Рецепти за разни видови слатко, џем, мармалад

Состојки
1,5 кг јаготки
1,7 кг шеќер
1 пак. лимонтус
0,5 литри вода
1 голем лимон (или 2 помали)
Растворете го лимонтусот во водата. Ставајте од исчеистените јаготки во течноста 30на секунди, па потоа редете ги во подлабоко и поголемо тенџере. Ред јаготки, кои ќе ги попрскате со исцеден сок од лимон, па ред шеќер. Завршувате со шеќерот најгоре. Вака спремани се оставаат во фрижидер да одстојат 12-15 часа. Пред варење тенџерето го оставаме половина час на непуштена рингла, па го стартуваме на највисока температура. Кај мене на 6. Кога ќе зоврие пената ќе се крени нагоре. Тргнете го од ринглата да се смири и варете потоа на 4 половина час. Не отпенувајте, не мешајте (ова посебно НЕ), нема потреба- но доколку почувствувате потреба за промешување само протресете го тенџерето. После половина час ставете во чинивче малку од шербетот и оставете 1 мин. да подизлади. Доколку покажува густина на прелив-готово е. Доколку сакате погусто, варете уште 10 мин (не ви препорачувам) Тргнете го садот од оган, отпенете, покријте го со влажна пацета и оставете го 15 мин. Потоа, повторно вретете го на рингла. Подесете ја на најсилно и варете годека не фати 2-3 клуча. Повторно, тргнете го на страна, отпенете и покријте го со влажна пацета. Оставете го така покриено најмалку 6 часа (доколку сте го вареле во тек на денот) или преку ноќ (доколку сте го вареле од вечер)
Наполнете ги тегличките и внимавајте најгоре јагодите да се покриени со шербетот. Оној шербет кој ќе ви остани, соберете го во посебна тегличка. Ќе го употребите за прелив за палачинки, кремови и слични десерти, или пак едноставно можи да си го искористите како сируп за растворање на сок.

Подгответе домашен џем, секогаш добар додаток за палачинки, чизкејк или како намаз за леб.

Состојки
Слатко
1 кг. цреши
пола филџан (од кафе) вода
пола пакетче лимонтос
1 пакетче ванила
Шербет
1 кг. шеќер
1 чаша од 200 гр. вода

1. Најпрво треба да ги извадите семките од црешите. Потоа во тенџере на оган треба да ги ставите состојките кои се потребни за шербетот, во шербетот ќе ги додадете црешите и истите ќе ги варите 30 - 40 минути. 15 минути пред да се тргнат црешите и шербетот се додаваат состојките за слаткото и стојат на оган колку малце да провријат сите состојки.
2. Кога се тоа ќе биде готово тенџерето се трга на страна и се протресува, а потоа се вади пената која се насобрала на горниот дел и се покрива со намокрена крпа со вода која што треба да стои до другиот ден.
3. И на крај слаткото се собира во тегли.

Состојки
1кг пасирани дренки
1 кг шеќер во прав

Овој мармалад царува .... најдобриот мармалад од сите мармалади, но не заради тоа што треба да се оддели посебно ден за неговата припрема, не заради малку покомлексната работа, туку заради неговиот вкус и фактот дека на полиците ќе имате најздрав мармалад.
Постапка
- Дренките оставете ги неколку дена да одстојат за да омекнат.
- Земајте по малку од дренките и низ преса пасирајте ги. Испасираната смеса премерете ја и според неа ќе го ставите и шекерот. На 1 кгр. чиста смеса се става 1 кгр. шеќер во прав. Садот во кој ќе матите треба да е пластичен, а ќе мешате со дрвена лажица. Од почетокот тој е поредок, а со самото мешање се згуснува за да на крај кога е готов сам ќе ви каже - почнуваат да се појавуваат меурчиња, тој е густ и веке потежок за мешање, почнува да остава трага. 
За да го имате ваквиот убав и пред се здрав мармалад потребно да го мешате 2,5 до 3 часа. Соберете го во стерилизирани теглички ... уживајте. Конечниот резултат верувам дека ќе ве направи срекни што успеавте.
Напомена
Мармаладот за да го имате ќе мора да бидете решителни бидејки ако мислите како ќе се испасира, дали ке успеам - ќе ве обесхрабри. Ставајте во пресата по малку од дренките и ќе виде лесно. Јас ја користам пресата која со неа има и ваљак, не дека не е корисен овде во припремата, но полесно некако ми идеше со рака да ги гмечам (нормално дека треба да имате ракавица на раката). Самото матење и не е тешко... ќе си викнете комшивка на кафе - нешто таа ќе помеша, нешто вие... и готово. Можеби ќе се прашате дали пак нема да е полесно да се мати со миксер или пасатор... веднаш ви велам НЕ, да не помислувате. Нема да добиете мармалад, ќе се запенува и понатаму нема да знаете дали да одпенувате или да продолжите - значи процесот на пасирањето кој е малку потежок не е за потценување за да експериментирате, како што напишав погоре - така треба да се работи.
Пријатели мои, нема да зажалите за трудот- ве уверувам. Знаете нели дека најчест благослов сме го слушале Да си жив и здрав како дрен... е тоа е тоа што цело време го пишувам. Имате навистина здрав мармалад, а за самиот дрен верувам дека знаете повеке за него и неговата добробит.

