IDIVIDI forum Веб сајт
почетна страница почетна страница > Здравје > Исхрана и кулинарство
  Активни теми Активни теми RSS - Ролат
  најчести прашања најчести прашања  Пребарувај форум   Настани   Регистрирајте се Регистрирајте се  Влез Влез

Ролат

 Внеси реплика Внеси реплика страница  123 4>
Автор
Порака Обратен редослед
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Тема: Ролат
    Испратена: 31.Јули.2020 во 22:28

Брз ролат – Совршен десерт за ненајавени гости, кога немате ништо, освен јајца во ладилникот


Секој од нас се нашол во ситуација да се соочи со ненајавени гости, а да немаме ништо од посебно приготвена храна дома, а токму следниот рецепт за златен брз ролат е совршеното решение за оваа цел!


     5 јајца

  • 1 прстофат сол
  • 120 гр шеќер
  • 90 гр пченично брашно
  • 2 гр пециво
  • 50 мл сончогледово масло
  • 50 мл млеко
  • Слатко по ваш вкус

Начин на подготовка

  • Одделете ги жолчките од белките, додадете прстофат сол и добро изматете со миксерот. Додадете 50 грама шеќер и продолжете со матење. Масата на смесата треба двојно да се зголеми.
  • Изматете ги белките во длабок сад за 1 минута. Поделете го преостанатиот шеќер на 3 дела и постепено додадете ги кон белките, притоа непрекинато мешајќи со миксерот, додека да добиете цврста пена.
  • Додадете ги жолчките, додека внимателно ја мешате смесата во насока на стрелките на часовникот со силиконска шпатула. Додадете ги пресеаното брашно и пецивото.
  • Измешајте сончогледово масло и млеко. Кон смесата додадете неколку супени лажици од тестото од јајцата, добро измешајте, а потоа одозгора полејте го преостанатото тесто и измазнете.
  • Поставете го добиеното тесто врз хартија за печење, во соодветен сад. Распоредете рамномерно и поставете го да се пече 30 минути на170°C.
  • Додека сè уште е топол, поставете го пандишпанот врз хартија за печење и направете неколку засеци врз неговата површина, премачкајте со мармалад, крем или било каков фил по ваша желба и завиткајте го ролатот.
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 07.Март.2020 во 11:51
Декоративен ментол ролат


Состојки
За декоративните линии
1 белка
30 гр шеќер
30 гр путер
20 гр брашно
зелена прехрамбена боја
За кора
2 јајца
60 гр брашно
60 гр шеќер
прстофат сол
За фил
150 гр бело чоколадо
150 гр слатка павлака
1 лажица ментол екстракт
зелена прехрамбена боја
3 коцки чоколадо
100 гр слатка павлака
5 гр желатин

Подготовка
1. Ја вклучуваме рерната да ни се загрее на 170 степени.
2. Најпрво треба да ја направиме смесата за декоративните шари.
3. Сите состојки ги ставаме во еден сад и ги соединуваме со миксер. Смесата ја ставаме во кесичка на која ќе и го отсечеме ќошот или пак во шприц со кој може да се прават тенки линии.
4. На хартија за печење цртаме декорации по желба. Хартијата ја превртуваме и ја ставаме во тавче со 27х27 димензии во кое ќе го печеме ролатот. Истискуваме од смесата и ги формираме шарите.
5. Тавчето го ставаме во замрзнувач.
За тоа време ја правиме смесата за кората .
1. Ги двоиме белките од жолчките, жолчките ги матиме со шеќерот заедно, па го додаваме брашното.
2. Ги матиме белките да се зацврстат и со шпатула со лесно промешување ги соеднуваме со смесата од жолчки.
3. Го вадиме тавчето со шарите од замрзнувач и ја распоредуваме смесата врз нив.
4. Печеме околу 10 минути, ама секоја рерна различно пече па внимавајте да не ја препечете кората.
5. Откако ќе се испече, ја оставаме 2-3 минути да излади и потоа ја тргаме хартијата за печење, ама повторно во истата хартија ја роламе кората во ролат.
Подготовка на фил
1. Павлаката ја загреваме до вриење, ја тргаме на срана и во неа го додаваме белото чоколадо, ментол екстрактот и прехрамбената боја. Мешаме до растопување и изедначување на смесата.
2. Желатинот го растопуваме во 2-3 лажици вода, па го ставаме на ниска температура на рингла да се растопи.
3. 100 мл слатка павлака ја матиме до згуснување, ама не премногу, лесно да биде изматена.
4. Кон неа ја додаваме скоро изладената смеса од бело чоколадо и растопениот желатин. Матиме до соединување и згуснување.
5. Врз кората го распоредуваме филот и рендаме чоколадо врз него. Го завиткуваме ролатот и го оставаме да се стегне филот.
Сечеме парчиња по желба.

Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 25.Декември.2019 во 22:12
Ролат - Мандарина цвет

Состојки
За тесто
5 јајца
5 лажици шеќер
5 лажици брашно
1 лажица какао
1 пакетче прашок за печиво
сок од 1 мандарина
За фил
400 мл млеко
6 лажици шеќер
1 пакетче прашок за пудинг од ванила
1 лажица нишесте (или брашно)
1 жолчка
150 гр маргарин
7-8 мандарини
Во овој рецепт мандарината игра улога на декоративен вкусен додаток, а може е и кралица на рецептот. Подгответе го и кажете.

Подготовка: Матете ги јајцата и шеќерот најмалку 10 минути до кремаста структура. Брашното, какаото и пецивото измешајте ги да нема грутчиња или поминете ги низ сито и со најмала брзина на миксерот, вмешајте ги во изматените јајца. На крај со рака или алатка исцедете една мандарина и кратко поминете со миксерот да се соедини. Смесата излијте ја во обложен плех од шпоретот со пек хартија и печете на 170С 15тина минути. Печената кора извадете ја од хартијата и замотајте ја во влажна пацета во ролат. Додека се загреваат 300 мл млеко и 5 лажици шеќер, во останатото млеко и шеќер растворете го пудингот, нишестето и жолчката, па додадете ги во загреаното млеко и сварете густ крем. Префрлете го кремот во друг сад за полесно да лади и додадете го маргаринот, па со миксер изматете до кремаста структура. Премачкајте ја кората со кремот насекаде. На почетокот наредете ги излупените мандарини цели и внимателно завиткајте во ролат. Оставете го најдобро преку ноќ на ладно да отстои пред да го исечите на парчиња. 


Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 23.Ноември.2019 во 09:40

Најлесниот и брз десерт без печење, која ја надмина и популарната бисквитна торта

Десертите имаат неверојатна моќ: Да ве развеселат дури и во најлошиот ден, кога ништо не ви оди по планот. Особено супер е, доколку веќе имате нешто вкусно во домот, па така ќе го заштедите патот до продавница.

За денес ви откриваме рецепт како да приготвите неодолив десерт на најбрз и на најлесен начин. Станува збор за чоколаден ролат, за кој ќе немате потреба ниту да ја вклучувате рерната.

Брз и лесен чоколаден ролат

Потребни состојки

  • 300 гр чоколадни бисквити
  • 110 мл млеко
  • 50 гр темна чоколада
  • 100 гр путер
  • 200 гр маскарпоне
  • 150 гр шеќер во прав

Начин на подготовка

Сомелете ги чоколадните бисквити и потопете ги во 80 мл млеко. Следно, растопете ја чоколадата на водена пареа и измешајте добро.

Во длабок сад, додадете го омекнатиот путер, шеќерот и маскарпонето и 30 мл млеко. Измешајте ги добро состојките, додека не добиете мазна смеса, без меурчиња.

На работната површина, поставете фолија, а врз истата поставете ги бисквитите, покријате одозгора повторно со фолија и користејќи сукало, бисквитите претворете ги во мазен правоаголен слој.

Следно, отстранете ја фолијата и премачкајте го бисквитниот слој со претходно добиениот фил. Складирајте го направениот десерт обвиткан во фолија, во ладилникот да отстои 5 часа.

По 5 часа, извадете го десертот од ладилникот, внимателно отстранете ја фолијата и декорирајте ја неговата површина по ваша желба.

Пријатен апетит!

Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 23.Ноември.2019 во 09:27

За него секогаш чувам резерва пакетче бисквити во кујната“ – Најомилениот брз ролат, кој се приготвува во ладилникот, наместо во рерната

Што е подобро за за летните денови, од добро изладен десерт, кој не ви бара да ја вклучувате рерна на овие високи температури. Овој бисквитен ролат се приготвува премногу лесно, а на вкус е свеж и умерено сладок.

Најтешкиот дел е тоа што ќе мора да почекате малку повеќе време додека десертот се лади во ладилникот, а еве како да го приготвите истиот:

Потребни состојки

  • 300 гр бисквити
  • 110 мл пресно млеко
  • 50 гр црно чоколадо
  • 100 гр путер
  • 200 гр маскарпоне
  • 110 гр шеќер во прав

Начин на подготовка

1. Сомелените бисквити полејте ги со 80 мл пресно млеко. Растопете ја чоколадата на пареа и потоа додадете и измешајте ја во бисквитното тесто.

2. За подготовка на кремот потребно е во длабок сад да го измешате путерот, шеќерот, маскарпонето и преостанатото количество млеко, сè додека не добиете добро соединета смеса.

3. Во калап поставете хартија за печење и додадете го врз истата бисквитното тесто. Со раце или лажица добро оформете ја смесата, така што истата е потребно да биде со рамномерна дебелина насекаде.

4. Намачкајте го тестото со кремот и внимателно завиткајте го ролатот, заедно со хартијата. Потоа, поставете го ролатот во ладилникот и оставете да отстои добри 5 часа.

5. По вадењето од ладилникот, отстранете ја хартијата и декорирајте по ваша желба.

Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 06.Април.2019 во 11:36

НАПРАВЕТЕ СОВРШЕН РОЛАТ ОД ЈАГОДИ И ВАНИЛА НА ЕДНОСТАВЕН НАЧИН! (РЕЦЕПТ)



Ако сакате да ги изненадите своите најмили или гостите кои ви доаѓаат прв пат, подгответе го овој едноставен ролат од јагоди. Јагодите и ванилата гарантираат фантастичен вкус на овој одличен десерт.

Состојки: 3 јајца, 5 лажици брашно, 5 лажици бел шеќер, 100 милилитри млеко, малку сол, лажичка екстракт од ванила, 5 лажици џем од јагоди, 100 милилитри слатка павлака.

Подготовка: Измешајте ги жолчката и шеќерот, додадете брашно, екстракт од ванила и млеко. Во таа смеса измешајте и три белки и малку сол. Мешајте со гумена или дрвена лажица во една насока и три пати додавајте белки, како би останал што повеќе воздух во бисквитот.

Во голем калап за печење ставете хартија за печење и распоредете го бисквитот. Печете од 5 до 7 минути во рерна загреана на 180 степени. Бисквитот не смее да се препече, инаку ќе пука во текот на виткањето. Откако ќе завршите со печење, на топлиот бисквит намачкајте џем од јагоди и тенок слој слатка павлака.

 

Свиткајте го внимателно одвојувајќи го од хартијата за печење. Оставете на ладно да се стегне. На готовиот ролат истурете шеќер во прав.

Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 24.Март.2019 во 21:33

Dave’s Kitchen: Лиснат ролат за секоја прилика




Брз рецепт што ќе ве спаси во сите оние ситуации кога ви се најавиле гости, а немате време да приготвите нешто за нив. За помалку од половина час ќе имате готово и превкусно мезе, кое ќе им се допадне на сите.


Потребни состојки:

  • 250 гр. лиснато тесто
  • 2 лажици кисела павлака
  • 1 лажичка шарена сол
  • 100 гр. шунка
  • 100 гр. кашкавал
  • Свеж магдонос исечкан ситно
  • Растопен путер
  • Сусам

Начин на подготовка:

Расукајте го лиснатото тесто на работна површина со дебелина од 2-3 мм. Премачајте го со кисела павлака и нарусете шарена сол и малку бибер. Наредете ги шунката и кашкавалот и нарусете свежо исечкан магдонос. Превиткајте го лиснатото тесто во ролат и префрлете го ролатот во тавче за печење обложено со хартија. Со ножици пресечете парчиња под агол од 45 степени, но не сечејќи ги до крај. Наместете ги едно парче лево, друго десно. Премачкајте ги парчињата со растопен путер и нарусете сусам. 

