Колку и да се обидуваме да се спротиставиме на времето и стареењето, овие процеси се неизбежни, односно човекот сè уште не открил како истите да ги контролира. Стареењето, порано или подоцна, се случува кај секој, но истото настапува на различни начини.

Врвните дерматолози истакнуваат дека постојат 4 типови на стареење на кожата и уште еден, кој се смета за комбиниран тип.

Воедно, истите откриваат и една мала тајна- Да за козметичките процедури бидат ефикасни и ја обноват вашата кожа, најпрво треба да утврдите како старее вашата кожа, односно кој тип на брчки го имате.

Денес ќе ви раскажеме малку подетално за различните типови и како правилно да се грижите за вашата кожа:

1. Уморен тип на стареење

Според козметичарите, овој тип се смета за најприродниот тип на стареење. Најчесто се среќава кај послабите дами со овална форма на лицето.

Карактеристики: Спуштен тонус на меките ткива, кожата е сува и го губи својот сјај, назолабијалните брчки се лесно видливи, аглите на устата се надвиснати и при истите се појавуваат брчки. Овие промени го прават лицето да изгледа уморно.

Како да се справите:

• Користење на филтери на база на хијалуронска киселина, кои ги моделираат контурите на лицето.
• Процедури со различна апаратура, кои го зајакнуваат мускулниот тонус.
• Рачна масажа
• Мезотерапија и биоревитализација
• Неагресивен пилинг во комбинација со антиоксиданти и витамини.

2. Стареење со фини брчки

За жените кај кои се појавуваат вакви промени, вообичаено се вели дека стареат убаво.

Карактеристики: Впечатливо количество на фини брчки со тенка и сува кожа, која е склона кон вцрвенување и дразнење, а на зрела возраст се претвора во „пергаментска кожа“. Поткожните ткива се многу мали и мускулниот тонус останува активен долго време, при што структурата на лицето не се менува.

Начин на подмладување:

• Утврдување на конкретните повреди на тенката кожа и борба против влијанието на ултравиолетовата радијација.
• Фото-подмладување, биоревитализација, мезотерапија.
• Површински, средно-интензивен пилинг.
• Козметички гел за пополнување на брчките.
• Ботулинска терапија за корегирање на брчките.

3. Деформациски тип на стареење

Овој тип на стареење најчесто се појавува кај жените со прекумерена телесна тежина.

Карактеристики: Контурите на лицето се видно дефомирани поради поткожен мастен слој. Надвисната кожа, појава на брчки по вратот и деколтето, надвиснати очни капаци.

Начин на подмладување:

• Пилинг и ласерско подмладување за обновување на тенот.
• Скулптурни масажи за зајакнување на мускулите.
• Миостимулација.
• Вежби за лицето.

4. Мускулен тип

Овој прекрасен начин на стареење е карактеристичен за азискиот тип на лице. Овие луѓе имаат добри развиени фацијални мускули, но поткожните масти не се толку добри.

Карактеристики: Нарушување на пигментацијата на кожата, надвиснување на кожата и очните капаци, истовремено формирање повеќе слоеви. Изразени назолабијални брчки. Но, кожата останува мазна долго време, а обликот на лицето не се деформира дури и на стари години.

Начин на подмладување

• Стимулирањен на производството на колаген, еластин и хијалуронска киселина.
• Мезотерапија и хемиски пилинг.
• Ласерско подмладување.

5. Комбиниран тип

Овој тип на стареење најчесто се среќава кај жените со комбинирана кожа. Најчесто се комбинираат типовите со мали брчки и деформацискиот тип. Или пак останатите 2 типа.

Карактеристики: Меки ткива, кои најчесто надвиснуваат во средниот и долниот дел од лицето, а изобилство од мали брчки се појавува околу очите и челото.

Начин на подмладување

• Хемиски пилинг
• Мезотерапија и биоревитализација
• Скулптурна масажа на лицето
• Вежби за лице
• Ласерско подмладување

Додека во летно време кожата е подложна на изгореници и дехидратација, во текот на зимата, пак, кожата станува почувствителна и притоа се лупи поради студеното време и недостатокот на витамини.

За да ја запазите нејзината нежна и блескавата текстура во овој период, потребно е секојдневно да ја негувате истата. Некој за таа цел го избира козметичкиот салон, додека пак додека други со домашните третмани го постигнуваат истиот ефект.

Денес со вас споделуваме докажан домашен рецепт на маска за лице, кој може да се натпреварува со скапите третмани во салоните за убавина.

