Состојки
150 гр шеќер
125 мл масло
100 гр џем од кајсии
1 ванилин шеќер
200 гр брашно
1 лажичка пециво
1 лажичка рамна сода бикарбона
50 гр какао
250 мл јогурт
За глазура
1 лажица путер
50 гр чоколадо
3 лажици слатка павлака

Лесен, чоколаден куглоф...
Ако немате калап за куглоф, пригответе си тавче. Исто е вкусно, само нема да се вика куглоф, туку колач...Како и да е, чоколадно засладување е.

Подготовка
1. Ја вклучуваме рерната на 180 степени да ни се загрее.
2. Шеќерот, ванилата, јогуртот, маслото и џемот ги соединуваме со лажица или маталка.
3. Ги додаваме соединетите суви состојки т.е. брашно, какао, пециво и сода бикарбона, мешаме до соединување.
4. Во намрсен и набрашнет калап за куглоф ја распоредуваме смесата.
5. Печеме во загреана рерна околу 30 минути. Пробуваме со чепкалка, ако е сува колачот е печен.
6. Го вадиме од рерна, кратко го оставаме во калапот, па го превртуваме на чинија.
7. На средна температура ги соединуваме чоколадото, слатката павлака и путерот. 
8. Со чоколадниот ганаш го прелеваме топлиот куглоф, па украсуваме по желба.

Забелешка
Вкусот на овој куглоф во значителна мера ќе зависи од тоа каков вкус на џем или мармалад ќе искористите во него.

Состојки
5 јајца
300 гр шеќер
100 мл масло за јадење
200 мл јогурт
100гр кокос
1 пакетче прашок за пециво + 150гр брашно
1 пакетче ванилин шеќер
1-2 лажици какао
30-40 гр суво грозје
50 гр сечкани ореви
1/2 лажиче цимет
малку рендана кора од портокал
за декорација чоколаден прелив
за декорација шеќер во прав

1. Јајцата се матат пенасто со шеќерот
2. Се додава маслото за јадење, па јогуртот и се исклучува миксерот
3. Потоа се додаваат сите останати состојки, освен какаото и циметот
4. Се одвојува од смесата 1/5 и во неа се додава какаото и циметот
5. Во калап за куглоф, премачкан со маргарин и малку брашно се истура половина од белата смеса
6. Врз белата смеса се истура кафената смеса со цимет само во средината на калапот
7. Најозгора пак се става остатокот од белата смеса
8. Се пече во загреана рерна на 180 С околу 30-40 минути
9. Се превртува куглофот од калапот во чинија
10. Се декорира со шеќер во прав и чоколаден прелив
  Пријатен апетит !

Состојки
125 гр путер
150 гр шеќер
2 јајца
250 гр брашно
2 лажички прашок за печење (пециво)
2 лимони
100 гр црно чоколадо
200 гр кисела павлака
Овој колач е интересен спој на слатко-горкиот вкус на чоколадото и киселкоста на лимонот, кој во овој случај и преовладува. За сите оние кои сакаат сочен освежителен вкус на лимон.

Изматете ги путер и шеќерот и потоа матејќи додавајте ги 1 по 1 јацата.
Кога смесата убаво ќе се изедначи, исклучете го миксерот и со дрвена лажица или жица за матење измешајте ја киселата павлака.
Потоа, постепено мешајќи додавајте го брашното кое предходно сете го помешале со пецивото.
Лимонот и чоколадото исечете ги на ситни коцкички и потоа и нив додадете ги во смесата.
Клапот за куглоф намастете го и побрашнете го. Ако е силиконски тоа не треба. Истурете ја смесата во него, добро израмнете и печете на 180 степени 30-40 мин. зависно од вашата рерна.
Предлог
Смесата одлично одговара ако сакате да ја испечите и во калапи за мафини.

