политика и религија

   Валтезар , моќниот и згорделив вавилонски владетел и син на уште помоќниот и попознат вавилонски цар Набукодоносор Втори( којво 6 век п.н.е., го завзел и уништил Ерусалим и Соломоновиот Храм, и ги одвел Евреите во ропство), приредувајќи една од своите големи гозби, опиен од виното( а можеби и од неограничената моќ и слава) заповедал да му се донесат златните и сребрени садови и пехари , оплачкани од неговиот татко од Ерусалимскиот храм, за да пијат вино од нив.Но тогаш се покажала рака, која на ѕидот напишала порака. Царот пребледел и мислите го исплашиле, а и никој од мудреци не можеле да го прочитаат натписот,нити да му кажат какво е неговото значење.Повикан бил големиот пророк од поробениот јудејски народ Данаил, кој веднаш му го растумачил текстот.Текстот бил:”Мене, мене ,текeл и фарсин “ . А ова било значењето и тумачењетона тие зборови на арамејски јазик: Мене:”Бог ги изброја деновите на твоето царство и му стави крај”.Текeл:”измерен си на вага и се најде премногу лесен”. Фарсин (Ферес): “твоето царство е поделено и им е дадено на Медијците и Персијците”. И за чудо зборовите од загадочниот текст на ѕидот за брзо време се обвистиниле. Вавилонското царство пропадналои се издигнало Персиското царство. Значи на секоја власт заслепена со безгранична моќ , славољубие, насилие и плачка еднаш мора да и дојде крајот.Што ме наведе баш сега да се навраќам на овај библиски текст? 
Па еве слушам ,читам и пратам, да и во мојата Македонија се случувале мноштво на настани кои не носат пријатни чувства ни добри претчувства,ниту ништо добро за државата и народот. 
Се прашувам дали при некоја гозба или прослава ќе се појави рака која ќе напише текст на ѕидот, кој многубројните “мудреци”, кои се намножија како плевел, ќе треба да ги растумачат, или ќе треба да се бара мудрец од народот? А народот е стрплив и мудар, но знае многу жестоко да казнува .
 Тоа го покажала историјата безброј пати.

 вторник, 10. јуни 2014----birinec

Внеси реплика	страница 12 3 4 >
Tweet