Facebook!!!

Неодамна Facebook објави дека има мрежа од 845 милиони активни корисници месечно, односно 483 милиони кои се активни на дневно ниво.

Во декември, компанијата "Nielsen" го изнела податокот дека Facebook има 153 милиони единствени корисници во САД, а податоците на Facebook говорат за 161 милион, од кои корисниците на САД чинат околу 19%.

А колку корисници навистина има Facebook?

Њуjорк Тајмс тврди дека компанијата има најмалку 40 милиони помалку корисници отколку што се мисли.

Од Facebook не сакаат да дадат изјава во врска со ова, но според проспектот со кој се промовира јавната продажба на акции на компанијата се разбира дека бројот на корисници може да варира во зависност од методологијата.

Ако во периодот од месец дена сте кликнале "like" на некој сајт, Facebook ве вбројува во своите активни месечни корисници, без оглед на тоа што можеби последен пат сте ја употребиле социјалната мрежа пред една година. Ако сте се логирале со својот акаунт на некој друг сајт, исто така спаѓате во групата на активни корисници.

Активен корисник на Facebook е оној кој сајтот го посетува по пат на веб или мобилен, но во оваа група влегуваат и оние кои само еднаш во животот отишле на страницата facebook.com. Тие ги сметаат за активни корисници и оние кои споделиле содржина барем еднаш, имале некоја активност со своите Facebook пријатели или се поврзале на други сајтови со помош на Facebook акаунт.

Facebook одбива да воведе опција која ќе прикаже кој ве тргнал од листата на пријатели бидејќи тоа ќе значи негативно корисничко искуство и многу, многу драма. Но, постои едноставна скрипта која ќе ви помогне да ги држите под контрола сите ваши стотина онлајн пријателства, и која ќе ви каже на кого да се налутите бидејќи не сака да биде во ваше друштво.

Unfriend Finder работи како додаток за сите прелистувачи. Најлесно се инсталира на Chrome, додека за Firefox е потребен Greasemonkey додаток. За Safari ќе ви е потребен прво Ninjakit, а за Internet Explorer ќе треба да го стартувате додатокот како букмарклет. Без грижа, сајтот на Unfriend Finder ќе го детектира вашиот прелистувач и ќе ви ги даде потребните линкови и инструкции за инсталирање на додатокот.

Откако ќе го инсталирате, ќе забележите дека сега на Facebook имате две нови менија со име Unfriends. Едното е десно горе до опциите за профилот, второто е лево под Events.

Тука, во Unfriends, ќе ви се прикажат сите луѓе кои ве тргнале од пријателите и за тие кои не сакале да прифатат ваше пријателство. Менито има и опции за подесување на нотификации, па кога некој нема да сака да ви биде пријател ќе добиете нотификација.