Messenger напиша: Кога во некогашна "народна" Југославија имаше само една "народна" партија (бидејќи секоја друга беше "ненародна") предност за запослување, особено за најдобрите и најважните позиции беше имањето партијска членска книшка. И најголемиот број луѓе се зачленуваа токму поради тој факт.  Луѓето го прифатија тој начин на живеење како норма на времето. Кога Македонија се осамостои како држава секоја партија која беше во позиција си продолжи со таа пракса за да си обезбеди што поголем број членови и подршка меѓу народот кој веќе беше навикнат на некогашниот терк на вработување. Луѓето го прифатија тој начин на живеење како норма на времето и како некаква веќе заживеана традиција. Луѓето прифаќаат и го одржуваат во живот оноа што во моментот сметаат дека ќе им донесе некаков бенефит не гледајќи какви последици тоа носи во општеството, особено во неговата иднината. Но, кога нештото ќе заживее и ќе пушти длабоки корени, кога луѓето од него очекуваат дивиденти поради повеќегодишното инвестирање време, пари, врски и начин на живеење, тогаш никој не сака туку-така да се откажи од оноа што го со години го очекувал како плод за својата иднина. Иако сите го осудивале и го осудуваат партијското членство и купувањето дипломи како услов за вработување, во пракса ниту еден не сака да се откажи од тој начин на битување бидејќи на тој начин инвестицијата во иднината би му пропаднала.  Би му попаднале сите оние години трчање по партијски состаноци, лепење плакати, собирање по конгреси, митинзи и улични протести,  би му пропаднале и оние пари и канти со сирење поделени во професорските канцеларии. Би останал и без работно место… и без диплома… и без пари… и без време да започне нов живот поставен на нови вредносни норми. А штом е така, тогаш зошто би прифатил било каква општествена реформаод било кого и во било кое време ???

Првиот дел на постот не е вистина. Незнам колку си возрасен, ама идеолошката подобност можеби била важна на самиот почеток по војната. И тоа делумно, само за раководните позиции. Со текот на времто овие киртериуми попушатле, да до самиот крај на распадот и воопшто небиле важни.

Јас кога се вработував, никој не ми побара да докажам дека сум член на нардоната партија. Ниту пак некогаш сум бил!

Туку од секогаш важело она, ова е НАШЕ ДЕТЕ! Да не ги политизирме работите непотребно.

Туку за разлика од мене, гледам по јавните функции, луѓе кои и биле предани на народната партија, а сега се предани на некои нови вредности и идеали!

Патем и таму каде што си ти, идеолошката подобност е критериум кој наголемо се применува. Ако ништо друго барем во високите кругови, таму каде што стратешките и извршните функции, несмеат да им бидат дадени на луѓе кои не се НАШИ ДЕЦА!



Изменето од Platenik - 14.Декември.2014 во 01:41

Messenger напиша: zabegan, од коментарите што ги пиша на ова тема разбрав дека за сите оние кои се на некаква позиција во оваа држава не се знае како дошле до дипломи, дека таму има и луѓе кои се полуписмени и дека целта на владата не е тоа да го спречи и реши за идните генeрации, туку преку државниов испит да ги сотре сите млади кои завршуваат факултети (од кои некои би сакале да дипломираат онака лесно како што наводно дипломирале луѓето во владата) и истовремено да го користи тој државен испит за присилно регрутирање нови партијски членови и елиминирање на универзитетски професори. Исто така, доколку добро те разбрав, велиш оти школството не е добро, но дека таков државен испит би можело да биде спроведен од некоја друга влада во која ќе работат вистински дипломирани луѓе кои, исто така, не се компромитирани, туку се морално и етички кредибилни и докажани како такви во општеството. Поправи ме ако грешам.

од прилика, тоа е, само замени ги студентиве од постот, со професорите и факултетите... со ова некој ќе се обиде да расчисти сметки кои се нерасчистени
студентите се само колатерална штета, кои со учење или со други средства, пак ќе го завршуваат факултетот, само што со ова им се отвара многу повеќе работа и се трошат повеќе пари... нешто што не го заслужил лично секој студент посебно да го носи на грб
...и да, за одредена политичка елита да носи идеи, треба истите тие идеи да ги поддржува со кредибилитет... така барем предлогот би имал смисла и полесно би го прифатил, и мислам дека дури и на тебе не ти е логично некој ако не дипломирал на чисто, да те тера тебе да дипломираш на чисто

туку проблемот е друг, не знам колку си запознаен со тоа како функционира ЕКТС, затоа што, работата е многу покомплицирана од едноставно полагање на испит, проблемот е во системите и во другите стратегии кои се засегнати од образованието, не се совпаѓаат, и фактички, на еден недоквакан систем, се накалемува друг недоквакан систем, за кој сум скоро сигурен дека ќе има многу дупки... подетално ќе објаснам во уште еден пост

текстов не е мој, ама доловува голем дел од ситуацијата, а има и други проблеми:

Прво, како ќе го ‘спојат‘ тој таканаречен испит (екстерен или државен, исто .... само различно пакување) со ЕКТС системот - кој и самиот уште не е целосно имплементиран на сите факултети, дали поради одбивноста на дел професори или недоволно познавање на неговите карактеристики.

