Брзи рецепти со јајца за кои ќе ви требаат најмногу 15 минути

Јадењата со јајца обично сите ги поврзуваме со појадокот. Но сепак, тие може да бидат одличен избор и за ручек и за вечера.

Нивните главни „силни“ страни се тоа што брзо се подготвуваат, имаат одличен вкус и се многу хранливи.

За моментите кога ќе се појават ненајавени гости или кога немате желба да поминете часови и часови во кујната, испробајте некој од следните рецепти:

Крцкав сендвич

Потребни состојки:

• 2 јајца
• 4 парчиња леб
• 50g путер
• 4 големи парчиња сирење
• 2 големи парчиња шунка
• 2 листови од зелена салата
• Сол, бибер, некои омилени зачини

Подготовка:

1. Намачкајте ги парчињата леб со малку путер и испржете ги од двете страни на тава. Тргнете две парчиња од тавата – тие ќе ви бидат потребни подоцна.

2. Ставете по едно парче сирење на останатите 2 парчиња леб и покријте ја тавата. Печете додека не се стопи сирењето.

3. Врз сирењето ставете парче шунка, па уште едно парче сирење и на крај покријте со кришките леб кои претходно ги тргнавте настрана.

4. Покријте ја тавата и печете околу 30 секунди. Извадете го сендвичот од тавата и кога ќе се излади малку, додадете по еден лист зелена салата.

Мафини од јајца

Потребни состојки:

• 12 -15 јајца
• 200g рендан кашкавал
• 50g кромид
• 200g зеленчук по ваш избор; домати, пиперки, тиквички, брокула.
• 200g шунка, колбаси или варено месо.
• маслиново масло
• сол и црн пипер
• 1 лажица од вашите омилени зачини

Подготовка:

1. Загрејте ја рерната на 190°C. Премачкајте го со масло калапот за мафини.

2. Исечете го ситно зеленчукот и пржете во тава сè додека не добие златно-кафеава боја.

3. Исечете го месото на мали коцки.

4. Ставете дел од месото на дното од калапот, а остатокот измешајте го со зеленчукот и додадете сирење и млад кромид. Дополнете го калапот со оваа смеса некаде околу 2/3.

5. Јајцата изматете ги со вилушка и додадете им ги вашите омилени зачини како и сол и црн пипер.

6. Внимателно ставете од матените јајца во секој отвор на калапот. Можете и нежно да ги промешате сите состојки со вилушка.

7. Печете ги мафините околу 15 минути. Треба да се подигнат и да добијат кафеава боја.

Печено јајце во авокадо

Потребни состојки:

• 4 големи јајца
• 2 зрели авокада
• маслиново масло
• сол, бибер и некои од вашите омилени зачини

Подготовка:

1. Загрејте ја рерната на 200°C.

2. Пресечете ги авокадата на пола и извадете ги семките. Со помош на лажица издлабете го авокадото за да направите простор за јајцето.

3. Внимателно скршете ги јајцата и ставете ги во издлабените авокада. Додадете сол, црн пипер и некои од вашите омилени зачини.

4. Ставете ги авокадата во рерна и печете 15 минути, или онолку колку што сакате јајцето да ви биде испечено.

Јајца без пржење и варење – Неверојатен рецепт готов за 3 минути

Јајцата се традиционален оброк во секојдневното мени на речиси секој од нас. Затоа денес решивме да ви претставиме рецепт со кој ќе пробате нов уникатен начн на кој може да ги приготвите истите.

 Испечати рецепт

Јајца без пржење и варење

Јајцата се традиционален оброк во секојдневното мени наречиси секој од нас. Затоа денес решивме да ви претставиме рецепт со кој ќе пробате нов уникатен начн на кој може да ги приготвите истите.

Вкупно време20 мин

Оброк: Појадок

Кујна: Медитеранска

Клучни зборови: јајца, омлет

Порции: 1

Состојки

• 2 јајца
• 2 супени лажици кисело млеко
• По вкус сол
• По вкус кашкавал
• По вкус шунка
• По вкус копар
• По вкус домати

Начин на подготовка

• Исечете ги доматите и сирењето на мали коцки, а кашкавалот крупно изрендајте го. Исечете ги и зачините.
  
• Потоа, изматете ги јајцата, воедно додавајќи сол и млеко.
  
• Поставете ја добиената смеса во соодветна шолја и поставете ја истата на 1 минута во микробрановата печка, на моќност од 800 вати.
• Потоа внимателно извадете ја шолјата од микробрановата печка, добро измешајте ја смесата од јајцата и вратете ја шолјата обратно да се пече уште 2 минути, на истата моќност.
  
• Чудесниот омлет е готов, пријатен апетит!