Новогодишните празници не можат да поминат без украсување на домот и китење елка, а оваа година направете уникатни и впечатливи декорации, какви што не сте имале досега. 

Оваа година искористете ги старите догорени сијалици за да направите уникатни лампиони, со што воедно ќе придонесете за доброто на животната средина бидејќи рециклирате. Освен што е добро за средината, рециклирањето е добро и за вашиот џеб. Заштедете пари, изразете ја својата креативност, а можете и да поминете забавно време со вашите најблиски ако оргазинирате креативна семејна активност.  

За да го донесете новогодишниот дух во вашиот дом потребни ви се стари догорени сијалици, темперни бои, лепак, светки и други стари материјали кои ги имате дома. 

За изработка на овој прекрасен додаток за разгорување на празничната атмосфера потребно ќе ви биде:

150 – 180 cm дебел лавров венец

Околу 170 cm пластични водоводни цевки

Бонсек

4 зглобови од 90˚

Тенка жица

Разни божиќни декорации (шишарки, брезови гранчиња, лисја итн.)

Новогодишни светилки

Пресечете ги пластичните цевки на 4 еднакви делови.

Вметнете ги зглобовите во цевките за да добиете квадратна рамка за вашиот венец.

Поставете го зеленилото на пластичната рамка и прицврстете го со тенката жица.

Прикачете ги божиќните декорации по ваша желба и вметнете ги новогодишните светилки.

На крај со метална закачалка (како на сликата) закачете го венецот на вашата врата или порта.

Шишарките може да се најдат во различни облици и големини, а се одлични како предмети за декорација. Тие се интересни и изгледаат прекрасно доколку ги изложите на некоја полица или пак ако се дел од некој занимлив аранжман. Одговараат за обликување, па од нив може да се направат различни украси.

Соберете шишарки и инспирирајте се преку овие неодоливи новогодишни украси. Лесно можете да ги избоите и украсите, само погледнете ги идеите коишто ги нудиме во продолжение.

1. Бели шишарки

Белите шишарки изгледаат прекрасно, дури и ако се само изложени во кошница или во некој стаклен сад. Бидејќи тие се дрвени плодови, може да ги побелите во неколку чекори. Белите шишарки лесно ќе ги вклопите во вашиот дом, каков и да е вашиот амбиент.

2. Шишарки обоени со спреј

Спрејот во боја е идеален за фарбање на нерамни површини, меѓу кои спаѓаат и шишарките. Изберете јаки бои и испрскајте ги. Кога ќе се исушат изложете ги во омилените садови и украсете го вашиот дом.

3. Шишарки во вид на мини елка

Бидејќи премногу наликуваат на елки, шишарките се идеални за аранжман. Избојте ги во зелена боја, поставете ги во саксија и украсете го врвот со ѕвезда или со друга форма по ваш избор.

4. Шишарки обоени со восок

Восокот во боја е уште еден начин да ги обоите шишарките. Изберете интересни бои и поиграјте си со комбинациите.

5. Свеќници од тегли украсени со шишарки

Ако сте сочувале некои поголеми тегли, еве еден прекрасен начин да ги употребите. Свеќниците украсени со малку вештачки снег и пар шишарки врзани со конец, делуваат неодоливо и празнично.

6. Ѕвезди од шишарки

Ако сте љубители на природните материјали за новогодишни украсувања, оваа ѕвезда од шишарки е идеален проект за вас. Дополнително, за да изгледаат свечено, можете да ги обоите во сребрена или златна боја.

7. Омбре шишарки

Омбре начинот на боење е популарен веќе подолго време. Па, искористете го овој тренд и обојте и украсете ги шишарките на овој начин, како дел од новогодишниот аранжман.

8. Шишарки на прозорецот

Украсете ги вашите прозорци или врати така што ќе ги закачите декорираните шишарки на нив. Изберете во што повеќе уживате – дали природни или обоени, но како и да е, нема да погрешите.

9. Аранжмани со шишарки на вашиот влез

Не заборавајте да го украсите и влезот од вашата куќа или зграда. Одберете големи шишарки и аранжирајте со некои слични предмети за празнично добредојде.

10. Мини елка од шишарки

Уште една мини елка којашто е прво обоена, а потоа е украсена со машнички, ленти, цветчиња и бисерчиња. Неодолива е било да е сама или како детаљ со други празнични декорации.

11. Венец од шишарки

Ако имате доволно шишарки, од нив можете да направите венец и да го поставите на средината на масата или да го закачите на ѕид. Малку декорирајте го и тоа ќе биде одличен детаљ во вашиот дом.

12. Шарени шишарки

Ако сте вешти во шиењето и имате парчиња шарени материјали, направете ги овие занимливи мини елки од шишарки. Овие шарени шишарки се прават на тој начин што малите топчиња од материјал се ставаат во празниот простор и се залепуваат со малку лепак.

13. Елка направена од деловите на шишарките

Оваа занимлива елка можете да ја направите на тој начин што ќе ги залепете поединечните делови коишто претходно ќе ги исечете од шишарките. На конусна основа залепете ги овие делови и дополнително украсете ги со малку светкави бои, а на крај на долниот дел ставете и машна во боја по ваш избор. Ова е прекрасен детаљ за декорирање на вашиот дом во претстојните денови.

14. Шишарки кои ги красат свеќите

Класичните дебели свеќи украсете ги со ребраст картон и шишарки, па ќе добиете одличен украс за вашата полица.

Па, време е да ја разбудите креативноста во вас и да го декорирате вашиот дом за новогодишните празници!

Ова е одличен полкон за вашите најблиски или украс во вашиот дом.

Снежната кугла е многу едноставна за изработка, а во неа можете да ставите што и да посакате, од новогодишни и божиќни украси па сè до сувенири од ваши патувања, фотографии…

Што ви е потребно?

Сад кој може добро да се затвори (може од стакло или пластика)

Водоотпорно лепило или силикон.

Украс.

Светки

Вода (или подобро проѕирно бебешко масло)

Боја за храна (нијансата одберете ја вие)

Глицерин (може да се набави во аптека)

Најпрво измијте го садот, добро исушете го и избришете го за да нема никакви отпечатоци од внатрешната страна. Со лепилото залепете го украсот на дното од садот или пак на поклопецот, во зависност од тоа како планирате да ја поставите куглата. Кога ќе се исуши лепилото, садот наполнете го со вода, не до врвот бидејќи мора да остане малку воздух.

Во водата по желба можете да ставите глицерин, на пример една голема лажица или дури во размер пола – пола. На тој начин светките пополека ќе паѓаат на дното. Друга опција е наместо вода, во куглата да ставите проѕирно бебешко масло. Во водата по желба, можете да додадете и боја за храна. На крајот додадете ги светките.

Нанесете го лепилото на внатрешниот раб од поклопецот на садот и добро затворете го. Ако садот кој го користите е пластичен, тогаш е подобро да користите силикон, но притоа внимавајте на фактот што на силиконот му требаат околу 24 часа за добро да се  исуши. Поклопецот можете да го обоите во некоја интересна боја или да го облепите со некоја ткаенина.

Ако најдете соодветен сад, снежната кугла може да ја направите и сосема мала и да ја носите како приврзок за клучеви или ланче.