"Брановите" кои доминираат во Вејле можат да се видат од воз, од улица или од реката во деветтиот по големина град во Данска кој е сместен на југоистокот на полуостровот Јутланд. Архитектонското чудо инспирирано од фјордот Вејле со текот на годините стана еден од препознатливите симболи на градот, но и Данска. 

Во текот на денот белите бранови на станбената зграда се рефлектираат во водата, а кога ќе падне мрак, градбата изгледа на планина осветлена во различни бои. Зградата има 140 атрактивни апартмани со поглед кон фјордот, а проектот го потпишува компанијата Хенинг Ларсен Архитект. Пред девет години Здружението на европски архитекти им врачи награда за најдобар станбен објект. Многу стручни магазини ја споредија оваа градба со познатата опера во Сиднеј.

"Постои само едно место на светот каде може да стои оваа зграда, а тоа е на пристаништето на Вејле", рекол архитектот Сорен Олгард од компанијата. 

Првите две кули, од кои во секоја има по 20 станови, се завршени во 2008 година, додека преостанатите три се обновени во 2015 и дури сега се завршуваат. Вејле е омилен помеѓу туристити поради зелените површини, но и бројните специјализирани продавници и места за шопинг.

Познатиот магазин за архитектура и дизајн eVolo неодамна организираше натпревар за најдобро идејно решение за облакодери кои ќе се градат оваа година. На нивна адреса пристигнаа бројни решенија, а некои од нив може да ги видите овде.

Data Tower: Центар за складирање податоци на Исланд

Проектот е дело на италијанските дизајнери Валерија МерК*ри и Марко Мерлетиј. Исланд е како стратешка локација избран од три причини: Сместен е помеѓу Европа и САД, што значи дека компаниите би можеле да ги пружат своите веб-услуги за два континенти од едно место, обновливите извори на енергија би овозможиле снабдување на 100% чиста енергија по иста или пониска цена од класичните горива, додека ниските температури би биле идеални за ладење на серверот, што исто така би овозможило и заштеда на електрична енергија.

The Valley of the Giants: Оази за различни намени

Сместени северно од Тиндуф во Алжир, овие мултуфункционални градби би ја претставувале најголемата оаза во Северна Африка. Неколку складилишта би произведувале, собирале и прочистувале вода и би опрашувале билки, ширејќи гранична оаза во регионот. Облакодерите би биле поврзани со подземни цевки кои би овозможиле процес за создавање бунари и базени. Автори на проектот се Ерк Рандал Морис и Гало Канизарес од САД.

Transpital: Болница која својот простор го прилагодува на пациентите

Кинеските дизајнери Чен Линг, Џиа Тонг, Сун Бо, Ван Чукн, Џан Каи и Чој Миње дошле до замисла за болница, која би го менувала обликот во склад со потребите на пациентите.

- Главната идеја е пациентот да не мора никаде да биде сам, коморите ќе се помрднуваат во склад со тоа на кое одделение треба да оди, објаснуваат дизајнерите.

Објектот се состои од клизни блокови, централни и фиксни зони, кои функционираат како самостојни единици.

Air Stalagmite: Џиновски системи за прочистување на воздух

Американските дизајнери Чангсу Парк и Сиџе Чен овој проект го намениле за најзагадените градови во светот. Во подножјето на објектите сместени се големи системи на принцип на вакуум, кои го вшмукуваат загадениот воздух и го отфрлаат низ филтри.

Cloud Craft: Градби кои создаваат дожд

Мајкл Милитело и Амар Шах биле инспирирани од сушата во Калифорнија. Во нивните градби инкорпориран е систем кој стимулира производство на дожд. Исто така овозможува и контрола на температура, превенција на поплави, намалување на загаденост на воздухот, одбивање на сончеви зраци и прочистување на маглата.

Osteon Cumulus Vertical City: Град долг 1 километар

Британските дизајнери инспирацијата за овој проект ја добиле набљудувајќи коскено ткиво. Употребени се порозни материјали, што ја олеснуваат целата конструкција, а градбата е наменета за создавање енергија, поради што структурата на лик на радијатори во голем број помали комори, се покажала исклучиво корисни.

New York Horizon: Централ парк во ново руво

Се работи за победничкиот проект на американските дизајнери Јитан Суна и Џијанши Вуа. Тие го предложиле трансформирањето на познатиот Централ парк во некој вид на потонат пејзаж. Поместувањето на поедини делови на тлото за да се откријат различни интересни структури создадени од камења, а со тоа паркот би станал достапен за голем број на граѓани.