Состојки
4 јајца
4 лажици шеќер
1 пециво
200гр. брашно
80мл. масло
150мл. млеко
100гр. сецкани кикирики
3 лажици чоколадно какао
за филот 6 лажици шеќер
80мл. млеко
1/2 пакетче пудинг од карамел
за декорација 50гр.сецкани кикири
100гр. чоколадо
20 чоколадирани топчиња

Најпрво започнуваме со подготовката на карамел кремот. Го запржуваме шеќерот со постојано мешање и кога ќе добие убава златна боја го додаваме млекото и уште малку мешаме за да зовријат.
Настрана ги биеме жолчките со миксер на пареа и го додаваме пудингот и ванилата (за да нема грутчиња пудингот и ванилата измешајте ги со 1 лажица ладно млеко и потоа ставете ги во жолчките) и го додаваме млекото со горениот шеќер постојано мешајки се додека не се добие густа смеса.
Ја тргаме настрана и оставаме да се излади.

Започнуваме со подготовка на паниспањата. Ги биеме белките со постојано додавање на шеќерот. Потоа ги додаваме, брашното, пецивото, маслото, кикирите, какаото и млекото.
Во намрсен калап за куглоф ја истураме половина од паниспањата и ја печиме 10 мин. на 170 степени колку да фати кора. Ја вадиме од рерна и со помош на шприц го нанесуваме карамел кремот и над него другата половина од паниспањата и печиме 35 мин.на 190 степени. Ладен куглофот го чоколадираме со топеното чоколадо и укарсуваме со кикири и чоколадни топчиња. Еден од моите омилени десерти, поздрав.

Состојки
2 лажици мед
1 помала тиква
3 јајца
150гр. шеќер
1 пециво
2 ванили
300гр. брашно
70мл. масло
100мл. млако млеко
2 лажички какао
1/2 лажичка цимет

Калапот за куглоф се обложува со хартија за печење и внатре редиме парчиња тиква сечени на коцки.
Се печат околу 25 мин.на 190степени потоа ги вадиме од рерна. 
Над парчината тиква ја посипуваме едната ванила и медот.

Паниспањата се бие убаво и се дели на два дела ,едниот поголемиот дел во количина останува бел и го тураме веднаш над тиквата. Тестото го потпекваме 10 мин.на 190 степени. Го вадиме од рерна и ја тураме помалата количина измешана со циметот какаото. Го вракаме куглофот во рерна и печиме уште 25-30мин.на 180степени. Кога ќе биди печен оставаме малку да излади го превртуваме и посипуваме шеќер.
Типичен есенски и зимски десерт и доста вкусен.

Состојки
4 јајца
200гр. шеќер
9 лажици масло
200мл. млеко
3 лажици какао
5 лажици ликер од портокал
1 рендан лимон
1 пециво
12 лажици брашно
за декорација
100гр. чоколадо за готвење
кршени ореви

Одделете ги жолчките од белките и прво изматете ги жолчките, а настрана изматете ги белките заедно со шеќерот. Потоа соединете ги и пак убаво изматете и ставете ги брашното, пецивото, маслото и млакото млеко. Убаво изматете и паниспањата поделете ја на два дела.
Во едниот ставете ја ренданата кора од лимон, а во другата какаото и ликерот. Од двете паниспањи ставајте наизменично и колачот ставете да се печи на 190 степени околу 35 минути. Куглофот премачкајте го со чоколадото и ставете ореви.На здравје!!!

Овој рецепт случајно излезе кога едно утро сакав да подготвувам потпечени јуфки и гледам сите помали тавчиња зафатени...па ми излезе пред очи калапчето за куглоф и си велам сега со него ќе експериментирам, па што ќе излезе тоа...И така излезе овој декоративен појадок кој може некогаш некому да послужи како лесна декорација од едноставни секојдневни намирници...

Јуфките ставете ги во калапчето и оставете ги да поруменат во рерна на 200 степени. За тоа време изматете ги јајцата со сирењето,јогуртот,маслото и малку сол. Потпечените јуфки прелијте ги со изматената смеса, ако е малку додадете малку вода, се зависи од од видот и волуменот што го зафакаат јуфките,важно е да се целосно прелиени. Оставете ги така да се печат уште 20 до 30 минути на 220 степени. Послужете ги топли со прилог по желба...