек (Чеш) 1.240

ВТА РЕЈТИНГ ЛИСТА

1.(-) Ана Ивановиќ (Срб) 3.828

2.(-) Јелена Јанковиќ (Срб) 3.740

3.(-) Марија Шарапова (Рус) 3.626

4.(-) Светлана Кузнецова (Рус) 3.455

5.(-) Серена Вилијамс (САД) 3.251

6.(-) Елена Дементиева (Рус) 3.105

7.(-) Венус Вилијамс (САД) 2.606

8.(+1) Динара Сафина (Рус) 2.522

9.(-1) Ана Чакветадзе (Рус) 2.176

10.(-) Агниешка Радванска (Пол) 2.141

11.(-) Вера Звонарева (Рус) 1.977

12.(-) Даниела Хантухова (Свк) 1.837

13.(-) Пати Шнидер (Шва) 1.802

14.(-) Агнес Шавај (Унг) 1.610

15.(-) Марион Бартоли (Фра) 1.550

16.(-) Викторија Азаренка (Блр) 1.455

17.(-) Надја Петрова (Рус) 1.390

18.(+3) Флавија Пенета (Ита) 1.350

19.(-1) Ализе Корне (Фра) 1.268

20.(-1) Марија Кириленко (Рус) 1.203

ТЕНИС ОВАА НЕДЕЛА

АТП - ВЕСТЕРН & САУТЕРН ФИНАНШЛ ГРУП МАСТЕРС - СИНСИНАТИ, 2.615.000$

ВТА - РОЏЕРС КУП - МОНТРЕАЛ, 1.340.000$

ВТА - НОРДЕА НОРДИК ЛАЈТ ОПЕН - СТОКХОЛМ, 145.000$

Сафина го освои Лос Анџелес

Динара Сафина немаше многу проблеми во продолжувањето на импресивната серија. Четвртата носителка од Русија ја освои својата втора титула во 2008 во неделата со импресивна 6:4/6:2 победа над 10. носителка Флавија Пенета на Ист Вест Бенк Класик во Лос Анџелес.

Сафина го подобри својот скор на 22-3 од почетокот на мај, од кога стигна до титула во Берлин и до изненадувачкото место во финалето на Ролан Гарос. Ова е седма титула во кариерата за помладата сестра на поранешниот светски број 1, Марат Сафин.

"Бев малку нервозна на почетокот, но мислам дека одиграв добар меч. Дури и мојот тренер ми кажа дека не знаел што се случува бидејќи бев толку тивка на теренот. Сега морам да се потрудам и да ја вратам сатарата Динара", вели Сафина.

Русинката не беше под закана од Пенета, остварувајќи 19 директни победнички топки и искористувајќи 6 од 11 брејк топки за 4-0 скор во кариерата против Италијанката.

"Направив се што требаше. Бев агресивна од почетокот до крајот", вели Сафина, која доби 95.500$ за победата.

22-годишната Сафина исто така беше финалистка во финалето на Хертогенбош пред Вимблдон, каде што загуби во третото коло. Нејзината серија е уште поимпресивна кога ќе се посочи дека 8 од 22 победи од мај дојдоа против топ 10 тенисерки. На патот до титулата во Берлин, Сафина ја совлада тогашната светска тенисерка број 1 Жастин Анен (која се повлече од спортот по поразот), Серена Вилијамс и Елена Дементиева, а пред да загуби во финалето во Париз од Ана Ивановиќ, таа ги елиминираше Марија Шарапова, Дементиева и Светлана Кузнецова.

Мареј го чека "гордиот" момент

Британскиот тенисер број 1, Енди Мареј вели дека ќе биде полн со гордост кога ќе излезе на терените на Олимпијадата во Пекинг. 21-годишниот Шкотланѓанец ќе настапува во сингл и во дубл со својот постар брат Џејми и вели дека тоа ќе биде остварување на неговиот животен сон.

"Да се игра на Олимпијадата и да се претставува твојата земја е нешто неверојатно. Многу малку браќа и сестри можат да се пофалат со такво нешто. Тоа ќе биде горд момент за мене и мопето семејство. Кога ќе пораснеш во мал град во Шкотска и играш на вештачки терени на дожд со својот брат, не помислуваш дека ќе одиш на најголемото натпреврување на светот", вели Мареј.

Чела и Фогт не одат во Пекинг

Аргентинецот Хуан Игнасио Чела и Стефани Фогт од Лихтенштајн се повлекоа од олимпискиот тениски турнир во понеделникот поради повреди. 28-годишниот Аргентинец, кој исто така го пропушти Вимблдон поради проблеми со рамото ќе биде заменет со својот сонародник, Агустин Каљери, доека Фогт е заменета со Тамарине Танасугарн, ветеранката од Тајланд.

