Dave’s Kitchen: Зелник со праз и урда

Потребни состојки:

За тесто

• 1 кгр. брашно
• 1/2 свеж квасец
• 500мл. вода
• Сол по вкус
• Масло за јадење по потреба

За фил

• 4 снопчиња праз ситно исечкани
• 1 јајце
• 200 гр. урда

Начин на подготовка: 

Најпрво потребно е да го испржите празот на малку масло додека омекне, тргнете на страна и оставете да се олади. Кога ќе се олади промешајте го со урдата и јајцето. 

Во длабок сад замесете тесто од брашното, квасецот, водата и солта. Оставете да стаса околу 30- тина минути. Тестото поделете го на два дела. Едниот дел поделете го на 3 еднакви делови и расукајте ги во кори големи колку една чинија. Земете ја првата кора нанесете околу 2 лажици масло за јадење. Покријте со втората кора и нанесете повторно масло за јадење распределувајќи го низ целата кора. Потоа покријте ги со третата кора претходните две кори и расукајте една голема кора, малку поголема од тавчето во кое ќе го печете зелникот. Пренесете ја кората во претходно премачкана тава, каде што краевите ќе висат од тавчето. 

Навратете ги краевите така што ќе формирате убава витка. Во средишниот дел нанесете од филот со празот и оставете на страна. 

Расукајте уште една потенка кора од другата половина од тестото, нанесете ја врз филот одозгора така што ќе формирате ,,неправилна,, површина. Тоа ќе даде рустикален изглед на Вашиот зелник. 

Пропрскајте ја со масло за јадење горната кора и печете на загреана рерна на 200 степени околу 20-тина минути, а потоа намалете на 180 степени уште 10-тина минути или додека не добие убава златно кафена боја.

Dave’s Kitchen: Пита со јаболка

Овој четврток од кујната на Давор и Dave's Kitchen имаме одличен есенски рецепт - пита со јаболка.

Уживајте во подготовката и вкусот на овој прекрасен рецепт.

Потребни состојки:

За тестото:

• 300 гр. брашно 
  
  
• 220 гр. замрзнат путер 
  
  
• 2 лажици студена вода 
  
  
• 2 лажици шеќер во прав 
  
  
• 1 жолчка

За филот:

• 500 гр. јаболка исечкани на коцки 
  
  
• 100 гр. суво грозје 
  
  
• 2 лажички цимет сок од 1/2 лимон 
  
  
• 2 лажички вода 
  
  
• 1 лажица густин 
  
  
• 100 гр. сечкани лешници 
  
  
• 3 лажици џем од кајсии

Начин на подготовка:

Најпрво подгответе го тестото. Во сад ставете го брашното и врз него додадете ги шеќерот во прав, жолчката и изрендајте го замрзнатиот путер. Додадете ја студената вода и со раце замесете тесто. Ставете го во хартија за свежа храна и оставете да се излади и стегне во ладилник околу 1 час. Потоа, тестото поделете го на два дела, од првиот дел расукајте кора и ставете ја врз тавчето во кое ќе ја печете питата (бр.26). Премачкајте го долниот дел со џемот од кајсии. 

Во длабок сад измешајте ги јаболката, сувото грозје, циметот, лимонот, водата, густинот и лешниците. Ставете го филот врз џемот од кајсии и врз филот украсете ја питата со ленти од второто тесто. Оставете ја во замрзнувач околу 20 минути.

Печете ја 15 минути на 200 степени. Оставете да се излади па сервирајте. 

Сончогледова погача со месо и кашкавал

Состојки
Тесто
500 гр брашно
1 јајце
1 пакетче сув квасец
250 мл јогурт
1 лажица шеќер
6 лажици масло
1 лажичка сол
Фил
300 гр телешко мелено месо
3 главици кромид
1/2 китка магдонос
по вкус сол и црн пипер
За украс
2 жолчки од јајце
по потреба афион
Користени Делимано прои

1. Сите состојки за тестото се промешуваат и се замесува тестото, потоа се остава во топла просторија на 30 минути. Стасаното тесто повторно се меси и се чека 20-30 минути.
2. Фил/ Кромид со месо се пржи, се зачинува и на крај се додава исецкан магдонос. Филот од месото треба да се излади.
3. Тестото се дели на 2 дела и се расукуваат 2 еднакви круга. Првиот круг се става во плех обложен со мрсна хартија и во средината со чинија се формира помал круг каде што се поставува филот од месото. По краевите се поставува изренданиот кашкавал.
4. Сето тоа се покрива со втората кора. Во границата, каде што завршува месото тестото се притиска. Останатиот дел се засекува со нож секој 3-4 см по цел круг. Така исечените ленти се затвараат со притискање на прсти од едната страна и од врвот, па лентите се превртуваат нагоре и се приотвораат, така што се гледа кашкавалот.
5. Погачата се премачкува со жолчките, а во делта на месото се посипува со афион и се пече во загреана рерна на 180 степени на 25-30 минути.

