Декорирајте го домот во уникатен велигденски стил

Бидејќи за неколку дена ќе треба да започнете со украсување на домот во велигденски стил, ви предлагаме неколку интересни начини како оваа година да го избегнете стандардното декорирање.

За почеток, научете дека не секогаш новото е подобро. Понекогаш и старите велигденски украси може да изгледаат одлично ако ги искористите правилно. Затоа, соберете ги сите украси на куп и вклучете ја креативноста.

Ако не знаете каде да ги ставите зајачињата и другите животинчиња кои ги имате како сувенири, одлично би било да им најдете место некаде меѓу домашните цвеќиња, боцнати на некое стапче или пак лесно поставени помеѓу цветовите.

Украсните јајца од стиропор или картон изгледаат одлично во стаклен сад. Доколку имавте обичај да ги закачувате, оваа година пробајте да направите дрво од суви гранки на кое ќе ги закачите или залепите. Или наједноставно – направете домашна велигденска икебана.

Не го заборавајте и свежото цвеќе во силни бои. Розовите и портокалови цветови се одлична комбинација за велигденската трпеза. Дали ќе ги ставите во стаклен сад, дали ќе ги наредите во мокар сунѓер и во дрвено кофчеже или пак ќе ставите малку вода во кора од јајце и ќе ги оставите да пловат, не е важно - важно е секогаш да имате свежо и мирисно цвеќе.

Заедно со идеите ви нудиме и неколку фотографии од кои може да црпите инспирација и да го декорирате домот на свој начин, со многу венчиња, цветни аранжмани и шарени јајца.

Интересни Велигденски декорации

Уживајте во велигденскиот амбиент: 5 идеи за декорација на домот

Велигден треба да се прослави во што повесел амбиент, па направете се за вашиот дом да изгледа баш така. Не ви требаат многу пари, само малку мечта и многу шарени јајца, разни фигурички, цвеќе... Празникот е сè поблиску.

Овал полн со идеи
На поголем овал наредете велигденски детали, како пиленца, зајчиња, птици... Во средината ставете свеќа во живописна боја, па наредете разновидни јајца околу неа. Ова е одличен аранжман за маса или поголема комода.

Чинија од бајките
Од поголема чинија каква сигурно имате дома, без многу мака можете да направите прекрасен аранжман. Наполнете ја со јајца, па посипете ја со латици цвеќе. Играјте си со комбинациите на различно цвеќе во барем две бои и ќе добиете украс за секое катче од вашиот дом.

Декорација од мечтите
Нема ништо поубаво за украсување на домот од цвеќето. Уште ако набавите режено цвеќе со црвени цветови и многу зелени листови...убавина! Ставете го покрај прозор и ќе имате најубаво украсено катче. Вашите домашни ќе уживаат во неговата убавина, а вие ќе бидете горди на своето дело. Околу стаклената вазна ставете пердуви за нијанса посветли од цветовите, а на прозорите закачете кадифени фигурички во облик на зајче или пиле.

Виолетова магија
Бела керамичка вазна во комбинација со свежо цвеќе и вештачки јајца ќе изгледа нестварно. Целиот аранжман ставете го на светло виолетова подлога и ќе добиете идеален украс за празничната трпеза. Со виолетови траки освежете ги и украсете ги јајцата и наредете неколку зелени листови.

Велигденско дрво
Пронајдете гранка од некое дрво, па забодете ја во цвеќарски сунѓер. Секое гранче обвиткајте го со украсна хартија и ќе добиете нешто како на елка. Потоа на секое гранче закачете вештачки украсни јајца.

Први велигденски подготовки: Креативни декорации за вашиот дом

Колку и да ви изгледа далеку, за весели, велигденски декорации во домот никогаш не е прерано. Набавете ги сите потребни материјали со време и започнете.

Прва за украсување е надворешната врата која од самиот влез ја внесува велигденската атмосфера во домот.

За неа можете рачно да изработите венци во облик на зајче од вештачко цвеќе, картон и зеленило или пак на жица во овална форма да залепите неколку десетици украсни јајца од стиропор.