1. Скара Брае, Шкотска
Ова е повеќе село отколку град, а било населено пред повеќе од 5 илјади години. Пронајдено е во 1850 година кога големата олуја ги открила камените остатоци. Ископините покажале дека во селото постоеле 8 камени колиби. Ерозијата го приближила селото кон море, па се претпоставува дека тоа е главната причина што е напуштено.

2. Вавилон, Ирак
Историскиот град Вавилон бил населен околу 2.500 година пред новата ера, а 500 години подоцна станал центар на Месопотамија, кога кралот Хамураби го направил престолнина. Рушевините на Вавилон ја доловуваат сликата на библиското минато: големите кули на Вавилон, висечките градини... Само најупорните туристи ги посетуваат урнатините кои се наоѓаат на околу 85 км од Багдад.

3. Таксила, Пакистан
Овој град бил основан од страна на индискиот крал околу 7 век пред новата ера. Градот заземал важно место во светската филозофија и уметност, а го уништиле Хуните во 6 век пред новата ера. Рушевините се наоѓаат на околу 30 км од Исламабад.

4. Данвич, Англија
Овој град своевремено бил многу славен со оглед на тоа дека во еден период бил најважното пристаниште и најголемиот град во Англија. Во крајот на 13 век по големата олуја голем дел од градот е срушен, а ерозијата ги раситнила неговите остатоци пред рушевините да се наречат "проколнат град", со оглед на тоа дека местото на кое се наоѓале неколку колиби се нарекувало "проколната плажа".

5. Паленкве, Мексико
Паленкве е вистинско богатство за археолозите, а се смета дека постои од 100 година пред новата ера. 500 години подоцна станал центар на цивилизацијата на Маите, а со него се поврзани многу митови и легенди, како што се оние за децата на кралевите, инвазиите, но и за причините за напуштањето на градот.

6.Ангкор, Камбоџа
Некои мислат дека го направиле боговите, други дека го подигнала густата камбоџанска џунгла, но сите се согласуваат дека големиот град од камен Ангкор со векови го штитат моќните духови и дека клетвата ќе падне на секој што ќе го вознемири неговиот мир.

7. Витеном, Австралија
Остатоците од овој град се наоѓаат во западниот дел на Австралија, во пределот во кој доминира пустина. Ова веќе не е град, но постоел до 60 години на минатиот век.

8. Дарвин, Калифорнија
Како и стотина градови во 19 век Дарвин никнал заради големите наоѓалишта на сребро. Градот е напуштен веќе неколку години подоцна од основањето, 1878 година, откако трагачите по сребро го пронашле другото "среќно место". Урнатините потсетуваат на градовите од филмовите на Дивиот запад, па доколку го посетувате, понесете виски за да добиете целосен впечаток.

9. Херкуланеум, Италија
Овој град бил изгубен во реките од лава, а бил дом на многу членови на империјалистичките семејства. Градот е откриен пред околу 250 години и многу е интересен за археолозите низ светот.

10. Картагина, Тунис
Картагина била дел од римското царство, а била уништена од страна на римската култура, на само 15 км од Тунис.

Нико - Најпознатиот град на храмови во Јапонија 

Никогаш не кажувај преубаво, ако не си го видел Нико, велат јапонците.

Најпознатиот град на храмови во Јапонија

Кога големиот Шогун Јејасу од племето Токугава засекогаш ги затворил своите очи, му ја исполниле последната желба и го однеле на последна починка во планинскиот предел Нико-100 километри одалечен од новиот главен град Едо, кој тогаш бил сиромашно рибарско село и многу подоцна се развил во милионскиот град Токио.

Јејасу успеал да ги уништи кнезовите своите противници, успеал да освои повеќе покраини и положил камен темелник на обединетата јапонска држава. Тоа било држава во која Јејасу само по име бил Шогун (државен војсководец), а впрочем како владетел ја водел строгата полициска управа наместо царот кој бил симнат од престолот. Во 1617 година го закопале мртвиот државник и јунак Воника и го ставиле помеѓу боговите. Во преубавата природа – денеска национален парк – никнале безброј градби во чест на воениот херој, изградени се порти, пагоди и ковчези.

Постепено се создало големо подрачје на храмови, кои на почетокот биле посветени на Буда, а подоцна на скромниот култ Шинто, јапонска државна религија. Легендата зборува дека во раскошната Тошогу капела во рок од 15 месеци ја граделе 830.000 луѓе.

Во Нико со сите почести е закопан и Јемицу, внук на Јејасу и негов наследник. Пределот на храмовите се развил во многу посетено место каде богатите кои доаѓале во чест на големиот Шогун носеле бронзени или камени жртвени светилки, а сиромашните саделе по едно дрво или на свештениците им давале ситни пари.

„Како во сите поголеми Шинто – храмови во земјата, така и овде во еден двор се наоѓала голема бина за играње на која некоја млада и убава свештеничка изведувала свети танци“, за бележал светскиот патник Ернст Хесе – Вартек.

Кога ќе се помине низ Ниомон – портата, се доаѓа до  штала за свети бели коњи. Духовите на големиот Шогун треба секојдневно да јаваат. Една  дрвена пластика над вратата над шталата покажува три мајмуни чии раце се поставени така што ја пренесуваат следната порака: „ништо не слушај, ништо не зборувај и ништо не гледај“.  А тие денеска спаѓаат во едни од најраспространетите фигури во светот.