Dave`s Kitchen: Невообичаена пита со кашкавал

Овој четврток Давор од Dave’s Kitchen со вас споделува една невообичаена пита , но за која ветуваме дека со сигурност ќе ви се допадне и ќе си ја подготвувате се почесто.

Давор советува дека може да се подготви и со различни филови од оној во неговиот рецепт, може да се користи само сирење, зелка дури и мелено месо.

Потребни состојки:

• 500 гр. кори за пита
• 350 гр. кашкавал, изрендан
• 4 страка праз ситно исечкани и испржени на малку масло
• сол и мелен црн пипер по вкус
• масло за јадење за премачкување на корите

За преливот : 

• 400 мл. млеко
• 3 јајца
• сол
• 1 лажичка прашок за печиво
• 1 лажичка мелено мускатно оревче

Начин на подготовка: 

Секоја кора премачкајте ја со масло за јадење и на секоја втора ставете од филот со праз  (тука додадете ја солта и мелениот црн пипер) и малку од ренданиот кашкавал. Постапката продолжете да ја повторувате се додека не ги потрошите корите и филот со праз и ренданиот кашкавал. Вака наредените кори една врз друга свиткајте ги во еден огромен ролат. 
Ролатот пресечете го на 8 еднакви делови. Секое парче од ролатот наредете го во округло тавче на механизам обложено со хартија, така што парчето со пресекот ќе гледа нагоре. 

Во сад на страна изматете ги млекото, јајцата, прашокот за печиво, солта и мускатното оревче.

Овој фил претурете го врз корите и печете ја питата на загреана рерна од 170 степени од 60-75 минути. Доколку започне да добива кафена боја, покријте ја со алуминиумска фолија.

Состојки
1 кг брашно
1 квасец
1 лажичка прашок за пециво
600мл млеко
3 лажици свинска маст
2 лажици шеќер
2 лажички сол
200 гр путер или маргарин
1 кесичка ким
сусам по желба

Украсна цветна, млечна погача која може да ви ја збогати Божикната трпеза.

1. Квасецот со шеќерот и ½ шоља млеко го оставаме да стаса. Во млекото ја топиме свинската маст. Во брашното ги додаваме пецивото и солта. Го замесуваме тестото со сите состојки средно меко. Го оставаме да стаса.
2. Откако ќе стаса го размесуваме и го делиме на четири дела. Секој дел го расукуваме во круг и врз него рендаме путер (стегнат, од фрижидер), освен врз четвртиот, кој треба да ни дојде најгоре. Сега, таа една кора ја расукуваме, ја правиме голема и од неа со чашка или кружно калапче вадиме кругови (околу 45 кругчиња треба да ни излезат). Ги редиме во тавче со бр. 30, едно да дојде на половина врз следното, во два кружни реда.
3. Во средината од кругчињата правиме ружа. Откако ќе стаса погачата, ја мачкаме со една жолчка и врз неа ставаме ким и сусам. Ја печеме во загреана рерна, на 200 степени.

Забелешка
Останатиот дел од тестото (ништо не се фрла, нели), го споив, го расукав и си извадив уште едно тавче лиснати кругчиња.

Вкусна погача со топло млеко

Состојки
за квас-каша
250 мл. топло млеко
1 лажичка шеќер
1/2 свеж квасец
1/2 лажичка сол
8 лажици брашно
дополнително
125 мл. масло
по потреба брашно (500-550 гр)
1 жолчка за премачкување
по потреба сирење, маргарин и сусам

1. Во топлото млеко се ставаат состојките заклучно со 8-те лажици брашно, се меша сето да се добие каша, се остава да нарасне.
2. Потоа се додава маслото и по потреба брашно, се меси да се добие меко нелепливо тесто.
3. Тестото се рассукува и се премачкува со маргарин, се витка во ролат, а потоа во полжав. Се става во фрижидер 30 минути.
4. Потоа се рассукува во круг и со нож се исцртува круг, а крајчињата-ленти се оставаат на страна.
5. Кругот се премачкува со маргарин, се сечи на 4 дела и во секој дел се става малку сирење, се витка како кифла, се сече на пола и се реди во подмачкано тавче број 26.
6. Краевите-ленти ги усукуваме, ги сечеме на пола и ги пополнуваме местата помеѓу празнините во тавчето.
7. Погачата се премачкува со жолчка, се става сусам, се остава да стаса 30 минути и се пече на 200 степени 20 до 30 минути.