ТЕНИС - ШВАЈЦАРЕЦОТ УБЕДЕН ДЕКА МОЖЕ ДА ЈА "СВРТИ" СЕЗОНАТА

Федерер не е расположен за шеги во Пекинг

Погледот кон семафорот на Олимпискиот Тениски Центар во Пекинг не помогна да се крене расположението на Рожер Федерер. Швајцарецот помина двочасовен тренинг со својот партнер во двојки, Станислас Вавринка, но поради некоја причина на семафорот беше замрзнато името на Томаш Бердих, Чехот кој го елиминираше од Олимпијадата во Атина пред четири години. Федерер беше без насмевка и ги избегна новинарите.

Но, предходно Федерер зборуваше за својата "Олимпијада од соништата" со која ќе ја надмине разочарувачка сезона.

"За мене се важни следните неколку недели, од Олимпијадата до УС Опен. Имам доста турнири да бидам добар и се надевам дека ќе почнам тука во Пекинг, каде што сонот е да се освои златото", вели Федерер.

Откако прво третпат по ред не успеа да го совлада Рафаел Надал во финалето на Ролан Гарос, Швајцарецот падна под Шпанецот во епското финале во пет сет ана Вимблдон, пред да загуби во првите мечеви во Торонто и Синсинати, што значеше и губење на првото место на АТП листата.

"Сум имал многу среќа во Кина. Знам дека осумката е среќен број тука, можеби затоа и мојто роденден е среќен", вели Швајцарецот, кој ќе наполни 27. години на Свеченото Отварање, каде што ќе го носи швајцарското знаме.

На другата страна на терените, расположението беше поинакво и Надал, кој ќе стане светски број 1 на 18 август имаше лесен тренинг од еден час со сонародникот Томи Робредо. Надал беше насмеан, разговараше со новинарите, потпишуваше автограми за волонтерите, и дури одигра малку фудбал со Робредо.

"Олимпијадата е малку поинаква од тоа што сум научен, но добро е. Сега бидејќи ќе бидам број 1, мислам само на олимписките медали", вели Надал.

РЕЗУЛТАТИ (1.КОЛО):

КАНТРИВАЈД КЛАСИК - ЛОС АНЏЕЛЕС, 475.000$

(6) Фиш - Фаља 6:2/6:2

Гремелмаер - Фоњини 6:4/6:2

Сера - Голубев 6:4/6:1

Жиквел - Флајшман 6:3/6:0

Фиш победи по два месеци

Американецот Марди Фиш стигна до својата прва победа по скоро два месеци, откако со 6:2/6:2 го совлада Перуанецот Алехандро Фаља на Лос Анџелес Класик турнирот. Шестиот носител ја прекина серијата од четири порази по ред на турнирот на кој учествуваат тенисерите кои решија да не одат на Олимпијадата во Пекинг. Последен пат Фиш победи на 11 јуни, кога го совлада Австралиецот Крис Гучионе на Квинс Клаб во Лондон, пред да загуби од сонародникот Енди Родик.

Предходно, Германецот Денис Гремелмаер разочарувањето од тоа што не е во олимпискиот тим го претвори во 6:4/6:2 победа над Италијанецот Фабио Фоњини. И покрај поддршката од германската федерација, Гремелмаер не доби место во тимот, откако националниот олимписки комитет го поддржа 32-годишниот Раинер Шутлер, по неговото изненадувачко полуфинале на Вимблдон.

"Не, тоа не е вина на Раинер, тој имаше добар Вимблдон. Играше во полуфиналето, иако тоа беше по крајниот рок за Олимпијадата. Не сум зборувал со него, но нема причина да се жалам. Ќе бидам среќен што ќе играм за Дејвис Куп репрезентацијата", вели Гремелмаер.

Стосур вели дека се е во ред

Предизвикот да се настапи на Олимпијадата е голем за секого, но австралиската тенисерка Саманта Стосур мораше дополнително да се потруди. По минатогодишниот Француски Опен таа почна да страда од Лајмс болеста, инфекција која се добива од болви. Поради тоа таа беше во аут од минатиот август до мај, но успеа да се квалификува за Олимпијадата, каде што ќе настапи и во сингл и во двојки покрај Рене Стабс.

"Да, сега се чувствувам здраво, подготвена сум за тенис. Играм добро така што мислам дека имам шанси против било кого", вели 24-годишната Стосур.

ТЕНИС - ЦРН ДЕН ЗА ФАВОРИТИТЕ ВО ОЛИМПИСКИОТ ТЕНИСКИ ЦЕНТАР

Нема медали за Федерер и сестрите Вилијамс

Федерер се лутеше на теренот, на своите нозе, на топчињата, на основната линија... Како последна шанса тој се обиде да добие нешто преку предизвикување на линиските одлуки, нешто што не сака да го прави. Но, тоа само го направи полут, ги погреши сите четири.

За Федерер едноставно беше таков ден. Или можеби таква година. Долгата лоша серија на Швајцарецот продолжи откако не му успеа обидот да стигне до својот прв олимписки медал во сингл, откако загуби од човек од кого предходно нема загубено, од Американецот Џејмс Блејк.

