Во саботата се одиграни уште пет меча од шеснаесет финалето на шпанскиот Куп на Кралот, а најголемото изненадување е ремито на Реал против нискорангираниот Олимпик.

Иако без првите ѕвезди во екипата, Роналдо и Бејл, фудбалерите на мадридски Реал непријатно ги изненадија своите навивачи со реми без голови, 0:0, на гостувањето кај третолигашот Олимпик де Хативи.

Се очекуваше лесна работа на тимот на Анчелоти, но наместо тоа, домашниот тим се радуваше на големо, историско реми против скапоцените мадридски ѕвезди.

Тоа што не му успеа на Реал, му успеа на градскиот ривал Атлетико, кој им спакува „четири комада“ на нискорангираната екипа на Сен Андреуа. Два гола постигна Арда Туран, а по еден Гарсија и Виља за конечни 0:4.

Селта оствари минимална победа над Билбао со голот на Мине, додека Леванте потклекна на гостувањето во Хуелва. Двата меча завршија со победа на домаќините од 1:0.

Со шокантното реми на Реал, победник немаше ни во дуелот меѓу Џирона и Гетафе 1:1.

Денеска се играат уште пет натпревари, а реванш мечевите се на програмата од 17 до 19 декември.

Куп на кралот: шеснаесет финале први мечеви:

Сабота:

Сант – Андреу – Атлетико Мадрид 0:4

Џирона – Гетафе 1:1

Селта – Билбао 1:0

Олимпик – Реал Мадрид 0:0

Рекреативо – Леванте 1:0