За подготовка на слаткото од рибизли потребно е најпрво да се измијат цели гроздови рибизли.
Потоа да се одвојат од гроздот и да се стават на платно да се исушат од водата.
Во сад на оган ставете ги шеќерот и водата.
Нека се растопува на потивко шеќерот.
Кога ќе се стопи шеќерот и ќе почне да врие убаво клуч,тогаш пуштете ги рибизлите и полека благо промешајте.
Оставете да се вари слаткото без мешање.
Фатете го садот за рачките па така протресете го малку,но не мешајте. Пената стандард како за секое слатко, полека вадете ја.
Така слаткото се вари 15 до 20 минути. Потоа се трга од оган садот, па се покрива со влажна крпа. Ова го пишувам за они кои прв пат прават слатко.
Откако ќе си истине во садот,откријте го слаткото и со лажица соберете си го во теглички.
Забелешка

Ова е начин на подготовка за секој вид на рибизли. Јас овој пат го направив од бели затоа што ми изгледаа како кристалчиња и сакав да пробам како е.
На здравје

Состојки
1900 гр. (излупени) моркови
1100-1400 гр. шеќер
сок од 4-5 лимони
рендана кора од 1 лимон
по желба ванила или рум

Само да си кажам однапред, дека иако прв пат го правам, морав веднаш да го изменам оригиналниот рецепт кој имаше неколку нелогичности (по мое убедување), како на пример – вели 750 гр. моркови се варат, пасираат и од нив 400 гр. се користат, а останатото се фрла или искористете го за супа? Хммм?! Зошто, не разбирам?!
Епа поради ова и уште неколку вакви слични искази во оригиналната верзија, повелете во продолжение мојот (малку изменет) рецепт, од кој јас лично сум воодушевена!

Најпрво излупете ги и измијте ги морковите. Од нив одвојте 150-200 грама, изрендајте ги на ситната страна од рендето и оставете ги на страна за подоцна. Останатите најдобро е да ги исецкате заради побрзо варење, па ставете ги во тенџере и налејте вода колку да ги покрие. Варете додека не омекнат доволно за да може да се пасираат (јас не ги преварив бидејќи пасирав со рачен блендер, но ако пасирате со рачна „пасерка“ ќе мора подолго да ги варите за да си олесните.) Пред да ги пасирате (се разбира) исцедете ги од водата. Добиеното пире од пасирани моркови помешајте го со ренданите моркови и со шеќерот и ставете го во тенџере на оган кратко да се вари, колку да се растопи шеќерот, да испари вишокот вода и малку да се омекнат ренданите моркови. Доколку забележите дека има многу вода во пирето (ако ја испуштат морковите откако ќе ги испасирате) може да ја исцедите пред да ги помешате ренданите моркови во него. Кај мене не беше така – вишок вода немаше речиси воопшто.
Додека варите мешајте постојано бидејќи смесата е прилично густа и може лесно да загори. Варењето треба да биде прилично кратко – околу 5-15 минути – проценете сами според густината на смесата. Во последните 2-3 минути од варењето додајте го сокот од лимон и кората и доварете уште некоја минута за да ја добиете посакуваната густина.
Јас додадов и малку екстракт од рум, но следен пат би се обидела со ванила наместо рум, зашто мислам дека уште поубав шмек ќе додаде.
Бојата треба да остане убава портокалова. А што се однесува до блажината, дотерајте ја сами по сопствен вкус. Јас најпрво ставив 1100 гр. шеќер, па додадов од око бидејќи ми се виде многу лимон, за на крај да стасам до 1400 гр. Кога го пробав тукушто сварен ми личеше дека е „отров“ благо, но утредента не беше така – си дојде тамам благо. Теглите ги наполнив додека беше врел мармаладот и ги ставив дополнително да зовријат во тенџере со вода за убаво да се затворат.
Од оваа количина намирници ми излегоа вкупно 4 големи и една мала тегла мармалад.

На изглед дефинитивно, но по мое и нешто во вкусот потсетува на мармалад од кајсии. Во текстурата пак има некоја сличност и со мармалад од дуњи.
Пробајте и нема да зажалите...навистина е лесен за правење, а интересен за јадење!

На здравје!

Има многу рецепти за ова слатко, но бидејки рецептот на Трендел веќе ми е докажан, оваа година повторно одлучив да го спремам. Јас почесто пати го нарекувам Есен слатко.
И ова слатко спаѓа во групата на нескојдневните.
  
- На костените излупте им ја тврдата лушпа
- Ставете да се вари околу 20-25 мин.
- Исчистете ја сега меката лушпа и веднаш ставете го во ладна вода.
- Шеќерот и ванила облијте ги со вода и ставете да се свари малку поредок шербет, додадете ги костените и варете додека се згусти шербетот - како секое слатко. Пред самиот крај на варењето додадете го лимонот исечен на кругови и уште кратко време нека вари.
- Соберете во тегли или додека е топло или наједноставно прекријте со влажна крпа и оставете до наредниот ден кога и ќе го соберете.
Уживајте.