Лесен ручек кој едвај ќе чекате да го направите повторно

Потребни состојки за две порции:

• 500 грама свежи шампињони
• Малку путер
• Малку масло
• Вегета

За филот:

• 30 грама рендано сирење
• 30 грама рендан мек кашкавал
• 5-6 црни маслинки
• Бибер
• Оригано
• Сув пармезан
• Лук во прав

Начин на подготовка:

1. Измијте ги печурките и извадете им ги дршките. Во тавче сипете малку масло и тука наредете ги со отворот нагоре. Можете да ги натиснете да бидат погусто наредени, бидејќи и онака ќе се исушат и со тоа многу ќе намалат од големината.

2. Ставете им малку вегета и по едно сосема мало парченце путер во секоја вдлабнатина. Дршките исчистете ги на краевите и ставете ги и нив во тавата, додавајќи им малку путер и од зачинот. Пикнете ги во загреана рерна на 220 степени Целзиусови.

3. За подготовка на смесата земете еден мал длабок сад во кој ќе ги ставите ренданото (или дробено) сирење и кашкавалот. Промешајте, а потоа додадете ги ситно сечканите маслинки. Со виљушка мешајте и пасирајте за да добиете што поуедначена смеса. Додајте малку лук во прав, бибер, оригано и сув пармезан. Продолжете да пасирате уште малку.

4. После 15 минути печење, извадете ги печурките од рерна. Може да бидат наполнети со мешавина од вода и стопен путер, па истурете ја течноста внимателно од нив и од тавата. Потоа во секој отвор додадете од филот за да го пополните сосема. Дршките доближете ги убаво една до друга и ставете од смесата и врз нив.

5. Вратете ја тавата во рерната и печете уште 5-7 минути.

6. Оставете ги печурките да се подизладат и сервирајте ги со зелена салата како додаток. Добар апетит.

Состојки
300 гр шампињони
250 гр крем павлака
пола лажиче копар
1 супена лажица мешан зачин
50мл маслиново масло

Печурките ги цедиме од саламурата.
Потребни се цели печурчиња.
На маслиново масло ги запржуваме и ги зачинуваме.
Откако ги запрживме околу 10 минути на тивко, ги тргаме од шпоретот и оставаме да изладат.
Ја додаваме павлаката и промешуваме.
Зачинуваме со кари и копар.
Јас го служам како салата или како додаток на месо.
На здравје!

Состојки
300 гр свежи печурки-шампињони
за полнење
100 гр горгонзола
50 гр рендан млечен кашкавал-ајдамер
1 голема лажица пармезан
неколку свежи листови босилек
по потреба путер исецен на мали коцки
малку сол и бибер ( по вкус )

Најпрво вклучете ја рерната на масимална температура (250-300 степени)
1. На измиените печурки отсранете им ги рачките. Горните делови од печурките ставете ги во сад за печење.

2. Рачките исечкајте ги на ситни коцки. На загреана тава со малку путер ставете ги коцките-печурки малку да се пропржат додека не им испари водата. Додадете ја и горгонзолата и лажица пармезан. Почекајте филот убаво да се соедини и тргнете ја тавата од оган. Додадете малку свеж босилек, бибер и ако сакате малку сол. Со лажица ставете од филот во секоја печурка. Од горе нанесете рендан кашкавал-ајдамер и парченца путер.

3. Печете на максимална темература во загреана рерна 5-10 мин односно додека не заруменат печурките.

Состојки
450 гр пилешки гради
1 мала главици кромид
1 чешне лук
1 јајце
5 лажици лебни трошки
300 гр свежи печурки шампињони
100 гр кајмак
100 гр кашкавал
30 мл масло
1/2 лажичка кари зачин
1/2 лажичка К*ркума
1 лажица мешан сув зачин
бибер по вкус

1. Месото го ставаме во сечко и го мелеме или на машина за мелење месо. Ги рендаме кромидот и лукот на ситната страна од рендето.
2. Во месото го ставаме јајцето, лебните трошки и зачините. Ја мешаме смесата.
3. На печурките им ги вадиме дршките.
4. Од смесата формираме плескавици со тежина од околу 60 грама. На средината од секоја плескавица ставаме печурка и ја обложуваме со месото.
5. На тавата ставаме хартија за печење која ја намаслуваме и на неа ги редиме гнездата.
6. Во средината на секое гнездо ставаме лажичка кајмак и ги печеме во загреана рерна на 200 степени додека да поцрвенат.
7. Пред крајот на печењето ставаме рендан кашкавал на секое гнездо. Ги враќаме во рерна да се стопи кашкавалот.

Сервираме со пржени компири и салата по желба.

Состојки
400 гр. шампињони ( врган)
1 поголема глава кромид
2 белки
малку црвен пипер
малку соја сос
малку маслиново масло
малку сецкан магданос
на вкус сув зеленчук, бибер, сол
спрема потребата лебни трошки

- Печурките заедно со кромидот ситно исецкајте ги во сецко да се добие фина компактна смеса. Додадете во нив маслиновото масло, зачините, белката. Додавајте лебни трошко онолку колку што е потребно да се направи смеса од која лесно ќе можете да ги формирате бургерите.
- На намрснета хартија за печење ставете ги направените бургери и лесно потпечете ги во рерна кое печење трае околу 20 мин. на температура од 180 степени..
Послужете со салата.
Напомена
- Во смесата од бургерите слободно ставете кашлавал или крем сирење.
- немам поточни мерки бидејки ова го правам од око, а сметам дека нема да ги згрешите и вие ако мерите од око...
- Денеска направив од вргањ, исто така добри и со шампињони, особено со ливадскиот - тој е голем и потребни ми се само 4 такви и завршено веќе за сите нас по дома да има.
- Печурките се користат сирови, само добро исчистени и измиени.

Мирисот ќе мами: Лудило од вкус за сите љубители на печурки