Второ, автономијата на универзитетите.
Ќе ги спомнам овде и професорите и генерално нивната безгласност.Секоја чест за неколкумината кои јавно се изјаснаа против, исто и Правниот факултет при УКИМ.
Дојде време студентите да се борат за автономија на универзитетите без поддршка од професорите.Се борат и во име на професорите, да не им го потценат интелектот - иако ова е делумно дискутабилно за дел професори, баш тие поради кои факултетите се поврзани со термини како мито, корупција, непотизам.

Трето, зошто проблемите кај нас секогаш се решавале после некоја ‘ситуација‘, а не со превенирање и секогаш најмногу имал дополнителна штета веќе првобитно оштетениот.Имаш лошо образование (Министерство, факултети, професори, лоши материјали и недостаток од истите, нула пракса) и на крај пак ќе испаднат студентите жртвено јагне.
А не корумпираните професори кои користат не свои трудови туку туѓи материјали (често и на странски јазици и од некои други времиња), просветни инспектори,
или министри со дискутабилна диплома.
И прашање е во случај да е воведен таков испит, колкава е веројатноста дека истите овие горенабројани нема да продолжат со исто темпо?

Четврто, двајца родители одвојувале огромен дел од нивниот мизерен семеен буџет за преживување на нивниот студент во друг град (едно 2000 евра на годишно ниво), тој положил се до втора година со убав просек и на крај добиваш нов шамар од некаква комисија со дискутабилна компетентност - си паднал на државен испит и немаш право да го продолжиш образованието со само 3 недоволно погодени одговори.Три од пет прашања за поминување, кои се ни еден процент од дотогашниот материјал.После ова, државниот испит можат да го крстат Државна лотарија.

Петто, со најмали и нејасни реченици е наведено и државен испит после магистратура и докторат.Ако продолжиме во тој стил, следно ќе е државен испит за брак.

И една забелешка во врска со поделбите приватни - државни и УКИМ - другите универзитети.Не е се црно - бело.
Предност кај приватните е праксата и условите за студирање, кај државните процентот е околу нула пракса.Од друга страна на крај ако имаш огромна среќа за интервју за некаква работа, предност имаш со државен факултет...
Друго, веројатно добар дел приватни се подобри од на пример државниот ФТУО во Охрид - претпоставувам тука еден од членовите мислеше на ‘дел факултети од УКЛО‘.Мојот факултет на УКЛО имаше барем 50% исти професори со неговите еквиваленти на УКИМ и УГД.Не верувам дали истите професори држат различен критериум и настава на различни универзитети, ама имаше различен систем форсиран од самите факултети (УКИМ/УГД заокружување прашања, УКЛО во најголем дел тематски систем).
Нормално и обратни случаи каде доста приватни факултети се смешка во однос на државните или и други приватни.

Исто озбилно прашање е зошто ги форсираа средношколците да запишат факултет?
Дека ќе најдат полесно работа или реално да добијат институции и приватни фирми изговори и уцени од типот ‘епа сега секој е со факултетска диплома‘, квалитетот е разводнет, се отворија ванаби факултети во секоја можна зграда и сега имаш огромен број дипломирани и невработени без перспектива во земјава.

Од една страна викаме се запишале огромен број студенти онака за тепање време, ама на почеток на 18-19 години се лажат со подобра иднина ако добијат една диплома плус, се дури не добијат шамар од реалноста па им е сеедно дали, кога и со каков просек ќе завршат.

Јас сум за поинакви реформи.Една од најголемите утки е слаба, скоро непостоечка можност за практична работа во текот на студиите.
Нека работат студентите во летниот период (или пола работно време паралелно со студии) пракса во фирми по нивна струка и нека бидат фирмите обврзани да ги платат, со можност да бидат платени дел од нивните студии од таа пракса.

Со ова ем фирмите ќе се обврзани да воведат реална, а не кафетерија пракса и ќе им е однапред инвестиција во кадар за во иднина, кога по потреба за работно место ќе добијат во добар дел спремен работник, запознат со условите во идното работно место.
Алкалоид и Витаминка веќе работат со стипендирање, ги пратат тие студенти во тек на студиите, па после добар дел и се вработиле.Посебно првите.

И да гледаме каков кадар ни е потребен.
- Не е нормално секоја година во Охрид да ваѓаш по 50-100 дипломци на царина, а граничните премини се исти на број
- По 2-3 илјади економисти на сите универзитети, а гледаме економијата на какво ниво ни е
- Во Битола имаше и Факултет за јавна администрација , мислам дека неговото постоење е смешно со оваа гломазна и нефункционална администрација.