Печете во загреана рерна на 190 степени околу 20 минути.



Изменето од Valerija - 24.Март.2019 во 21:34
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 17.Октомври.2018 во 22:14
Ролат око


Око ролат

Состојки
6 јајца
6 лажици шеќер
6 лажици брашно
1 кесичка печиво
1/2 лажица какао
темен фил
125гр. мелени ореви
50гр. вода
2 лажици шеќер
2 редици чоколадо
светол фил
1 пудинг ванила
1 лажица брашно
300мл. млеко
180гр. маргарин
100гр. шеќер во прав
1 кесе шлаг пена(биен по упатство)

За кората се бијатјајцата со шеќерот, се додава брашното помешано со печиво. Една третина од смесата се остава во друг сад и се става какао. Се тура во плех над хартија прво жолтиот, па веднаш до него кафеавиот дел и се печи на 200.
Испечен се завива во малку навлажнета крпа одделен од хартијата претходно. По кратко време се одвиткува, се завива во сува крпа за да не прими многу влага и да стои како наживен(народски кажано).

Најпрво се подготвува светлиот дел од фил.
За него е потребно повеќе време сметајќи го притоа и ладењето. Од состојките за светол фил се вари крем од пудингот, брашното, млекото и се лади.
Настрана се бие маргаринот со шеќер во прав, па се спојуваат.

За темниот фил се попаруваат мелените ореви со заблажената зовриена вода, се меша константно и во топло се става чоколадото да се истопи. Овде јас додавам во малку ладен дел и 2-3 лажици од светлиот фил, ми дава посебен вкус иако во оригиналниот рецепт ги нема.

Се одмотува кората се става по должината на кафеав дел од кората кафеав фил, а на жолтиот дел светол фил, но ќе требаат 2-3 лажици од него настрана да се остават за да се премачка одозгора. Конечно се вие во ролат, се премачкува на тенко фил и најгоре секогаш додавам шлаг, повторно по мој избор, а вам како ви е по замисла.


Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 17.Октомври.2018 во 22:12
Гауда ролат со крем сирeње

Гауда ролат со  крем сирење

Состојки
14-16 листови гауда
полнење
8-10 зелени маслинки
фил
2 варени јајца
1 варен морков
200гр крем сирење,може по вкус да биде и со зачински билки
1 лажиче сенф
1/4 лажиче мелен бибер
100гр пилешка шунка
малку сол

Декоративен и вкусен солен ролат.

Прво го подготвуваме полнењето.
Во сад ги соединуваме сецканите јајца, сецканата шунка, морков, сенф, бибер, сол, крем сирење.
Убаво изедначуваме.
Оставаме во фрижидер на 15 минути.
Во плех ставаме хартија за печење.
Врз неа ги распоредуваме парчињата кашкавал, при тоа по малку да се преклопуваат меѓу себе.
Јас наредив 4х4 парчиња
Го ставаме плехот во загреана рерна, многу кратко, на една до две минути, колку само гаудата да омекни.
Го вадиме од рерна и заедно со хартијата и ја преместуваме на работната маса.
Сега филот рамномерно го нанесуваме врз кората од гауда.
На почетокот редиме зелени маслинки со пиперче.
Завиткуваме убаво ролат.
Го оставаме во фрижидер да се стегни.
Потоа сечеме на парчиња и послужуваме.


Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 17.Јуни.2018 во 18:55
2 локум ролати


2 локум ролати


Состојки
Локум ролат со кокос и желе
1/2 кг локум
200 гр кокос
за фил
100 гр желе бомбони
100 гр орев или лешник, бадем
100 гр суво грозје
Ролат со локум и сусам
1/2 кг локум
300 гр сусам


За првиот ролат, локумот, кој се препорачува да е пресен убаво се измесува со кокосот. На најлонска фолија се расплескува во кора, која се филова со исечкано желе, потпечени и издробени ореви или што и да изберете и натопено суво грозје во малку вода и рум (кое на сликата е изостанато). Се витка во ролат и се остава во фрижидер добро да се стегни.
За вториот ролат, сусамот го потпекуваме и потоа го измесуваме со локумот. Обликуваме форма на ролат и оставаме да се стегни во фрижидер.
Добар апетит!


Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 28.Мај.2018 во 16:43
Малку намирници и време: Брз чоколаден ролат со банани


Брз чоколаден ролат со банани

Направете брз и вкусен чоколаден ролат со банани.

СОСТОЈКИ:

  • 300 гр кекс
  • 200 гр маргарин
  • 100 гр шеќер во прав
  • 150 мл млеко
  • 3 крем банани
  • 6 парчиња јафа кекс
  • 2 банани
  • 100 гр чоколадо за готвење
  • 2 лажици шеќер

ПОДГОТОВКА:

  1. Со миксер се матат 150 гр маргарин со шеќер во прав, се додаваат плазмата, млекото и крем бананчињата, па јафа кексот.
  2. Се убаво се соединува.
  3. Сеправат кори од смесата, се става бананата на средината и се прави ролат.
  4. Во шерпа се става чоколадата за готвење, 3 лажици млеко, 50 гр маргарин е со нив се прелева ролатот.
  5. Се сече и служи изладен.
  6. Добар апетит!
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 15.Мај.2018 во 18:40
Ролат со палента

Ролат со палента

Состојки
За палентата
375гр. палента
1,5л вода
1 лажица групна сол
2 јајца
За филот
150гр. мелено месо
1 кромид
150гр. печурки од конзерва
150гр. кашкавал
попотреба сол и црн пипер
попотреба сечкан магданос
Потребно ќе ви биде уште
150гр. кашкавал
100гр. мортадела
попотреба масло за јадење

1. Сварете ја палентата според упатството на кесичката. Единствена разлика или плус што јас направив е тоа што откако ја сварив палентата додадов две матени јајца и размешав додека е уште топла. Тоа ми помогна палентата да стане по компактна и лесна за мотање во ролат.
2. Додека палентата малку се подизлади вие во меѓувреме спремајте го филот. Во тава на огнан сечкниот кромид и мелното месо попржете додека кромидот не омекне .Тргнете ја тавата од оган и додајте го ренданиот кашкавал.
3. Мортаделата исечете ја со машина на многу тенки ленти. Распоредете ја мортаделата на хартија за печење( како на дополнителните слики) .Врз мортаделата распоредете ја палентата а врз неа додајте го филот и формирајте ролат со помош на хартијата за печење. Исто со помош на хартијата преврлете го ролатот во тава за печење и така со хартијата печете го ролатот во загреана рерна 15 на 200 степени.
4. Извадете го ролатот од рерната и внимателно со помош на хартијата ролатот префрлете го во друга тава за печење обложена со хартија за печење. Старата хартија отфрлете ја а врз ролатот нарендајте го останатиот кашкавал и повторно вратете го во рерната уште 5 минути за да се разлее кашкавалот.

Ролатот пред послужување сечете го со остар нож, знаеме сите дека палентата е доста деликатна зато внимателно префрлете парчиња од ролатот во чините за сервирање.
Буон апетито!




Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 09.Мај.2018 во 20:29
Декоративен ролат со мелено месо


Декоративен ролат со мелено месо


Состојки
1 Дел:
500 гр мелени пилешки гради
1 јајце
1 рендан кромид
1 кришка леб (само мекиот дел потопен во вода)
1 лажица мешан сув зачин
1/2 лажичка мелен бибер
2 Дел:
500 гр мешано мелено месо (говедско со свинско)
1 рендан кромид
1 лажичка мелен црвен пипер
1 лажица мешан сув зачин
1 лажичка мелен бибер
3-4 лажици лебни трошки
6 моркови за средината на ролатот

Е, оваа рецепта ми е од Бубе и Дејан. Бубе е братучетка на мојот сопруг, ама повеќе ми е како пријателка. Морав да ги пишам двајцата, затоа што Бубе ми го кажа рецептот, ама знам и дека Дејан многу сака да се вртка во кујна, па и тој најчесто го прави ролатот.
Ролатов не е сложен за подготовка, а што би рекол Деки, „можеш да си ставиш што сакаш во него“. Јас се одлучив за оваа варијанта со морков.