Домашна навлажнувачка маска за лице

Beautiful young woman at spa center

Потребни состојки

• 2 супени лажици цвет од камилица
• 1 супена лажица масло за готвење
• 1 супена лажица сок од алое вера
• 200 мл топла вода

Начин на подготовка

Сварете вода и налејте ја топлата вода врз камилицата. Оставете ја да отстои така 30 минути. За оваа цел, може да употребите и сушени цветови од камилица, кои се продаваат во аптеките.

Добиената инфуција се прецедува преку ткаенина. А следно кон истата додадете затоплено масло за готвење.
Потоа кон добиената смеса, додадете го и сокот од алое вера и добро измешајте ги сите состојки заедно, до нивно соединување.

Начин на употреба

Aloe Vera use in spa for skin care

Нанесете ја готвата маска за лицето, вратот и деколтето и оставете ја да отстои 20 минути, а потоа измијте ја вашата кожа со екстракт од камилица. Уживајте во резултатите на мека и хидратирана кожа!

За совршени резултати, потребно е да ја нанесувате маската еднаш неделно и редовно да ја чистите вашата кожа, со што ќе ја подобрите циркулацијата на крвта и ќе ја спречите појавата на брчки и акни.

За да ја зачувате вашата кожа во одлична состојба и да го избегнете предвременото стареење на кожата, обидете се со оваа маска, која Јапонките ја користат доста често. Таа е исклучително богата со витамин Б , кој ја стимулира регенерацијата на клетките, го забавува стареењето и го подобрува крвотокот на кожата – се што е потребно за блескав изглед на лицето.

Оваа маска од ориз, мед и млеко ќе ви даде инстант резултати, ќе ја направи вашата кожа мека, нежна и мазна.

Подготовка:

Сварете 2-3 лажици ориз, на умерен оган.

Кога оризот е готов, се цеди. Не фрлајте ја водата.

Исплакнете го сварениот ориз со ладна вода и додадете 1 лажица топло млеко. Добро измешајте, додека не добиете мазна смеса.

Додадете 1 лажица мед, а потоа промешајте уште малку.

Употреба:

Нанесете тенок слој од смесата врз чисто лице и врат и оставете ја да делува 30 минути.

Потоа извадете ја маската и измијте го лицето и вратот со водата во која е варен оризот.

Оризовата вода содржи многу антиоксиданси, таа ќе ја хидрира кожата и има неверојатна моќ за апсорпција на ултравиолетовите зраци.

Ако Ви останала повеќе оризова вода отколку што е потребно, можете да ја чувате во фрижидер 4 дена и да ја користите како лосион за лице.

Предлог: Замрзнете ја оризова вода и користете ја за да го масирате лицето. Тоа е идеално за освежување во жешките летни денови, ќе ја хидратира кожата и ќе го направи Вашето лице многу помеко.

Брчките се вообичаена појава на лицето,  независно од што се предизвикани. Брчките на лицето можат да бидат предизвикани од самиот процес на стареење,  но исто така можат да бидат предизвикани и од недоволна нега на кожата на лицето или пак едноставно од природата и видот на кожата.

Повеќето припаднички од понежниот пол би се сложиле дека тие се една непријатна појава, која предизвикува чувство на губење на убавината и на довербата во себе,  иако тоа е природна појава.  Покрај безбројните козметички третмани и препарати, за овој проблем постои едно алтернативно решение,  а тоа е домашна крема против брчки.

Потребнни се овие состојки:

• 2 лажички бадемово или маслиново масло

• ½ жолчка

• 1 кафена лажичка морска сол

• сушена камилица

• вода

Во сад на оган сипете  200мл. вода и една лажица од сувата камилица.  Потребно е да се вари 15 – 20 минути.  Тргнете го садот од оган и додадете ги останатите состојки и мешајте додека смесата не се соедини.  Така подготвената смеса поставете ја во фрижидер.

Оладената смеса се користи како крема,  се нанесува на лицето и се остава да делува 30 минути, по што се чисти со памук натопен во вода.

Препорака:  Не се користи најмалку 2 часа пред спиење.

Лицето е највидливото подрачје на целото тело и затоа им е толку важно на многу луѓе да имаат совршено лице без брчки, но знаеме дека ова не е лесна задача. Поголем дел од кремите за брчки се скапи и затоа повеќето луѓе претпочитаат да прибегнуваат кон природни методи. Тие се уште поефикасни од креми и лосиони произведени од големи индустрии. Тие се исто така многу евтини и можат да бидат подготвени насекаде. Примената на овој серум нема никакви несакани ефекти и ги елиминира сите проблеми со лицето.