Нас ни фалат медицинари, истовремено квотата за запишување е најмала на тие факултети, а огромен дел од веќе постоечкиот кадар отиде во странство.Зошто нејќат да работат волонтерски за мизерни 5000 месечно, а потрошиле 7 години студирање.IT работници исто секогаш се во недостиг, па општо техничките струки.Па еден Факултет за енологија и вински туризам во Кавадарци (најсериозно)...


Ова со испитот е само дел од купот проблеми во образованието, овие се многу дополнителни работи.А образованието е дел пд поголем куп проблеми.


и бидејќи има луѓе кои викаат дека не се знаело што е предложено како државен испит, и студентите не знаеле за што протестираат:

концептот во кој е замислен Државниот е:
- Државнито испит ќе се полага на крајот од втората и крајот од четвртата година
- Право на полагање на државниот испит после втората година имаат само студентите што ќе ги положат сите предмети од првата и втората година што значи доколу не положиш само еден предмет од втората година нема да можеш навремено да го полагаш државниот испит, а со тоа немаш право да запишеш трета година најмалку една година
- Доколку студентот не положи државен испит тој има право да го полага во вториот рок, по неколку месеци што значи ќе го испушти рокот за упис на трета година
- Полагањето на државен испит се поклопува со испитен рок што значи дека на студентите ќе им стојат два испитна рока наместо три
- Резултатите од државниот испит нема да имаат никакво влијание ниту врз крајната оценка, ниту по професорот со што се поставува и прашањето "зошто всушност се воведува државниот испит?"
- Државен испит ќе има и за постдипломски студии и докторски студии што е навистина смешно, како докторант ќе полага државен испит?

Иначе ако ги прашате студентите тие ќе ви кажат дека се сложуваат:
- Со регулација на Универзитетите т.е. намалување на државните и приватните универзитети во Македонија
- Намалување на квотите и истовременот зголемување на квотите на дефицитарните струки
- Зголемување на критериумите за упис на факултет
- Намалување на квотите на постдипломски студии и зголемување на критериумите кои треба да се исполнат за упис и за магистрирање (во последните години има енормно зголемен број на студенти кои магистиррале и докторирале и тоа со многу смешни и аматерски изработени дисертации)
- Целосно имплементирање на ЕКТС системот

zabegan напиша: Прво, како ќе го ‘спојат‘ тој таканаречен испит (екстерен или државен, исто .... само различно пакување) со ЕКТС системот - кој и самиот уште не е целосно имплементиран на сите факултети, дали поради одбивноста на дел професори или недоволно познавање на неговите карактеристики.

 http://www.dokaz.mk/ademi-vladata-tsvrsto-reshena-drzhaven-ispit-za-studentite-ke-ima-pa-makar-tsela-makedonija-izlegla-na-ulitsa/

Gabriela_S напиша: Ич не ми е јасно зошто се крена толкава врева околу екстерното тестирање на студентите. Па основците го полагаат веќе 2 години наназад, или дека се помали немаат право на глас и протест Меѓутоа, гарантирам дека со ваквото образование и ваквата наставна програма, на која безмилосно се осудени уште од прво одделение, учениците кои подоцна ќе бидат студенти ќе нема област која не ја познаваат, па и екстерното ќе им биде лесно ко боза

па најпрво, основците и средношколците имаат далеку понеразвиена свест, дури и да се претерано интелегентни, свеста доаѓа со одговорноста и зрелоста... си заборавила малце дека имаше протести и за средношколските испити, ама тогаш не беа разбрани сериозно, ете поради тоа... се сеќавам дека голем дел од средношколците „одеа на протести“ за да не одат на часови

а второ, многу полесно е да се примени државен испит за основно и средно образование, отколку за факултетите... основното и средното образование се стандардизирани, користат исти учебници и иста програма на предмети и смерови насекаде во земјата

и инаку, баш поради тоа ја коментираме и глобалната ситуација, затоа што и средното образование е засегнато од тоа, а од тестови во основното училиште нема воопшто потреба, и за тоа требаше да протестира некој друг... сигурно нема дете од 12 години да излегува на маршови...

Gabriela_S напиша: Да, основците и средношколците (се сирачиња), со далеку понеразвиена свест, а очигледно и нивните родители, кои им се смешкаат на наставниците оти се од иста партија, и мора да викаат амин на секоја глупост на оваа влада, оти нели од тоа им зависи сегашното или идното им работно место. Затоа до ова дереџе сме стасани. Се додека магнетот има магнетни својства и додека Лица со лични примања  се оние што имаат свој приход, а не се вработени, на пример: пензионерите,  инвалидираните лица и лицата што примаат социјална помош, јас нема да верувам во ниту една образовна институција. А тоа што студентите протестирале...ќе протестираат, млади се и луди, крвта им врие годините им се кога мислат дека ќе го сменат светот...се додека не го положат екстерното, и не станат горди академски граѓани... После тоа.....е друга песна....за жал.... и уште нешто ...основното и средното образование не користат исти учебници, училиштето само одлучува од кои автори, кои учебници ќе ги користи

истиот материјал е во учебниците, програмата е иста