Најчестиот „гостин“ на сите трпези- компирот, овој пат во комбинација со сос од соја и сусам, претставува одлична шанса за деликатесен ручек, заслужен после напорниот работен ден…

ПОТРЕБНИ СОСТОЈКИ:

400 грама компир

2 чешниња лук

1 главица кромид

50 грама Сусам

Сос од соја

Маслиново масло

сол

бибер

НАЧИН НА ПОДГОТОВКА:

Поголема тава, подмачкајте ја со маслиновото масло и почекајте да се загрее. Во меѓувреме, сечете го компирот. На загреаното масло, пржете го компирот 6-7 минути, намалете ја температурата и додадете ги ситно сечканите лук и кромид, со кои ќе продолжите да го пржите компирот, уште 5 минути. Ја тргнувате тавата на страна,компирот го преливате со сос од соја, наросувате малку бибер и повторно го пржите компирот, на тивок оган, уште 2 минути. За крај, пропржете малку сусам, наросете го врз компирот…и јадењето е готово…

Уживајте во прекрасниот и едноставен ручек …

Потребни состојки:

• 1 kg компири
• 1 ½ шолја брашно
• 1 јајце
• ¼ шолја млеко
• Сол и бибер

Подготовка:

Излупете ги компирите и сварете ги во вода со малку сол. Испасирајте ги и додајте им го млекото и изматеното јајце. На таа смеса додајте ѝ малку брашно за да се зацврсти и обликувајте шницли.

Во тавче ставете повеќе масло и наредете ги. Пржете кратко, додека не заруменат. Готовите шницли од компири може да ги послужите со сос по ваш избор.

Ароматичниот прилог го збогатува ова вкусно главно јадење.

Состојки

1 кг. компири, исчистени, излупени и исецкани на четвртини

путер, за пржење

чешне лук

140 мл. млеко

25 г. презла

25 г. рендано сирење, или кашкавал по вкус

2 гранчиња мајчина душичка

Подготовка:

1. Варете го компирот во сад полн со вода околу 15 минути, додека не омекне. Добро исцедете го.

2. Малку путер загрејте во истиот сад и пржете го исецканиот лук околу минута, додека не омекне. Потоа, сипете во тава млеко и загрејте го додека не стане млако. Вратете го варениот компир во тенџерето, тргнете го од оган и иситнете го компирот додека не добиете хомогена смеса.

3. Загрејте ја рерната на 180 степени. Во тавче или огноотпорен сад со големина од 20×30 цм. ставете пире. Посипете презла, сирење и мајчина душица. Печете околу 15 минути, додека не се стопи сирењето и презлата не зарумени и стане крцкава.

Напомена: По желба можете да го варите компирот во посолена вода.

Ова е одличен прилог со јадења со месо, а може да се послужи и како самостоен оброк.
Состојки:

1 кг компири

чешне лук

300 г. обична павлака

250 мл. млеко

100 г. рендан тврдо сирење

лажица кисела павлака

сол, бибер

Подготовка:

1. Загрејте ја рерната на 180 степени. Тепсијата истријте ја со излупен и пресечен лук. Компирот иситнете го на тенки кругчиња, па организирајте ги во тепсијата како плочки.

2. Помешајте ги павлаката, млекото, сирењето и киселата павлака, посолете ги и побиберете, па со тоа рамномерно прелејте го компирот, така што целосно ќе биде прекриен. По потреба додадете малку од обичната павлака.

3. Компирот печете го во рерна околу 45 минути, додека не зарумени. Пред крајот испробајте дали е јадењето готово, тоа ќе го проверите така што ќе го прободете компирот. Ако е мек можете да уживате во вкусниот оброк.

Потребни состојки:

–      1 кг компири

–      3 жолчки

–      100 гр путер

Подготовка:

Излупете ги компирите и сварете ги во вода со сол. Во меѓувреме спремете го плехот за печење. Сварениот компир испасирајте го, направете пире. Додајте ги жолчките и растопениот путер и мешајте за да се соедини смесата. Смесата ставете ја во шприц и на обложениот плех со хартија за печење направете форми. Ставете ги да се печат во загреана рерна на 190 степени околу 30 минути, или додека да поруменат.

Потребни состојки:

• 4 – средни компири за печење
• 1 лажица путер или маргарин
• ¼ шољичка млеко
• ½ лажичка лук во прав
• ¼ лажичка пипер
• Сол
• Нарендан кашкавал

Начин на подготовка:

Измијте го компирот од нечистотија. Замотајте го во фолија и ставете го во рерна. Печете на200ц. околу 1 час. Ако забодете чепкалка и помине преку цел компир, тогаш е печен.

Кога се изпечени, ги вадите компирите од рерната и од фолијата, па ги сечете на пола. Со лажица, издлабете ја средината од компирот и ставете ги на здела.

Раздробете го компирот и измешајте го со маргарин, да настане мека смеса. Додадете млеко и мешајте. Додадете ги останатите состојки од кашкавал и промешајте.

Со лажица ставете ја смесата од компирот во кругчињата со лушпа. Ставете ли на тава за печење и посипете ги со кашкавал. Ставете ги во рерна и печете ги на 175ц., околу 20-30 мин.

Пријатен апетит….

Ако ви здодеало да пржите помфрит или да правите пире, еве еден нов едноставен рецепт за подготовка на компир.

Состојки

4 компири од средна големина

главица лук

маслиново масло

парче путер

гранче рузмарин

сол

бибер

зачини

Подготовка:

Компирот исечете го на ливчиња, како што е прикажано на видеото во прилог.

Во тавче пропржете ги на маслиново масло лукот и рузмаринот. Со истото масло добро натопете ги компирите.

Наредете ги компирите на хартија за печење и посолете ги и побиберите, ставете ги во загрена рерна и печете ги на 180 степени околу 60 минути.

Во тавчето во кое го греевте маслиновото масло, додадете парче путер и растопете (со рузмаринот и лукот). Со растопениот путер премачкајте ги добро печените компири, посипете зачин и послужете.