Што ќе Ви биде потребно:

• Капсули со витамин Е (2 парчиња)
• Капсули од Алое Вера или 1 лажица
• Зелен чај во прав (1 лажица)
• Семки од ленено семе (2 лажици)
• Етерично масло (2 капки)
• Вода (1 чаша)

ПОДГОТОВКА И УПОТРЕБА:

Првин сварете ја водата во помал сад. Веднаш додадете ленено семе и оставете да врие додека не стане како пенест гел. Потоа додадете зелен чај и мешајте 10 секунди. Додека врие. Тргнете го садот од плочата и продолжете да мешате. Исцедете ја смесата и префрлете ја во друг, стаклен сад.

Откако ќе се излади, додадете 1 лажица гел од алое вера и екстракт од капсула на витамин Е. Потоа добро промешајте сè додека не добиеме хомогена супстанција. Конечно додадете капки есенцијално масло и промешајте повторно. Овој лосион може да се чува во фрижидер до 8 дена.

Она што ви останува да го направите е првин добро да го исчистите лицето, а потоа нанесете го лосионот со деликатни кружни движења додека не се апсорбира. Веднаш ќе видите како кожата почнува да изгледа посветла и поздрава.

Домашните маски за лице станаа едни од најдобрите лекови за подмладување на кожата и нејзина ревитализација. Подготвени со органски состојки и без агресивни хемикалии, овие производи се здрави и прифатливи алтернативи за да се спречи појавата на брчки.

Состојки

• 1 зелено јаболко
• 3/4 чаша грозје (100 гр)
• 1/2 чаша алое вера (100 g)

Исечете ја јаболката на неколку парчиња, отстранете го семето, потоа ставете ги парчињата во блендер. Измијте го грозјето и исечете го на мали парчиња. Ставете ги во блендерот заедно со гелот од алое вера. Потоа ставете ја смесата во стаклена тегла и складирајте во фрижидер.

Ставете ја маската на чисто лице и оставете ја да делува 20 до 30 минути. Потоа исплакнете со топла вода и исушете ја кожата со мека крпа. Чувајте го остатокот од производот во фрижидер во рок од три дена од подготовката.
Повторувајте ја постапката најмалку три пати неделно.

Кожата е нашиот најголем орган, а кога таа блеска, значи дека за истата сме се грижеле доволно добро. Сепак колку и да се негуваме, со текот на годините појавата на брчките е неизбежна. Но, еве како со неколку домашни трикови да ја стопираме нивната појава.

Правилната исхрана, зголемената физичка активност, непушењето и пиењето повеќе течности и вода придонесуваат превентивно во одложувањето на предвременото појавување на брчките.

Но, кога веќе истите ќе се појават, еве со кои природни состојки што сите ги имаме дома можеме да ја минимализираме нивната појава:

1. Ноќен крем од зејтин

Во сад ставете 2 кафени лажици зејтин и додајте 3 таблети витамин Е. Измешајте добро и додајте ½ лажица вазелин. Растопете ја целата смеса на водена пареа. Пред да си легнете, нанесете на вратот и деколтето.

2. Цитрусна маска

Исцедете 1 лимон и додајте 2-3 супени лажици мед. Добро измешајте ја смесата и нанесете на лицето. Оставете ја маската да се исуши, а потоа измијте со ладна вода. Практикувајте го нејзиното користење еднаш неделно.

3. Маска од белки

Одделете ги белките од јајцата и измутете ги во цврста пена. Со врвот од прстите нанесете на зоните каде што се наоѓаат брчките. Оставете ја маската 15 минути на лицето, а потоа измијте се.

4. Масажа со зејтин

Нежно масирајте го лицето со зејтин. Кожата не само што ќе омекне, туку и ќе добие потребната влажност.

5. Маска од пчелин полен

Измешајте 2 супени лажици од пчелиниот полен во ¼ чаша полномасно млеко и додајте 1 супена лажица мед и половина чаша пасирано авокадо. Нанесете ја маската и истата нека стои на лицето 20 минути, а потоа измијте ја.

6. Маска од моркови и мед

Антиоксидантите во морковот и чудотворните својства на медот се идеални партнери во борбата против брчките.

Изблендирајте 1 морков, додека да го пушти својот сок, а потоа додадете 2 кафени лажици мед. Маската треба да стои на лицето 20 минути, а потоа измијте ја.

Бонус: Вазелин за навлажнување на кожата

Нанесете тенок слој на вазелин на лицето, вратот и деколтето пред спиење. Овој производ е природен лек за кожата.