Омлет од зеленчук

Состојки

• 4 јајца
• 1 главица кромид
• 150гр. свежи шампињони
• 100гр, брокула
• 100гр, тиквичка
• 4 компира
• 100мл. неутрална павлака
• 50гр. кашкавал
• по потреба масло, сол, црн бибер

Подготовка

Компирите исечете ги на тенки кругови и ставете ги во тава со масло да се пржат.
Тиквичките исечете ги на тенки стапчиња, печурките на листови, а кромидот на тенки кругови и додајте ги во тавата откако компирите ќе бидат скоро испржени.
Брокулата исечете ја на помали цветови и ставте ја во зовриена вода да се обари 5 минути.
Во подлабок сад изматете ги јајцата, а потоа додајте го ренданиот кашкавал и неутралната павлака.
Посолете, наросете црн бибер и додајте го испржениот зеленчук и обарената брокула.
Полека промешајте ја смесата и вратете ја во тавата.
Откако ќе се испржи од едната страна поклопете ја тавата со поголема чинија и превртете го омлетот за да се испржи и од другата страна.
Откако ќе биде испржен од двете страни превртете го уште еднаш.

Послужете го топол со младо козјо сирење.

Омлет со компири ( шпански омлет)

Состојки

• 400-500гр. компири
• 2 главици кромид
• 5 јајца
• малку луто пиперче во прав

Подготовка

Исечете ги компирите на тенки кругови(или на коцки) и ставете ги да се пржат.
При крај на пржењето додајете го исецканиот кромид и пропржете.
На крај додајте ги изматените јајца со лутото пиперче.
Откако ќе се испржи омлетот од едната страна превртете го за да се испржи и другата страна.
Превртете уште еднаш и послужете со свежа салата.

Полнети јајца

Состојки

• 6 јајца
• 1-3 лажици мајонез
• 2 лажици кисела павлака
• неколку капки Ворчестер сос
• 50 гр. сирење
• 50 гр. шунка на коцки

Подготовка

Јајцата ставете ги во сад поголем колку да ги собере. Налејте вода да ги покрие над 2-3 см,. Ставете 1/2 лажиче сол и ставете ги да се варата. Варете 10-15 мин. откако ќе зовријат. Откако се сварени прелејте ги со ладна вода за да остинат. Излупете ги (одлично се лупат заради солта при варењето.).
Пресечете ги на половина внимателно со остар нож. Може да ги пресечете само горниот дел. Внимателно извдете ги жолчките, ставајте ги во сад настрана. Жолчките изгмечете ги со вилушка, додајте го сирењето и заедно уште еднаш изгмечете. Додајте го мајонезот, ворчестер сосот (не мора,ако имате ставете.), малку оцет и сол по вкус. Додајте ја и киселата павлака. Мешајте со лажица да се спои.
Ако сакате да ви биде по ретка смесата ставете повеќе мајонез, јас не сакам повеќе да биде така погуста, сува, ама по желба.
Ставате ја смесата во шприц за шлаг. Полнете ги јајцината во средината. Може да ги декорирате по желба со мали парчиња маслинки, магданос, шунка....
Служете ги по желба. Може да ги оставите во фрижидер, па да ги служите.....

Дополнителни фотографии

Полнети јајца

Состојки

• 4 јајца
• 1 конзерва туна
• 2 лаж мајонез
• 1лаж зачинска сол

Подготовка

Јајцата ги вариме и лупиме, потоа ги сечиме на половинки. Ги вадиме жолчките и ги пасираме. Туната ја цедиме од зејтинот и ја одаваме во жолчките. Се додава зачинската сол и 2 лаж.мајонез. Сето тоа заедно го мешаме. Ги полниме испразнетите половинки од јајцата со смесата, ги превртуваме и ги декорираме по желба.

Дополнителни фотографии

Јајцето е намирница која можеме да ја приготвиме на илјада начини и да ја додадеме во разни јадења, а една од наједноставните, а според многумина и највкусните верзии е кајганата.

Но и кајганата може да биде и тоа како интересна и вкусна, особено ако ја зачините со 3 едноставни, но многу вкусни додатоци. Испробајте го најфиното мени во кое владее кајганата.

Состојки за кајганата на Гордон Ремзи:

• 3 јајца
• 2 големи печурки
• 2 парчиња селски леб
• неколку (6 до 8) шери домати
• маслиново масло
• 1 лажица путер
• 1 лажица кисела павлака
• Сол и бибер

Подготовка:

1. Во тава загрејте го малку маслиново масло и ставете ги печурките.

2. Посипете малку сол врз печурките, покрај нив додадете ги чери доматите и оставете сето тоа заедно да се пржи на тивок оган.

3. Во друга, подлабока тава или лонец ставете малку маслиново масло и додадете ги трите јајца.

4. Во јајцата додадете путер и мешајте додека тавата не се загрее и јајцата започнат да се пржат. По кратко време тргнете ги јајцата од оган, измешајте ги и повторно вратете ги на ринглата. Повторете го ова неколку пати.

5. Јајцата тргнете ги од оган и во нив додадете ја павлаката, солта и биберот.

6. Лебот ставете го малку во тостер.

7. Послужете ги јајцата на голема чинија врз кришките тост, а покрај нив ставете ги печурките и доматите.

Совет:

Во јајцата можете да додадете малку димен лосос или пак ситни парчиња сланина