Близнаци - две во едно или едно во две?

Сиена и Сиера се две доста необични близначки од Хјустон. Едната е нормална додека другата за жал боледува од ретка болест.

Родени се во декември 1999 година. Сиера имала нормална тежина за дете родено три месеци пред терминот, додека Сиена тежела само половина килограм а нејзината мајка можела да ја држи со една рака.

Додека Сиера напредувала на Сиена и давале десет отсто шанса дека ќе преживее, но храброто девојче се извлекло и ги преживеало воспалението на белите дробови и операцијата на срце.

Дури после шест години и безброј докторски прегледи Сиена добила службена дијагноза. Таа боледува од ретко генетеско пореметување какво што имаат само двестотини луѓе на целиот свет .

Сиена има 12 години, висока е само 1,2 метри и тешка околу 12 килограми. Малку е веројатно дека ќе расте повеќе, а коските во нејзините уши се толку мали што мора да носи апарат за слушање.

Она што овие девојки ги разликува од останатите кои боледуваат од истиот синдром е тоа што едната од сестрите близначки е сосема нормнална.

Иако лекарите прогнозираа дека Сиена нема никогаш да се развие ќе живее како билка, Сини (како што ја викаат нагалено) е сосема спротивно. Таа е весело и ведро девојче кое сака да танцува и пее.

Родителите на близначките велат дека со хуморот и ведрината во животот на девојчињата,  се спасиле од неизбежната депресија.