Состојки
Бисквит
350гр. брашно
200гр. путер или маргарин (ладен)
100гр. шеќер во прав
1 јајце
Фил
500гр. тиква
50гр. омекнат путер или маргарин
2 жолчки
100гр. кафеав шеќер
1 1/2 лажица густин
100гр. бело чоколадо
1/4 лажиче ѓумбир во прав
1/2 лажиче цимет во прав
2 белки

Убавината на овој зеленчук е што може најразлично да се подготвува. Десерти, предјадења, главни јадења, пити....изборот на рецепти со тиква е огромен, а овојпат јас се решив за оваа вкусна торта со тиква.
Подготовка
1. Најнапред подгответе го тестото. Во еден сад ставете ги сите состојки за тестото и замесете меко тесто. По потреба додадете сосема малку брашно за да можете од тестото да оформите топка. Замотајте го во проѕирна фолија и ставете го во фрижидер да одстои најмалку 30 минути. За тоа време подгответе го филот.
2. Тиквата излупете ја и исчистете ја. Исечкајте ја на коцки и ставете во едно тенџере со малку вода да се динста додека не омекне. Кога ќе е готова, ставете ја во цедалка да се исцеди убаво од вишокот течност и потоа испасирајте ја.
3. Вклучете ја рерната да се загрева на 180°
4. Жолчките, шеќерот, ѓумбирот и циметот кратко изматете ги со миксер. Додадете го путерот и густинот и матете додека убаво да се соедини. На крај додадете ја и тиквата, кратко промешајте и ставете на кратко во фрижидер.
5. Тава со пречник од 26см. премачкајте ја со путер. Ставете го тестото внатре и со прстите распоредете го по целата површина од тавата, оформувајќи раб со висина од 3см. Избоцкајте го тестото со вилушка на повеќе места и ставете да се пече 10 минути.
6. Белките изматете ги во цврст снег и со шпатула за тесто измешајте ги во смесата со тиква. Оваа смеса ставете ја врз печеното тесто и ставете да се допече уште 35-40 минути.
Тортата е готова кога одозгора ќе добие убаво кафено-златеста боја и филот ќе биде печен. Украсете ја со стопено бело чоколадо или шеќер во прав, а можете и со матена слатка павлака.
Најдобро е за филот да користите Хокаидо тиква или некоја друга сорта на тиква која при динстањето нема да се распадне.

Вкус на есен, совршен десерт во ладните ноќи, аромата неодолива.

3 неодоливи рецепти со тиква

За смесата од тиква
500 гр. тиквено пире
2 јајца
на вкус шеќер (зависи колку е блага тиквата)
2 лажици скробно брашно
1 лажичка мешавина од зачинки - ѓумбир, цимет, оревче, рендана кора од портокал
прстофат сол
За смесата со рикота - урда
500 гр. рикота или квалитетна урда
100 гр. шеќер
2 јајца
2 лажици скробно брашно
прстофат сол
25-30 гр. афионово семе
За залевање
100 гр. тиквено пире
100 гр. павлака
1 јајце
на вкус шеќер - или 2-3 лажици

Афион
- Најпрвo пригответе го афионот така што ќе зовриете вода и попарете го афионот. Мешајте го да падне целиот на дното од садот во кој сте го ставиле.. Нека постои поклопено малку, потоа прецедете и ставете на газа да се добро исцеди.
Пире од тиква
- Испечете ја тиквата. Може да биде и варена, но на пареа поставувајки ја на сип сад и да не е во додир со вода, оставете да олади и за тоа време да се вишокот од водата исцеди. Значи потребна е сува тиква. За 500 гр. пире јас испеков тиква од околу 700-800 гр.
- Во сад изблендирајте ја тиквата, одмерете 500 гр. ставајки ја во друг сад. Додадете шеќерот на вкус кое нешто зависи од самата тиква, солта, зачинките, јајцата, изблендирајте, додадете скробното брашно и повторно изблендирајте да нема грутчиња. Оставете настрана.
Проверете - густината на двете смеси мора да е барем приближно иста. Ако една од смесата е погуста - додадете малку павлака за да ја разредите, а ако е поретка - додадете најмногу до 1 лажица скробно брашно.
Рикота
- Изблендирајте ја урдата во која ќе додадете јајцата и шеќерот, додадете го афионот, додадете и скробното брашно и изблендирајте да нема грутчиња.
Во модла бр24 до 26 бр. ставете хартија за печење, ѕидовите намрснете ги и почнете прво да ставате лажица од смесата со рикотата, врз неа лажица од тиквеното пире и се така додека се потрошат двете смеси. Значи се реди наизменично исто како зебра колачот.
Ставете да се пече на 200 степени околу 30 мин. а потоа намалив на 180 степени да се допече - завнисно од самата рерна.
- Додека се пече пригответе ја заливката така што во одделеното пире од тиква ќе додадете шеќерот на вкус, павлаката, јајцето, со блендерот изблендирајте и кога е пред самиот крај печењето извадете и залијте го колачот, вратете во рерната да се допече. Лесно ќе препознаете кога е печено - на допир е мазна површина и не мека.
Знаете дека ја сакам тиквата во секое издание, па нека е и вака приготвена како запеканка - ми се допага оваа комбинација на вкусови.

Состојки
темно тесто
3/4 чаша(200мл.)путер
1 чаша шеќер
1 лажичка екстракт од ванила
2 јајца
1/2 чаша брашно
1/2 чаша какао
1 лажичка цимет
50гр. мелени лешници
прстофат сол
200гр.пире од тиква(доколку не е слатка додадете шеќер до посакуваната блажина)
жолто тесто
180-200гр. крем сирење
1 јајце
1/2 чаша шеќер
2 лажици брашно
50гр. мелени лешници
1/2 чаша пире од тиква
малку ванила екстракт,цимет
1 чоколадна шлаг крема
120гр. млеко за шлаг кремот

Мирис на есен со плодовите кое ова годишно време ни ги нуди се почуствува и во мојата кујна.Сите сме по дома љубители на тиква најчесто не ми останува за да ја употре**м во торта, се јаде веднаш печена или варена.
Сочноста и мирисот на овој колач ги воодушеви моите домашни кои веќе напишав дека чоколадата мора да биде барем малку застапена.
Подготовка.
За темно тесто.
Рерната ја загреваме на 180степени. Силиконскиот калап или тавче со димензии 20*20 го премачкуваме со путер.Путерот омекнат го матиме заедно со шеќерот и екстрактот од ванила. Ги додаваме јајцата едно по едно. Посебно ги соединуваме брашното,какао,мелените лешници,цимет и сол и ги мешаме заедно со смесата со путер.
За жолто тесто.
Во посебен сад ги матиме со шпатула сите состојки за жолтото тесто.
Во силиконското тавче ја сипуваме темната смеса, премачкуваме со пире од тиква и на крај ја сипуваме жолтата смеса. Печеме половина час до 45мин. проверете со чепкалка дали тестото се лепи на неа или не. Доколку не се лепи исклучете ја рерната и оставете го колачот во неа уште 15мин. Извадете го и оставете убаво да се излади. Декорирајте со шлаг крема.
Забелешка 
Во составот може да се стави било какво јаткасто овошје следниот пат ќе ставам и суво гројзе или урма.
Добар апетит!!!

Ароматична торта: Десерт со тиква кој им успева на сите