1.
Бојата на паричникот треба да биде во хармонија со стихијата на тој што го поседува. Секој човек припаѓа на некоја од петте стихии - вода, земја, метал, оган и дрво. Тие се определуваат според годината на раѓање. На пример, ако годината на раѓање завршува на 8 или 9, стихијата на личноста е земја, ако завршува на 6 или 7 е оган, на 4 или 5 е дрво, на 2 или 3 е вода и ако завршува на 0 или 1 е метал. Најсоодветни бои при избор на паричник според стихијата на човекот:

Метал - сива, сребрена, бела
Земја - златна, жолта, портокалова
Дрво - кафеава, зелена
Оган - црвена, боја на вино
Вода - црна, сина, виолетова

2.
Најдобро е да не се купуваат паричници кои се преклопуваат, бидејќи банкнотите не треба да се виткаат и стуткуваат. Поголемиот паричник привлекува повеќе пари. Се разбира, не претерувајте со големината :)

3.
Не штедете пари за материјалот на паричникот. Според фенг шуи, најдобро е тој да биде од природна кожа. Може да се користат и други природни материјали соодветни за негова изработка. Не се препорачува да купувате гумени или пластични паричници. Убаво би било во новиот паричник да ставите фенг шуи талисман (амајлија) за привлекување на пари.

Многу луѓе носат слики во своите паричници, но подобро би било да ги избегнувате, бидејќи делуваат негативно врз енергијата на парите. Освен тоа паричната енергија, преку сликата може да му наштети на човекот. Подобро е да носите талисмани, како фенг шуи огледало или три кинески монети врз лента. Може да користите и мирис на ментол. Тој се смета за аромат на парите.