ЏЕМ ОД ТИКВИЧКИ СО ЛИМОН

Прсти да излижеш: Бабин рецепт за слатко од смокви

Слаткиот домашен десерт ќе ве освои со својот вкус и ќе ве натера да ја изедете целата тегла.

Потребни состојки:

• 1,25 кг. смокви
• 3 кг. шеќер
• кора и сок од еден лимон

Подготовка:

1. Смоквите добро измијте ги и со остар нож исечете ги двата краја, па потоа добро тенко излупете ги. Секоја смоква со врвот на иглата прободете ја низ две места, а потоа смоквите варете ги во 6-8 води, додека водата не зоврие, па таа вода истурете ја и сипете нова и повторно варете. 

2. Во последната вода ставете една цела кора од лимон. Варените смокви внимателно исцедете ги и оставете ги да се исушат. Во сад ставете го подготвениот шеќер, ставете вода и оставете да зоврие. Кога шеќерот ќе се соедини со водата, ставете ги во него смоквите. Варете на силен оган додека не биде доволно густ.

3. На 5 минути пред крај додадете го сокот од лимонот и малку ванила. Свареното слатко тргне го од огнот, прекријте го со влажна крпа и оставете го да се олади десетина минути. Тогаш тргнете ја крпата од садот и вратете го слаткото на рингла, нека повторно зоврие. Ова се препорачува кај подготовката на кое било слатко, бидејќи овошјето под влажна крпа ќе пушти уште сок.

4. Кога слаткото уште еднаш ќе проврие, повторно тргне те го од оган и покријте со влажна крпа. Нека така преноќи. Ладното слатко утредента сипете го во тегли.

Пријатен апетит!

Нашите баби многу вешто користеа се што дава природата за приготвување на многу различни типови на слатка, сокови, желеа. Ова пелте од дуња е нешто што многу ме потсетува на едно од највкусните работи кои мојата баба ги спремаше, па во нејзина чест решив и јас да го приготвам.

Потребен материјал

• 2-3 кг дуњи
• 1 кг кисели јаболка
• шеќер
• лимонска киселина (лимонтуз)

Начин на работа

Дуњите добро се мијат, се сечат на средни парчиња и се ставаат во поголем сад. Во садот се додаваат и измиените и исечени парчиња јаболка. И на јаболката и на дуњите не треба да им се отстрануваат ниту семките ниту лушпите.

Во тенџерето се додава вода толку колку да го покрие целото овошје. Се става на оган и се вари додека дуњите омекнат. Во зависност од сортата на дуњите, тоа може да трае околу половина час, помалку или повеќе.

За добивање на пелтето потребна е течноста. Течноста од дуњите и јаболката се цеди преку цедалка, а со лажица внимателно да се притискаат за да излезе целата течност. Овошјето се трга настрана (тоа веќе не е потребно) а течноста повторно се цеди но овој пат преку газа или некоја памучна ткаенина за да се отстранат и најситните парченца што евентуално се нашле во течноста. Се добива ретка и прозрачна жолто – црвеникава течност.

Течноста треба да се измери. Ова е важно затоа што во неа се додава шеќер и лимонтуз во зависност од тоа колку течност е добиена. На 1 литар течност се додава 750 г шеќер и  ½ лажичка лимонтуз.

Садот со течноста и шеќерот, се става на огнот и се варат, првин на силен оган, а потоа на слаб се дотогаш додека се добие потребната густина. Лимонтузот се става пред самиот крај.

Најтешка задача е да се утврди колку време треба да се вари течноста за да се добие потребната густина. За таа цел треба да се направат неколку проби. Кога течноста ќе почне да се згуснува, а врие така што се јавуваат тешки клобурци, тоа е знак дека треба да се почне со пробите. Еве една мој совет. Сместете 2-3  бели порцелански чиничиња во ладилник за да се оладат, па кога ќе црпнете од течноста и ја ставите на вака оладено чиниче, тоа веднаш ќе се олади и нема потреба да се чека. Ако се добие капка која се разлева, значи дека течноста се уште е ретка и се продолжува со варење.

Се смета дека пелтето е готово кога капнато на ладното чиниче не се разлева и останува како полутопка. Во тој случај, тенџерето се трга настрана и пелтето се собира во тегли.

Грчки џем од слива

Состојки

• 1 кг слива
• 2 кисели јаболка
• 1 кг шеќер
• 1 лажичка цимет
• 1 кесичка ванила
• 2 лажички свежо цеден сок од лимон
• 5 чаши вода

Подготовка

Водата и шеќерот ставете ги да се зготват. Измијте ги сливите и извадете ги семките, а јаболките излупете ги и изрендајте ги. Кога сирупот ќе се зготви, додајте го овошјето и мешајте додека џемот не се зготви. Пробајте така што ќе ставите малку на чинии, па ако остане трага кога ќе се повлече лажицата, џемот е направен. Додајте цимет, ванила, сок од лимон и рум по желба и оставете да се зготви уште две минути.

Тргнете го од шпоретот, наполнете стерилизирани, топли тегли, затворете ги цврсто и превртете ги теглите наопачки. Нека останат така се додека не се оладат целосно.

Dave’s Kitchen: Домашно слатко од бели цреши

Ова слатко е одлично за декорирање на подготвените десерти, но и за консумирање со утринското кафе.

Потребни состојки:

• 5 кг бели цреши измиени и исчистени од семките
• 3 кг шеќер
• 4 лимони исечкани на кругови
• 2 пакетчиња лимонтус
• Неколку ливчиња слаткарче

Начин на подготовка: 

Во длабок сад ставете еден ред од црешите, еден ред шеќер и се така додека не ги потрошите црешите и шеќерот. Потребно е да отстојат покриени со шеќер за да пуштат вода.

После неколку часа зовријте ги црешите за да испари водата, додадете го лимонтусот на половина варење и исечканиот лимон. Додадете го и слаткарчето. Кога црешите ќе бидат кристални и кога шербетот ќе стане густ покријте со влажна газа и оставете го слаткото да се излади комплетно. Потоа соберете го во тегли и затворете цврсто. 

Добар апетит и забавно готвење!