Информација за Nexavar таблети

Здраво.

После операција за отстранување на турмор од црниот дроб, на татко ми му беа препишани Nexavar таблети како единствена терапија која може нешто да помогне. Е сега проблемот е што тие таблети ги нема во државна онкологија, а една кутија, што е доволна за околу месец дена, чини околу 3500 евра да се набави на приватно. Тоа се лекови произведени од Bayer, Германија. Истиот лек произведен во Индија по лиценца на Bayer чини околу 180-200 долари.
Бидејќи не сме во состојба да го набавиме лекот од Bayer, сакам да прашам дали некој знае, има слушнато или има било каква информација од каде и како може да се набави лекот произведен во Индија. На онкологија викаат дека доста луѓе го набавувале некако од Бугарија.
На интернет има доста страници од Индија каде што може да се нарача, но како прво не сум сигурен дали може да им се верува, а второ не сум сигурен дали воопшто може да се внесе во државава како поштенска пратка.
Ако некој набавил или знае некој друг што набавил, Ве молам за информација.

Благодарам