1. Морковите ги вариме, ама да не бидат преварени. Пилешките гради ги мелеме во сечко и ги додаваме останатите состојки.
2. Во меленото мешано месо исто така ги мешаме сите останати состојки.
3. Го расплескуваме прво мешаното мелено месо на најлонска фолија, па потоа пилешкото мелено месо. За да ни биде рамномерно распоредено може месото да го покриеме со фолија и со сукало да поминеме врз него. Исто со двете меса.
4. На почетокот од ролатот ги редиме морковите. Почнуваме внимателно да го виткаме ролатот.
5. Ролатите ги ставаме во алуминиумска фолија и ги печеме на 200 степени, додека да почне да зацрвенува месото. Во тавчето во кое ги печеме, добро е да ставите малку вода за да не ви загорат. При крај на печењето отворете ја фолијата, за да се зацрвени месото.
Ролатот е декоративен и вкусен и може да го направите за некоја празнична или домашна прослава.
Од оваа доза излегуваат два ролати.


Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 103558
Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 09.Мај.2018 во 20:27
Декоративен ролат

Декоративен ролат


Состојки
* За шарката
1 белка + прхрамнеби бои (зелена, црвена, кафеава или какао)
30 гр шеќер
30 гр брашно
30 гр путер или маргарин
* За кората
4 јајца
1 жолчка
100 гр шеќер
1 ванилин шеќер
3 лажици масло
110 гр брашно + на нож мерено прашак за пециво
* За фил
500+50 мл млеко
2 пак. пудинг од малина (или друг по избор)
100 гр путер или маргарин
50 гр шеќер во прав
100 гр или повеќе малини (или др. овошје по желба)

Најпрво спремете си еден поголем плех, пек хартија со бела боја и молив. Исечете ја пек хартијата со големина колку дното на плехот. Со моливот нацртајте шарки, слики, овошки, орнаменти... по желба и тоа што сметате дека умеете. 
Мене најлесни ми се видоа црешите. Поставете ја хартијата во плехот со цртаното надолу. За да не ми лизга, јас прво го намастив плехот иако не мора.

Потоа, спремете ја смесата за шарањето. 
Убаво изматете ја белката и матејќи постепено додавајте го шеќерот. На крај додадете го и путерот, предходно омекнат на собна температура. Поделете ја смесата на толку делови, колку што мислите да употребите бои и обојте ги. Ставете во шприц со тенок отвор или во најлон за замрзнување и откинете го малку ќошето, па шарајте врз цртаната хартија.
Плехот ставете го во замрзнувач додека ја спремате кората.

Има и уште еден начин, а тоа е шараните елементи да ги ставите во загреана рерна, многу кратко време 1-2 мин. колку да се запечат одозгора, односно да фатат коричка. Јас работев по првиот начин.

Во сад за матење иматете ги белките. Во друг сад жолчките плус останатата жолчка од јајцето за шарање со шеќерот и ванилиниот шеќер исто така изматете ги убаво, па додајте го маслото и со најмала брзина на миксерот на крај брашното и пецивото. Потоа, додадете го снегот од белките, внимателно мешајќи со лажица.
Смесата истурете ја врз формите и пек хартијата рамномерно и печете на 180 степени, некои 15на минути.
Кога малку ќе подизлади печениот ролат извадете го внимателно од пек хартијата завиткајте го во влажна крпа и сролајте го така што, долниот дел треба да е лицето.

Млекото ставете го во тенџере на оган, а во 50те мл разредете ги пудинзите и додајте 2-3 лажици шеќер и варете пудинг.
Во сад на страна изматете го путерот со шеќерот во прав, додајте ги малините (за колку и да се одлучите, составот трпи) и на крај изладениот сварен пудинг.
Со кремот премачкајте ја кората и убаво сролајте ја, па оставете некое време да се здрви пред да сечите.
Наместо овој фил, можи да ставите секако, било кој или едноставно само да го премачкате со Нутела.
Уживајте и во погледот и во вкусот!


Јакиот човек има само една слаба страна-жената што ја сака!
Кон врв
 Внеси реплика Внеси реплика страница  123 4>
  Сподели тема   

Скок до Овластувања Кликни и види ги опциите

Forum Software by Web Wiz Forums® version 10.03
Copyright ©2001-2011 Web Wiz Ltd.

Страницата е генерирана за 0,156 секунди.