Италијанска Серија А

Актуелниот италијански шампион во првиот натпревар од новото коло во Серија А го совлада тимот на Удинезе минимална со 2:1.
Тимот на Рафаел Бенитес уште на почетокот од натпреварот ја презеде иницијативата во свои раце и забележа неколку шанси, а нападите им се исплатија уште во седмата минута, кога Лусио прв ја затресе мрежата на Удинезе за водство на Интер од 1:0.

Во продолжението од натпреварот „нероаѕурите“ постојано се закануваа кон противничкиот гол и забележаа уште неколку шанси.

Прво, Самуел Ето во 12-та минута шутираше кон голот но непрецизно бидејќи неговиот удар заврши надвор од рамките на голот, а потоа Бјабјани се закана кон противничкит гол, но резултатот остана ист.

Во 30-та минута дојде и причина за славје на гостите. Антонио Ди Натале испрати асистенција до Флорес кој со глава го израмни резултатот на 1:1 како што заврши и првиот дел.

Второто полувреме избраниците за Рафаел Бенитес го започнаа со доста поизразени шанси и повеќе закани кон противничкиот гол.

Нашиот најдобар фудбалски репрезентативец Горан Пандев натпреварот го започна на клупата за резерви, но шпанскиот стратег се одлучи да му даде шанса и го стави во игра во 63-та минута, а надвор излезе Џонатан Бјабјани.

Во 66-та минута камерунскиот репрезентативец Самуел Ето имаше фантастична шанса да го зголеми резултатот на 2:1, со удар од белата точка. Главниот арбитар Бриги досуди удар од белата точка, но Ето не успеа да го совлада Хандановиќ, сепак одбиената топка повторно стигна до него и тој во втората шанса успеа да ја затреси противничката мрежа.

До крајот на средбата „нероаѕурите“ имаа уште неколку посериозни прилики за гол, но резултатот остана непроменат со што Интер ги освои новите три бода.