Претседателски избори 2014

Анастеа напиша: ... Штета што не ни се кандидираше Златникот (кој ја отвори темава), од овие двајца ќе гласав за него.

Да знаев* дека ќе има некој кој ќе гласа за мене - ќе се кандидирав!
А зошто не се кандидирав?
Баш поради ова што го вели:

evangeline напиша: И да, во земјава има премногу луѓе кои ем се претставителни, ем се магистри па и доктори на науки, некои верувал или не ама си седат дома затоа што се невработени а имаат толку многу да понудат. Некои се професори, некои советници, некои обични работници. И да, тие се луѓе од улица за политичкиов систем во земјава. Тука или си ВМРО или си СДМС или си некоја од овие маливе безгласни партии. Ако не си ништо од тоа, си никој и ништо и можноста да станеш Претседател на земјава е помала од можноста Македонија да стане дел од Афричкиот континент.

Погледнете го случајов со Ванковска. Што мислите, таа да беше кандидат на ВМРО (или СДСМ), ќе добиеше овакво фијаско?
Или обратно, дали сегашниов Претседател ќе добиеше уште еден мандат (или уште подобро, дали ќе собереше 10.000 потписи) ако зад него не стоеше ВМРО?
Ама, бил добар ... бил лош ... Зарем е тоа важно?
И мене (или било кој друг од форумов) да ме/не’ предложеа, народов „свесно“ ќе ме/не’ поддржеа.
Јас лично познавам луѓе кои се страшни интелектуалци, ептен успешни луѓе, паметни, домаќини ... но, и тие како мене, не се доволно „еластични“ (да се виткаат) т.е. имаат свое Јас. Не се доволно расипани за да лажат, мамат, манипулираат, да бидат вртигазовци, опортунисти, хипокрити, да сплеткарат, да измислуваат афери, интриги ... со еден збор, неможат да бидат - политичари.
Уште во времето кога многумина од членовиве на форумов не ни биле родени (пред едно 32-3 години) јас, како млад надежен кадар, бев делегат во општинскиот совет (денес мислам тие се викаат советници). Арно ама, иако млад, уште тогаш согледав каква е политиката, какви се политичарите, на што се се’ спремни и, реков: Политиката не е за мене и, дигнав раце од неа. И така, еве толкав период сеуште не сум се определил за ниту еден кој доброволно ќе го наречам „мој лидер“ ( Mein Führer).

* - Ова ме потсети на еден виц:
После секс, момчето и вели на девојката:
- Да знаев дека си невина, немаше толку да брзам.
А оваа му вели:
- Да знаев дека не ти се брза, ќе ги соблечев хулахопкиве!

Р.Ѕ. Ај здравје, за следните избори ќе ја земам в предвид поддршката од форумџииве, со посебен осврт на дијаспората!

mamamd напиша: ... Да му намигнува на Обама?

Овој гаф (барем според мене) му беше бисер.
Навистина, како може таков интелектуалец, професор (и тоа по политички науки), да се однесува на таков начин, да незнае да се снајде, да се збунува толку лесно ...??? А и претседател на држава е!
Некои (Јанко бурекот) во негова одбрана вели (парафразирам): „Претседателот немора да тропа со рака на маса. Нашиов работи тивко, незабележително за пошироката јавност ... бла. бла, бла ...“
Ами ако пошироката јавност не гледа што работи Претседателот, тогаш како повторно ќе гласа за него?
И навистина, што Иванов придонесе за подобрување на внатрешната состојба на Македонија,  но (што е и поважно) за нејзина промоција на меѓународен план? Дали реши некое прашање од витална важност за нас? Воспостави нови и ги подобри постоечките односи со други држави? Како да го видиме, почувствуваме ефектот од неговото претседателствување? Дали можеби статус кво состојбата се смета за успех?
Ај, белким во претстојнава кампања ќе слушнеме што направил за овие 5 години!

А за Пендаров ... воопшто (или поточно речено површно) не сум следел негови обраќања, едноставно уште кога ќе го видам неговото однесување, неговиот фацијален израз, неговите гестикулации (говорот на телото) ми делува многу одбојно. Што би рекол народот, ми личи како некој „лапниурда“ или „тресалија“. Без оглед дека и тој е универзитетски професор, дека бил советник на 2 претседатела. Незнам, можеби грешам во мојава оценка, но тоа е моја лична интуитивна претпоставка.

И, на крајот. Мојата основна поента за отворање на оваа тема беше да видиме дали некој од нас, неколку месеци однапред, ќе погоди кој ќе биде кандидат за претседател. Никој освен мене не се јави да даде свој можен кандидат. (Добро, и Анастеа )
Сега само може да се претпостави што ќе се пишува на оваа тема. Тој кандидат оваков, овој онаков ... зависно од политичката ориентација на членовите.

Ма каков Пендаровски за председател

Хахахахаххахахаа, е ова ти се вика маркетинг

Иронијата

ХОРХЕ,мојт само да земе УКУЛЕЛЕ и да вежбат РАЗУУУМЕЕЕЕН КОМПРОМИС,друго нема шо да се кажит за таја PERSONA NON GRATA.

Гледав едно интервју со Стево Пендаровски, ама едвај го изгледав.
Одбоен ми е некако, како уштиркана фаца.