Состојки
1 јајце
1 лажиче пециво
1/2 лажиче сол
1 лажиче шеќер
1 ванила
1 лажиче рум
180мл овошен јогурт
7 лажици полни брашно
масло за пржење и шеќер во прав по потреба

Воздушести, слатки , мали фритули.
Во еден сад се соединуваат малку изматеното јаце, јогуртот, па се додаваат шеќерот, солта, ванилата, румот,се промешува, па се додаваат пецивото ми брашното.
Во тенџере се загрева маслото на среден оган, да не биде јак и се спуштаат со помош на лажиче да се пржат.
Во текот на пржењето сами се превртуваат.
Ги пржеми малку да поруменат и ги редиме на хартиени салфети.
Посипуваме со шеќер во прав и послужуваме.
Јас користев овошен јогурт од шумско овошје.

Состојки
4 јајца
2 чаши од 250 мл. шеќер
1 чаша јогурт
3/4 чаша масло
100 гр. кокос
2 чаши од 250 мл. брашно
1 лажица рум
10 гр. пециво
шеќер во прав за посипување

Загрејте ја рерната на 200 степени. На плех 40х20 см. ставете хартија за печење или намрсете го и побрашнете го плехот.

Јајцата ставете ги во поголем сад за матење.
Додадете го шеќерот и матете со мискер на најголема брзина. Матете додека шеќерот се растопи и смесата почнува да побелува.
Додадете го маслото и јогуртот, изматете уште малку.
Додадете го кокосот, брашното, румот и пецивото.
Убаво соединете со лопатка.
Смесата сипете ја во плехот.
Ставете да се пече.
Печете додека се испече, почнува да добива златно кафена боја. Околу 40 мин.
Оставете малку да се излади и посипете шеќер во прав, исечете парчиња по желба.
Оставете да се подолади и послужете со чај, кафе или млеко. =))

Состојки
1/2 литар јогурт
околу 300 гр малини
вода за дополнување на малините да достигни вкупно 1/2 литар заедно со нив
20 гр желатин + 10 лажици вода
200 гр шеќер или по желба
300 гр бисквити
100 гр шлаг пена

Измешајте ги малините, водата и шеќерот и загрејте ги до пред вриење и порано.
На страна растворете го желатинот со 10 лажици ладна вода и оставете го да набубри 10на минути па додадете го во тенџерето со малини кое веќе сте го тргнале од рингла, измешајте, додадете го и јогуртот. 
Оставете да се лади со повремено мешање. 
Кога ќе почни да згуснува течноста, додадете ги кршени бисквитите, измешајте и сипете ги во правоаголен подлабок калап. Како јас немам таков, решив да употре**м модла за куглоф. Оставете во фрижидер неколку часа или најдобро преку ноќ да се здрви, потоа извадете ја тортата од калапот и премачкајте ја со шлаг пена одозгора.

Состојки
4 јајца
1 чаша (150 гр) јогурт
2 чаши шеќер
2 чаши брашно
1 чаша нишесто
1 чаша (не полна) масло
1 прашок за пециво
1 лимон изрендана кора
1/2 лимон сок

Белките посебно изматете ги со прстофат сол.
Жолчките изматете ги со шеќерот, додадете го јогуртот, потоа маслото, кората и сокот од лимон и убаво изматете да се добие изедначена смеса.
Брашното, нишестето и пецивото измешајте ги и додадете ги во смесата и со жица убаво соединете ги.
Ставете ја во подмачкан со путер и набрашнат калап (26). Се печи на 180 С околу 40 мин.
Оладената торта наросетеа ја со шеќер во прав и послужете ја.
Одлична за со млеко или кафенце!
Чашата од јогурт е мерка за сите состојки.

2 чашки од јогурт брашно

2 чашки од јогурт шеќер

1 чашка од јогурт масло

1 прашок за печиво

2 јајца

Шеќер во прав за поросување

Ако сакате, можете да ставите и вишни (еден компот од вишни)

Постапка:

Наведените состојки добро измешајте ги, прелијте во намастена и побрашнета тепсија. Печете на 200 степени, додека да добие убава боја. Проверувајте дали е печено со чепкалка за заби.

Кога колачот ќе биде печен и изладен, посипајте со шеќер во прав.

Овој колач е идеален да се прави кога вишните ќе бидат зрели, но може да го подготвите и овој период од годината, бидејќи во секој маркет може да најдете за да купите, или ако го искористите компотот, а ќе направите одличен колач.

Состојки:

-две јајца

-една ипол чаша шеќер

-половина чаша масло

-2 чаши брашно

-половина прашок за пециво

-2 ќесички ванилин шеќер

-една чаша јогурт

-изрендана кора од лимон ( по желба)

-една тегла компот од вишни

Подготовка:

1.Рерната загрејте ја на 180 степени.

2.Исцедете ги вишните од компотот.

3.Со миксер изматете две јајца, чаша ипол шеќер, ванилин шеќер, се додека не добиете светло жолта смесат. Потоа додадете половина чаша масло и продолжете со матењето. Намалете ја брзината на миксерот па постепено додавајате го брашното, пецивото и јогуртот.

4.Садот за печење премачкајте го со маргарин и посипете брашно.

5.Смесата распоредете ја, па врз неа додадете ги вишните најизменично и печете околу 25 минути на 180 степени.

6.Кога ќе биде печено, ставете врз колачот шеќер во прав.

Состојки
За желе
1 лимон - сокот од лимонот
150 гр. шеќер
150 мл. вода
400 гр малини
6 листа желатин
за овошниот јогурт
250 гр. боровинки или друго бобичасто овошје
150 гр. јогурт
4 лажици млеко
1 лажица шеќер во прав

Најпрвo ќе го приготвите овошното желе
- Истискајте го сокот од лимонот во водата, додадете шеќер и ставете да се вари околу 1 мин. Тргнете на страна да се олади.
- Листовите желатин потопете во ладна вода оставете да набубри (може и мелениот желатин кој ќе го приготвите според упатството)
- Испасирајте ги малините и ставете кај сирупот од лимонот. Промешајте.
- Земете 2-3 лажици од овошната смеса, загрејте и во неа истискајте ги листовите од желатин и ставете да се стопи, по што ќе ја ставите целата желатинска смеса кај овошјето со лимоновиот сируп. Промешајте и распоредете во модли. Нека одстои најмалку 4 часа, а може и преку ноќ.
Јогурт
- 250 гр. боровинки се пасираат со јогуртот,се додава млекото и шеќерот. Се разбркува да се изедначат состојките.
- Извадете од модлите овошното желе, ставете на тацна, покрај него ставете од јогуртот.
Уживање е овој десерт!
Напомена
- Како што споменав, можете да користите желатин во гранули приготвен на начин како што е напишано на паковањето. За овој рецепт ви е потребно околу 25-30 гр. гранула желатин. Овошното желе можете да го приготвите од кое било овошје, а јогуртот да биде соодвете на вкус - значи такво и овошје ќе користите кое ќе одговара со желето.
- Можете целата смеса да ја ставите во една модла, да извадите, да сечете од него и сервирате со јогуртот.