Тоа беше само почеток на серијата на изненадувања во 1/4 финалето во Пекинг. Серена Вилијамс загубо од Русинката Елена Дементиева, а Венус Вилијамс од Кинеската Ли На. Откако во првите три кола скоро се одеше според редот, четвртокот беше црн ден за фаворитите. Но, изненадувањата не се ретки во олимпискиот тенис - од 1988 година, ниту еден топ 5 тенисер не го освоил златото во машкиот сингл.

Федерер сигурно нема да го направи тоа. Со неверојатно лоша игра, еднаш незамислива за Швајцарецот, тој загуби со 6:4/7:6(7:2). 8. носител Блејк, кој дебитира на Олимпијадите на 28 години, беше единствениот преостанат Американец по првото коло во сингл, а во предходните осум меча против Федерер имаше само еден освоен сет.

"Ако играте со него доволно пати, тогаш мора да го фатите на лош ден. Го докажав тоа со денешната игра и не можеше да се случи на подобро место", вели Блејк.

Но, за Федерер ова е само продолжување на лошата серија. Цела година тој остана на своите 12 гренд слем титули, загуби по пет години на Вимблдон од Рафаел Надал и дојде во Пекинг знаејќи дека ќе го загуби првото место од Надал по 4 и пол години на врвот.

Следен за Блејк е 12. носител, Чилеанецот Фернандо Гонзалез, кој со 6:4/6:4 го совлада Пол-Анри Матју. Во второто далеку поинтересно полуфинале ќе се сретнат луѓето кои оваа година ги освоија гренд слем титулите - Рафаел Надал и Новак Ѓоковиќ. Додека Шпанецот продолжи со импресивната игра и со 6:4/6:0 го совлада Австриецот Јирген Мелцер, третиот носител Ѓоковиќ се намачи пред со 4:6/6:1/6:4 да го совлада Французинот Гаел Монфис во меч кој заврши 30 минути по полноќ по локално време.

Во женска конк*ренција, 5. носителка Елена Дементиева, носителка на сребро од Сиднеј 2000, поведе со 5:0 во последниот сет за 3:6/6:4/6:3 победа над Серена Вилијамс, пред домашната публиак да ја воодушеви Ли со 7:5/7:5 над Венус Вилијамс.

"Тоа е што е. Не можам да опишувам сега, бидејќи не сум го почувствувала поразот", вели Серена.

РЕЗУЛТАТИ:

МАЖИ, 1/4 ФИНАЛЕ

(8) Блејк (САД) - (1) Федерер (Шва) 6:4/7:6(7:2)

(2) Надал (Шпа) - Мелцер (Авт) 6:0/6:4

(3) Ѓоковиќ (Срб) - Монфис (Фра) 4:6/6:1/6:4

(12) Ф.Гонзалез (Чил) - Матју (Фра) 6:4/6:4

ЖЕНИ, 1/4 ФИНАЛЕ

(2) Јанковиќ (Срб) - (8) Сафина (Рус) одл.

(5) Дементиева (Рус) - (4) С.Вилијамс (САД) 3:6/6:4/6:3

Ли (Кин) - (7) В.Вилијамс (САД) 7:5/7:5

(9) Звонарева (Рус) - Бамер 6:3/3:6/6:3

МАЖИ - ДВОЈКИ, 1/4 ФИНАЛЕ

(1) Б.Брајан/М.Брајан (САД) - Гучионе/Хјуит (Авс) 6:4/6:3

(4) Федерер/Вавринка (Шва) - (7) Бупати/Паес (Инд) 4:1 одл.

Клемен/Лодра (Фра) - Андреев/Давиденко (Рус) 6:2/6:7/6:4

Аспелин/Т.Јохансон (Шве) - Фирстенберг/Матковски (Пол) 7:6(7:5)/6:4

ЖЕНИ - ДВОЈКИ, 2.КОЛО

(4) Медина Гаригес/Руано Пасквал (Шпа) - Стосур/Стабс (Авс) 4:6/6:4/6:4

Доделени вајлд-картите за УС Опен

Французинката Северин Бремон и американската национална шампионка до 18 години, Гејл Бродски се меѓу тенисерките кои добија вајлд-карти за УС Опен, објавија организаторите. Бремон, која вчера го прослави 29. роденден ќе настапува на својот 19. гренд слем по ред. Таа беше 1/4 финалистка на Вимблдон во 2006 и имаше најдобар рејтинг од 34. место во февруари 2007, а моментално е 124. на светот. Таа доби вајлд-карта поради договорот со француската федерација за реципроцитет со Ролан Гарос.

Американските Фед Куп тенисерки Џамеја Џексон и Аша Роул исто така добија вајлд карти, додека покрај 17-годишната Бродски уште три американски тинејџерки ќе играат на Флешинг Медоуз: Ејжа Мухамед (17)м Мелани Удин (16) и Кого Вандервеге (16). Осмата носителка на вајлд-карта ќе биде Австралијка, која ќе ја избере австралиската федерација. УС Опен, последниот гренд слем во годината ќе се игра од 25 август до 7 септември.