Специјални единици

ЕДИНИЦА ЗА БРЗО РАСПОРЕДУВАЊЕ –ЕБР

     Зачетоците на оваа во моментов актуелна Специјална полициска единица  датираат од средината на 2001 година, во деновите кога во Охрид се потпишуваше Рамковниот договор....

     Во самиот почеток  беше замислена како одвоен Баталјон во рамките на Посебната единица на полиција-ПЕП, со цел за брзи анти-терористички интервенции во секое време, кои дотогаш не беа можни заради системот на ажурирање на ПЕП, па затоа овој баталјон би бил она што дотогаш го немало во МВР (освен во посебни сутуации) , односно би бил единица со 24-часовно  дежурство и со можност за покренување по потреба,  во најкус можен рок и о било какви услови....баталјонот го доби името Баталјон за брзи интервенции-ББИ

Во почетокот баталјонот беше составен од околу 25% редовни полицајци од ПЕП и од 75% полицајци од Резервниот состав на полицијата, кои имаа поминато посебна обука од областа на анти-тероризмот  со инструктори од различни специјални единици и инструктори од други држави....

    Во текот на 2002 година, овој баталјон беше ставен во составот на Единицата за брза интервенција “Лавови”, бидејќи пред странскиот фактор мораше да се оправда постоењето на единица од таков вид, па затоа  ББИ падна како жртва на повисоки интереси и беше претопена во четири пати поголемата единица, Лавовите....

    Во почетокот на 2003 година, на чело на Единицата доаѓа еден од основачите на ББИ, па во тој период таа го добива името СЕБР (Специјална единица за брзо распоредување) за после две години според новата систематизација на МВР , да стане она што е денеска Единица за брзо распоредување-ЕБР....

    Денес ЕБР е единица со целосно оформени структури, со врвен професионализам и со речиси целосна опременост....Голема забелешка од сите познавачи на оваа област е тоа што во единицата во последниве 3-4 години има голем прилив на припадници на АРМ, така што во голем дел е занемарен полицискиот дух на единицата и се почесто се добива впечаток како да станува збор за класична воена единица, отколку за полициска единица....

    Како и да е, ЕБР денеска е единица на достојно ниво и целосно си ги извршува здачите и во областа на анти-тероризмот и во областа на ЈРМ (Јавниот ред и мир) ....