HAARP - верувате ли во теориите на заговор?

   Прочитав неколку статии во врска со HAARP. Тоа што ми остави впечаток беше употребата на разни стручни, научни термини на појави и процеси, па неминовно ми дојде помислата дека сето ова се прави во насока на остварување на претходно поставените цели (кои во претходниот пост ги наведов). 
За целата оваа нивна „ујдурма“ да добие на тежина, тие употребауваат такви термини (јони, флуктуација, создавање високо-енергетски електрони кои се претвораат во плазма ...). Со нивна примена би се внело забуна, неразбирање и „стравопочит’ кон работата што се врши. Штом  е нешто понесфатливо за народот, тој само ќе се сомнева, ќе си зборува, ќе си претпоставува што е тоа, де ова имало ваму, де такво нешто имало таму, па вистина било (прочитав таму и таму), па деманти дека тоа не било вистина ... де ова - де она ...  
Во таква конфузија, тие (умните) си го вадат лепчето (а можеби и малку повеќе од тоа).

И, што ако (како и многупати досега) повторно удри некој ураган во САД?
Дали овој пат тоа ќе биде природна појава или пак ќе биде грешка на HAARP? Или и кај американците почнува да надвладува тој самоуништувачки (ај да не речам македонски) синдром?

Ако оваа појава, таква како што е замислена и како што се прикажува, морам да ја класифицирам во фантастика или во научна фантастика, тогаш би го одбрал она првото.
Којзнае, можеби за неколку илјади години тоа ќе премине и во научна фантастика, но денес ... добра е само за релаксација на мозокот.

Да, сигурен сум дека ќе се најде некој кој ќе ми реплицира дека до само пред 100 години на некого да му кажуваш за структурата на ДНК, тој ќе ти рече дека тоа е фантазија. 
Или дека за 100 години без жица ќе можеш да зборуваш од едниот крај на светот до другиот.
Но, тоа ќе биде за во друга тема.

* - Се сеќавате на Тупурковски? Тој беше во состојба многу да зборува, малку да каже, а тој кој го слуша ништо да не разбере. И (скоро) сите го ценеа како многу умен.

Внеси реплика	страница <1 234 5 6 >
Tweet