Законот эа Тетовирање и Пирс !!!

22.01.2010 - 20:01 |

• Македонија

Конечно ќе се воведе ред кој смее да црта по нечие тело и во какви услови го прави тоа. Дали е обучен и со каква опрема работи. Ова се предвидува како одредба во Законот за Јавно здравје. Во меѓувреме во земјава врие од вакви импровизирани салони.

 

- Досега не беа регулирани со друг законски акт, меѓутоа имаат влијание врз јавното здравје односно здравјето на населението . Од тој аспект посебно се води сметка за оние места каде што се врши тетоважа, пирсинг и други активности со кои се врши пробој на кожат, подносно пренесување на одредени заразни заболувања на населението, а денес сме сведоци дека истите се со висока фреквенца, вели проф. д-р Владо Поповски, заменик министер за здравство.

 

Само минатата година двајца млади луѓе добиле Хепатитис-Ц бидејќи биле тетовирани со нестерилизирана опрема. Според стручњаците голем е списокот на заразни болести кои се пренесуваат со пирсинг и тетовирање.

 

-Хепатитис Ц, Хепатитис Б, СИДА. Можат да се добијат скоро сите крвно преносливи инфекции и разни бактериски инфекции, кои можат да доведат до отекување на местото, доколку не се почитуваат основните хигиенски услови, вели проф. д-р Розалинда Исијановска, професор по Епидемиологија.

 

Тетовирањето и ставањето пирсинзи во многу европски земји законски е регулирано од поодамна.