Љубовта победи: Хурем и Ибрахим сепак се сакаат?!

Сепак на крај се сакаат, иако Мерјем и Окан, т.е. нивните карактери Хурем и Ибрахим не можеа да се поднесат, сега ќе глумат љубовници.

Мерјем Узерли (30) и Окан Јалабик (35) оваа година започнуваат да снимаат нова историска серија, која ќе ја продуцира истата продукција која работеше и на култниот „Сулејман Величествениот“.

- Станува збор за нова теленовела која ќе почне да се снима во почетокот на летото и во која добропознатата Хурем (Мурјем) повторно ќе ја гледаме на малите екрани. Оваа прекрасна актерка ќе ја игра турска средновековна султанка Мапхејкер Косем.

Косем султан е родена како Гркинка, а кога имала 15 години била одведена во Истанбул каде што му е продадена на султанот Ахмет. Подоцна Косем ќе му стане сопруга на султанот и ќе му роди два сина Мурат IV и Ибрахим I. Таа била една од највлијателните жени во историјата на Османлиската империја, која самостојно управувала на два наврати, од 1623 до 1632 година и од 1648 до 1651 година.

Инаку, Мерјем ужива голема популарност во Турција, па поради тоа продукцијата верува дека нејзината улога на Хурем многу допринесе за популаризација на „Сулејман Величествениот“. Токму затоа тие се одлучиле повторно да ја ангажираат, секако откако таа ќе стане мајка, вели извор близок до продукцијата.

Ова е пресврт на целата работа, бидејќи пред половина година таа излезе од „Сулејман Величествениот“ и рече дека нема повеќе да снима серии.

- И се извинивме по доделувањето на актерските награди во Истанбул. Не ни беше сеедно како не оцрнува, изјавија продуцентите на популарната серија.

Мерјем поради лошите услови за работа и напорното темпо сетовите ги спореди со робовладетелско општество и си замина од серијата и отиде во родната Германија. Таа таму се лечела од депресија, а по прекинот со поранешниот свршеник Канон Атесом (46) сакаше да се убие со скок од балкон од хотелска соба. Сега Мерјем за некои три недели треба да роди ќеркичка, а во март планира да се врати во Турција каде треба да биде членка на жирито во музичкото шоу X-Factor.